https://sputnik-georgia.com/20230602/-----------278214902.html
საქართველოში პური ხარისხიანი გახდება - მცხობელებს ახალი სტანდარტების დაცვა მოუწევთ
საქართველოში პური ხარისხიანი გახდება - მცხობელებს ახალი სტანდარტების დაცვა მოუწევთ
Sputnik საქართველო
2023 წლის ივნისიდან პურის მწარმოებლებისთვის HACCP-ს სტანდარტების დანერგვა სავალდებულო გახდება. 02.06.2023-ს, Sputnik საქართველო
2023-06-02T09:45+0400
2023-06-02T09:45+0400
2023-06-02T15:51+0400
საქართველო
საქართველოს ეკონომიკა
სურსათის ეროვნული სააგენტო
საზოგადოება
ახალი ამბები
https://cdnn1.img.sputnik-georgia.com/img/24815/71/248157135_0:156:3001:1844_1920x0_80_0_0_8b06c9096d854422e50fe2aa5025e1b4.jpg
თბილისი, 2 ივნისი — Sputnik. საქართველოში პურის მწარმოებლებმა უნდა იმუშაონ საფრთხის ანალიზისა და კრიტიკული საკონტროლო წერტილების (HACCP) სისტემით, რათა მოსახლეობას მიაწოდონ უსაფრთხო და ხარისხიანი პროდუქტები, განაცხადა პურის მწარმოებელთა კავშირის თავმჯდომარემ მალხაზ დოლიძემ.1 ივნისიდან კვების პროდუქტების ყველა მწარმოებელი და რეალიზატორი, ასევე გადამამუშავებელი პუნქტი ვალდებულია დანერგოს HACCP სისტემა. ეს არის კონცეფცია, რომელიც ითვალისწინებს იმ სახიფათო ფაქტორების სისტემატურ იდენტიფიცირებას, შეფასებას და მართვას, რომლებიც არსებით გავლენას ახდენს პროდუქციის უსაფრთხოებაზე.მისი თქმით, პროდუქტებს შორის შედარებით უსაფრთხო პურია, რადგანაც იგი 220 გრადუსზე ცხვება და ამ პირობებში ყველა მიკრობი კარგავს სიცოცხლისუნარიანობას.„თუმცა, დროა შემოვიღოთ ცივილიზებული წესები. არ არის საჭირო იმის სწავლება, რომ საჭიროა სახის, ხელების დაბანა, სანიტარიულ-ჰიგიენური ნორმების დაცვა. საწარმო კარგად უნდა ნიავდებოდეს და აღჭურვილი იყოს შესაბამისი ტექნიკით“, – განაცხადა დოლიძემ.მისი განმარტებით, ახალი წესები მოიცავს წარმოებაში მაგნიტური საცერის გამოყენებას, რათა ფქვილში რაიმე უცხო სხეული არ მოხვდეს, საამქრო ასევე უზრუნველყოფილი უნდა იყოს შესაბამისი განათებით, ვენტილაციით და დაცული უნდა იყოს სანიტარიულ-ჰიგიენური წესები.საქართველოში 1 ივნისიდან კვების პროდუქტებზე სპეციალური სტანდარტი ამოქმედდება>>>პურის მწარმოებელთა კავშირის ხელმძღვანელის თქმით, ახალი წესის შემოღებამდე სურსათის ეროვნულ სააგენტოში რამდენიმე შეხვედრა გაიმართა, სადაც მეწარმეებს განუმარტეს, რა და როგორ უნდა იყოს ორგანიზებული მცირე და საშუალო საწარმოებში.„ეს რეკომენდაციები იწყება ნედლეულიდან: უნდა იცოდე მიმწოდებელი, საიდან და რა ხარისხის ნედლეული მოგაწოდეს, საჭიროა დარეგისტრირება. უნდა არსებობდეს დოკუმენტაცია იმის შესახებ, თუ რა დანამატებს იყენებ, რათა პროდუქტში არ მოხვდეს ის, რაც ადამიანს ზიანს მიაყენებს“, – განაცხადა დოლიძემ.ამ სისტემის დანერგვა საწარმოებში აუცილებელია კვების პროდუქტების წარმოების უსაფრთხოების კონტროლის კუთხით. ჯანსაღი საკვების წარმოებისთვის სისტემა საშუალებას იძლევა საწარმოებში შეიქმნას და განისაზღვროს აუცილებელი პერსონალი, აღჭურვილობა, ნედლეული, სამუშაო და სანიტარიულ-ჰიგიენური პირობები.2015 წლიდან ნედლი რძის გადამამუშავებელი საწარმოები და სასაკლაოები ვალდებული არიან იმუშაონ HACCP-ს პრინციპებით, 2019 წლიდან მათ დაემატა საექსპორტო თხილის წარმოების სფერო, 2021 წლის იანვრიდან – ცხოველური წარმოშობის პროდუქტების წარმოების და/ან გადამუშავების საწარმოები, 2021 წლის ივნისიდან – სურსათის მწარმოებლები საცალო ვაჭრობის პუნქტებში.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეკონომიკა, სურსათის ეროვნული სააგენტო, საზოგადოება, ახალი ამბები
საქართველო, საქართველოს ეკონომიკა, სურსათის ეროვნული სააგენტო, საზოგადოება, ახალი ამბები
საქართველოში პური ხარისხიანი გახდება - მცხობელებს ახალი სტანდარტების დაცვა მოუწევთ
09:45 02.06.2023 (განახლებულია: 15:51 02.06.2023) 2023 წლის ივნისიდან პურის მწარმოებლებისთვის HACCP-ს სტანდარტების დანერგვა სავალდებულო გახდება.
თბილისი, 2 ივნისი — Sputnik. საქართველოში პურის მწარმოებლებმა უნდა იმუშაონ საფრთხის ანალიზისა და კრიტიკული საკონტროლო წერტილების (HACCP) სისტემით, რათა მოსახლეობას მიაწოდონ უსაფრთხო და ხარისხიანი პროდუქტები, განაცხადა პურის მწარმოებელთა კავშირის თავმჯდომარემ მალხაზ დოლიძემ.
1 ივნისიდან კვების პროდუქტების ყველა მწარმოებელი და რეალიზატორი, ასევე გადამამუშავებელი პუნქტი ვალდებულია დანერგოს HACCP სისტემა. ეს არის კონცეფცია, რომელიც ითვალისწინებს იმ სახიფათო ფაქტორების სისტემატურ იდენტიფიცირებას, შეფასებას და მართვას, რომლებიც არსებით გავლენას ახდენს პროდუქციის უსაფრთხოებაზე.
„ეს კეთდება მათთვის, ვინც საქართველოში აწარმოებს საკვებს, ეს ეხება საზკვების ობიექტებს, სასადილოებს. მკაცრდება სურსათის წარმოების ტექნოლოგიები. HACCP სტანდარტი ითვალისწინებს წარმოებაში კრიტიკული წერტილების აღმოფხვრას, რათა მოსახლეობა უზრუნველყოფილი იყოს უსაფრთხო საკვებით", – განაცხადა დოლიძემ მედიაჰოლდინგ „კვირის“ პრეს-კლუბში.
მისი თქმით, პროდუქტებს შორის შედარებით უსაფრთხო პურია, რადგანაც იგი 220 გრადუსზე ცხვება და ამ პირობებში ყველა მიკრობი კარგავს სიცოცხლისუნარიანობას.
„თუმცა, დროა შემოვიღოთ ცივილიზებული წესები. არ არის საჭირო იმის სწავლება, რომ საჭიროა სახის, ხელების დაბანა, სანიტარიულ-ჰიგიენური ნორმების დაცვა. საწარმო კარგად უნდა ნიავდებოდეს და აღჭურვილი იყოს შესაბამისი ტექნიკით“, – განაცხადა დოლიძემ.
მისი განმარტებით, ახალი წესები მოიცავს წარმოებაში მაგნიტური საცერის გამოყენებას, რათა ფქვილში რაიმე უცხო სხეული არ მოხვდეს, საამქრო ასევე უზრუნველყოფილი უნდა იყოს შესაბამისი განათებით, ვენტილაციით და დაცული უნდა იყოს სანიტარიულ-ჰიგიენური წესები.
პურის მწარმოებელთა კავშირის ხელმძღვანელის თქმით, ახალი წესის შემოღებამდე სურსათის ეროვნულ სააგენტოში რამდენიმე შეხვედრა გაიმართა, სადაც მეწარმეებს განუმარტეს, რა და როგორ უნდა იყოს ორგანიზებული მცირე და საშუალო საწარმოებში.
„ეს რეკომენდაციები იწყება ნედლეულიდან: უნდა იცოდე მიმწოდებელი, საიდან და რა ხარისხის ნედლეული მოგაწოდეს, საჭიროა დარეგისტრირება. უნდა არსებობდეს დოკუმენტაცია იმის შესახებ, თუ რა დანამატებს იყენებ, რათა პროდუქტში არ მოხვდეს ის, რაც ადამიანს ზიანს მიაყენებს“, – განაცხადა დოლიძემ.
ამ სისტემის დანერგვა საწარმოებში აუცილებელია კვების პროდუქტების წარმოების უსაფრთხოების კონტროლის კუთხით. ჯანსაღი საკვების წარმოებისთვის სისტემა საშუალებას იძლევა საწარმოებში შეიქმნას და განისაზღვროს აუცილებელი პერსონალი, აღჭურვილობა, ნედლეული, სამუშაო და სანიტარიულ-ჰიგიენური პირობები.
2015 წლიდან ნედლი რძის გადამამუშავებელი საწარმოები და სასაკლაოები ვალდებული არიან იმუშაონ HACCP-ს პრინციპებით, 2019 წლიდან მათ დაემატა საექსპორტო თხილის წარმოების სფერო, 2021 წლის იანვრიდან – ცხოველური წარმოშობის პროდუქტების წარმოების და/ან გადამუშავების საწარმოები, 2021 წლის ივნისიდან – სურსათის მწარმოებლები საცალო ვაჭრობის პუნქტებში.
