ახალციხეში დასაქმების პირველი რეგიონული ფორუმი გაიმართება

© photo: Sputnik / Besik Pipiaახალციხე
ახალციხე - Sputnik საქართველო, 1920, 29.05.2023
გამოწერა
საინფორმაციო შეხვედრები და დასაქმების ფორუმები თბილისსა და რეგიონებში მუდმივად იმართება.
თბილისი, 29 მაისი — Sputnik. ახალციხეში 30 მაისს დასაქმების პირველი რეგიონული ფორუმი გაიმართება, ნათქვამია დასაქმების ხელშეწყობის სახელმწიფო სააგენტოს მიერ გავრცელებულ განცხადებაში.
მოქალაქეებს შესაძლებლობა ექნებათ გაეცნონ როგორც ქსელური ბრენდების, ისე ადგილობრივი ბიზნესის აქტიურ ვაკანსიებს. ღონისძიება მესხეთის სახელმწიფო დრამატული თეატრის სკვერში 13:00 საათზე დაიწყება.
ფორუმი დასაქმების ხელშეწყობის სახელმწიფო სააგენტოს, არასამთავრობო ორგანიზაცია „ახალგაზრდული მეწარმეობა სოფლის განვითარებისთვის“ და სამცხე-ჯავახეთის სახელმწიფო რწმუნებულის ადმინისტრაციის ორგანიზებით იმართება.
ფინანსთა მინისტრი ქვეყანაში დასაქმებულთა რაოდენობის გაზრდას ელოდება>>>
ფორუმის გარდა, სააგენტო 29 მაისს ახალციხეში პირველ სერვის-ცენტრს გახსნის, რაც ადგილობრივებს შესაძლებლობას მისცემს, მუდმივად გაეცნონ რეგიონში არსებულ აქტიურ ვაკანსიებს, სერვისებსა და პროგრამებს, რომელსაც სააგენტო სხვადასხვა მიმართულებით ახორციელებს.
ღონისძიების ფარგლებში დაგეგმილია ადგილობრივ დამსაქმებლებთან, არასამთავრობო ორგანიზაციებთან და ადგილობრივ თვითმმართველობებთან საინფორმაციო შეხვედრა. სააგენტოს დირექტორი ნინო ველთაური მოწვეულ სტუმრებს სააგენტოს საქმიანობის შესახებ ინფორმაციას მიაწვდის.
საინფორმაციო შეხვედრები და დასაქმების ფორუმები თბილისსა და რეგიონებში მუდმივად იმართება. აპრილში ღონისძიება ბათუმში ჩატარდა, ახალციხის შემდეგ კი დასაქმების ფორუმს კახეთი უმასპინძლებს.
ყველა ახალი ამბავი
0