https://sputnik-georgia.com/20230621/----278778851.html
პრემიერმა კიბერუსაფრთხოების გამოწვევებზე ისაუბრა
პრემიერმა კიბერუსაფრთხოების გამოწვევებზე ისაუბრა
Sputnik საქართველო
ღარიბაშვილის თქმით, კიბერუსაფრთხოება საქართველოს ეროვნული უსაფრთხოების სექტორის ერთ-ერთი მთავარი მიმართულებაა. 21.06.2023-ს, Sputnik საქართველო
2023-06-21T13:21+0400
2023-06-21T13:21+0400
2023-06-28T11:16+0400
საქართველო
საქართველოს მთავრობა
საქართველოს პრემიერ–მინისტრი
პოლიტიკა
ახალი ამბები
საზოგადოება
https://cdnn1.img.sputnik-georgia.com/img/07e7/05/1b/278062230_270:349:1444:1010_1920x0_80_0_0_204b1b2e62827d3e653999840adb35ac.jpg
თბილისი, 21 ივნისი — Sputnik. კიბერუსაფრთხოება 21-ე საუკუნის ერთ-ერთი მთავარი გამოწვევაა და გადამწყვეტია სახელმწიფო ინსტიტუტებისა და ეკონომიკის ფუნქციონირებისთვის, განაცხადა საქართველოს პრემიერ-მინისტრმა ირაკლი ღარიბაშვილმა.საქართველოს მთავრობის მეთაური რიგით მეორე „საქართველოს კიბერუსაფრთხოების ფორუმი 2023“-ის გახსნაზე სიტყვით გამოვიდა. პრემიერმა იმედი გამოთქვა, რომ ფორუმი ხელს შეუწყობს კიბერუსაფრთხოების საკითხების პროფესიონალურ და საფუძვლიან განხილვას.როგორც პრემიერმა აღნიშნა, საქართველოს, როგორც ეკონომიკური ჰაბის ერთ-ერთ ფუნქციას ციფრული ჰაბის როლი წარმოადგენს.„ჩვენ ვავითარებთ შესაბამის ინფრასტრუქტურას და ასევე ტექნოლოგიურ კავშირებს ევროპასთან და ეს ფორუმიც ამ თემისადმი მთავრობის ყურადღების ერთ-ერთი გამოხატულებაა“, – განაცხადა პრემიერმა.საქართველოს მთავრობის მეთაურმა ასევე ისაუბრა საქართველოს პოლიტიკურ სივრცეში კიბერუსაფრთხოების როლზე. როგორც ღარიბაშვილმა აღნიშნა, საზოგადოება, ქვეყნის ეკონომიკა, განათლების სისტემა, სახელმწიფო სერვისები, მთავრობის საქმიანობა თუ რიგითი ადამიანების ყოველდღიური ცხოვრება მჭიდროდ არის დაკავშირებული ციფრულ ტექნოლოგიებთან.„საქართველო ტექნოლოგიურად განვითარებული სამყაროს ნაწილია და მსგავსი კიბერსაფრთხეების წინაშე დგას. ბუნებრივია, ეს ჩვენ კარგად გვაქვს გააზრებული და, შესაბამისად, კიბერუსაფრთხოების უზრუნველყოფა არის კრიტიკულად მნიშვნელოვანი როგორც სახელმწიფოს უსაფრთხოებისთვის, ისე ბიზნესისა თუ მთლიანად საზოგადოების ნორმალური ფუნქციონირებისთვის", – განაცხადა ღარიბაშვილმა.კიბერუსაფრთხოება საქართველოს ეროვნული უსაფრთხოების სექტორის ერთ-ერთი მთავარი მიმართულებაა და მთავრობა ამ კუთხით მნიშვნელოვან ნაბიჯებს დგამს როგორც ერთიანი სამთავრობო ძალისხმევის, ისე საერთაშორისო პარტნიორებთან თანამშრომლობის მიმართულებით, აღნიშნა პრემიერმა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს მთავრობა , საქართველოს პრემიერ–მინისტრი, პოლიტიკა, ახალი ამბები, საზოგადოება
საქართველო, საქართველოს მთავრობა , საქართველოს პრემიერ–მინისტრი, პოლიტიკა, ახალი ამბები, საზოგადოება
პრემიერმა კიბერუსაფრთხოების გამოწვევებზე ისაუბრა
13:21 21.06.2023 (განახლებულია: 11:16 28.06.2023) ღარიბაშვილის თქმით, კიბერუსაფრთხოება საქართველოს ეროვნული უსაფრთხოების სექტორის ერთ-ერთი მთავარი მიმართულებაა.
თბილისი, 21 ივნისი — Sputnik. კიბერუსაფრთხოება 21-ე საუკუნის ერთ-ერთი მთავარი გამოწვევაა და გადამწყვეტია სახელმწიფო ინსტიტუტებისა და ეკონომიკის ფუნქციონირებისთვის, განაცხადა საქართველოს პრემიერ-მინისტრმა ირაკლი ღარიბაშვილმა.
საქართველოს მთავრობის მეთაური რიგით მეორე „საქართველოს კიბერუსაფრთხოების ფორუმი 2023“-ის გახსნაზე სიტყვით გამოვიდა. პრემიერმა იმედი გამოთქვა, რომ ფორუმი ხელს შეუწყობს კიბერუსაფრთხოების საკითხების პროფესიონალურ და საფუძვლიან განხილვას.
„კიბერუსაფრთხოება არის 21-ე საუკუნის ერთ-ერთი მთავარი გამოწვევა... მას სახელმწიფო ინსტიტუტებისა და ქვეყნის ეკონომიკის ფუნქციონირებისთვის აქვს კრიტიკული მნიშვნელობა", – განაცხადა ღარიბაშვილმა.
როგორც პრემიერმა აღნიშნა, საქართველოს, როგორც ეკონომიკური ჰაბის ერთ-ერთ ფუნქციას ციფრული ჰაბის როლი წარმოადგენს.
„ჩვენ ვავითარებთ შესაბამის ინფრასტრუქტურას და ასევე ტექნოლოგიურ კავშირებს ევროპასთან და ეს ფორუმიც ამ თემისადმი მთავრობის ყურადღების ერთ-ერთი გამოხატულებაა“, – განაცხადა პრემიერმა.
საქართველოს მთავრობის მეთაურმა ასევე ისაუბრა საქართველოს პოლიტიკურ სივრცეში კიბერუსაფრთხოების როლზე. როგორც ღარიბაშვილმა აღნიშნა, საზოგადოება, ქვეყნის ეკონომიკა, განათლების სისტემა, სახელმწიფო სერვისები, მთავრობის საქმიანობა თუ რიგითი ადამიანების ყოველდღიური ცხოვრება მჭიდროდ არის დაკავშირებული ციფრულ ტექნოლოგიებთან.
„საქართველო ტექნოლოგიურად განვითარებული სამყაროს ნაწილია და მსგავსი კიბერსაფრთხეების წინაშე დგას. ბუნებრივია, ეს ჩვენ კარგად გვაქვს გააზრებული და, შესაბამისად, კიბერუსაფრთხოების უზრუნველყოფა არის კრიტიკულად მნიშვნელოვანი როგორც სახელმწიფოს უსაფრთხოებისთვის, ისე ბიზნესისა თუ მთლიანად საზოგადოების ნორმალური ფუნქციონირებისთვის", – განაცხადა ღარიბაშვილმა.
კიბერუსაფრთხოება საქართველოს ეროვნული უსაფრთხოების სექტორის ერთ-ერთი მთავარი მიმართულებაა და მთავრობა ამ კუთხით მნიშვნელოვან ნაბიჯებს დგამს როგორც ერთიანი სამთავრობო ძალისხმევის, ისე საერთაშორისო პარტნიორებთან თანამშრომლობის მიმართულებით, აღნიშნა პრემიერმა.
