https://sputnik-georgia.com/20230512/evropulma-sasamartlom-saakasvils-mkurnalobistvis-ucxoetsi-gadayvanaze-uari-utxra-277620845.html
ევროპულმა სასამართლომ სააკაშვილს მკურნალობისთვის უცხოეთში გადაყვანაზე უარი უთხრა
ევროპულმა სასამართლომ სააკაშვილს მკურნალობისთვის უცხოეთში გადაყვანაზე უარი უთხრა
Sputnik საქართველო
თბილისი, 12 მაისი – Sputnik. ადამიანის უფლებათა ევროპულმა სასამართლომ სააკაშვილს მკურნალობისთვის საზღვარგარეთ გადაყვანაზე უარი უთხრა, განაცხადა ბრიფინგზე... 12.05.2023-ს, Sputnik საქართველო
2023-05-12T17:37+0400
2023-05-12T17:37+0400
2023-05-12T22:07+0400
მიხეილ სააკაშვილი
ახალი ამბები
საქართველო
გახმაურებული სასამართლო პროცესები
ადამიანის უფლებათა ევროპული სასამართლო
https://cdnn1.img.sputnik-georgia.com/img/07e7/02/16/275147174_0:0:3072:1728_1920x0_80_0_0_f23748f1b285d2d9479c7806f94c8a51.jpg
თბილისი, 12 მაისი – Sputnik. ადამიანის უფლებათა ევროპულმა სასამართლომ სააკაშვილს მკურნალობისთვის საზღვარგარეთ გადაყვანაზე უარი უთხრა, განაცხადა ბრიფინგზე საქართველოს იუსტიციის მინისტრმა რატი ბრეგაძემ.მსჯავრდებული ექს-პრეზიდენტის მიხეილ სააკაშვილის ადვოკატებმა აპრილში ადამიანის უფლებათა ევროპულ სასამართლოს მიმართეს და გაასაჩივრეს ქართული სასამართლოს გადაწყვეტილება, რომელმაც სააკაშვილს უარი უთხრა სამკურნალოდ საზღვარგარეთ გადაყვანაზე.მისი თქმით, ეს გადაწყვეტილება მოწმობს, რომ სახელმწიფოს ყველა მოქმედება სწორი იყო და შეესაბამებოდა ადამიანის უფლებათა ყველაზე მაღალ სტანდარტებს, ხოლო სააკაშვილი თვითდაზიანებას ეწევა და ჯანმრთელობის მდგომარეობას ხელოვნურად იუარესებს.2023 წლის 6 თებერვალს თბილისის საქალაქო სასამართლომ ჯანმრთელობის მდგომარეობის გამო სააკაშვილის გათავისუფლებაზე ან სასჯელის გადავადებაზე უარი განაცხადა. მოსამართლე გიორგი არევაძემ უფრო დამაჯერებლად მიიჩნია იუსტიციის სამინისტროს სპეციალური პენიტენციური სამსახურის წარმომადგენლების არგუმენტები, რომლებმაც ეჭვქვეშ დააყენეს სააკაშვილის დაცვის მხარის მიერ მოწვეული ექსპერტების დიაგნოზები. 2 მარტს სააპელაციო სასამართლომ ეს გადაწყვეტილება ძალაში დატოვა. სააკაშვილის ლობისტური კამპანია საქართველოს წინააღმდეგ არის მიმართული - კალაძე>>ექს-პრეზიდენტის დაცვის მხარე სასამართლო სხდომებზე ამტკიცებდა, რომ სააკაშვილს აქვს სამი მძიმე დაავადება: დემენცია (ჭკუასუსტობის ერთ-ერთი სახე) დაუზუსტებელი; კახექსია და გამოხატული ატაქტიური სინდრომი, რომელსაც თან ახლავს გონებრივი ფუნქციების მოშლა. კომპლექსური სამედიცინო დასკვნა შედგენილია დიაგნოზების საფუძველზე, რომლებიც მათ შორის უცხოელმა ექიმებმა დასვეს. მათი თქმით, სააკაშვილი მძიმე ლითონებით არის მოწამლული.2023 წლის აპრილის შუა რიცხვებში „ლიმბახის" ლაბორატორიამ უარყო სააკაშვილის მძიმე ლითონებით მოწამვლის ვერსია.3 თებერვალს სასამართლო სხდომაზე კლინიკის დირექტორი ნინო ნადირაძე წარდგა, რომელმაც დაადასტურა, რომ სააკაშვილს კახექსია აქვს, მაგრამ, მისი თქმით, კახექსიის მიზეზია არა მალაბსორბცია (ნაწლავებში შეწოვის დარღვევა), როგორც ამას დაცვის მხარის ექსპერტები ამტკიცებენ, არამედ ნორმალურ კვებაზე უარის თქმა.იუსტიციის მინისტრი: მილიონიანი კამპანია ჩაიშალა - სააკაშვილი არ არის მოწამლული>>>იუსტიციის მინისტრმა რატი ბრეგაძემ და ხელისუფლების სხვა წარმომადგენლებმა არაერთხელ განაცხადეს, რომ სააკაშვილი მიზანმიმართულად არ იღებს საკვებს და უარს ამბობს ექიმების დანიშნულების შესრულებაზე, რათა ხელოვნურად გაიუარესოს ჯანმრთელობის მდგომარეობა და გათავისუფლებას მიაღწიოს. მათი განცხადებით, სააკაშვილს ასეთი საქციელისკენ მისი გარემოცვა უბიძგებს.სააკაშვილის სისხლის სამართლის საქმეებისააკაშვილი საქართველოში უკრაინიდან არალეგალურად 2021 წლის 29 სექტემბერს დაბრუნდა. ის 1 ოქტომბერს თბილისში დააკავეს. მას უკვე მისჯილი აქვს 6 წლით თავისუფლების აღკვეთა დეპუტატ ვალერი გელაშვილის ცემისა და სანდრო გირგვლიანის მკვლელობაში მსჯავრდებულების შეწყალების საქმეებზე.თბილისის საქალაქო სასამართლო მის წინააღმდეგ განიხილავს კიდევ სამ საქმეს – სახელმწიფო სახსრების გაფლანგვის, 2007 წლის 7 ნოემბრის აქციის დარბევისა და საზღვრის უკანონოდ გადმოკვეთის საქმეებს.დაკავებიდან დღემდე სააკაშვილმა ციხის საკანში ნახევარ წელიწადზე ნაკლები დრო გაატარა, დანარჩენი პერიოდი იგი სხვადასხვა კლინიკაში იმყოფებოდა – ჯერ ციხის, შემდეგ სამხედრო ჰოსპიტალში, ახლა კი კლინიკა „ვივამედში".
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მიხეილ სააკაშვილი , ახალი ამბები, საქართველო, გახმაურებული სასამართლო პროცესები, ადამიანის უფლებათა ევროპული სასამართლო
მიხეილ სააკაშვილი , ახალი ამბები, საქართველო, გახმაურებული სასამართლო პროცესები, ადამიანის უფლებათა ევროპული სასამართლო
თბილისი, 12 მაისი – Sputnik. ადამიანის უფლებათა ევროპულმა სასამართლომ სააკაშვილს მკურნალობისთვის საზღვარგარეთ გადაყვანაზე უარი უთხრა, განაცხადა ბრიფინგზე საქართველოს იუსტიციის მინისტრმა რატი ბრეგაძემ.
მსჯავრდებული ექს-პრეზიდენტის მიხეილ სააკაშვილის ადვოკატებმა აპრილში ადამიანის უფლებათა ევროპულ სასამართლოს მიმართეს და გაასაჩივრეს ქართული სასამართლოს გადაწყვეტილება, რომელმაც სააკაშვილს უარი უთხრა სამკურნალოდ საზღვარგარეთ გადაყვანაზე.
„დღეს გამოქვეყნდა სტრასბურგის სასამართლოს გადაწყვეტილება, რომლის თანახმად, მსჯავრდებულ მიხეილ სააკაშვილს საქმეში „სააკაშვილი საქართველოს წინააღმდეგ“ უარი ეთქვა ვარშავაში გადაყვანაზე და ამავდროულად სახელმწიფოს არ დაევალა ქვეყნის შიგნით სხვა სამკურნალო დაწესებულებაში გადაყვანა", – განაცხადა ბრეგაძემ.
მისი თქმით, ეს გადაწყვეტილება მოწმობს, რომ სახელმწიფოს ყველა მოქმედება სწორი იყო და შეესაბამებოდა ადამიანის უფლებათა ყველაზე მაღალ სტანდარტებს, ხოლო სააკაშვილი თვითდაზიანებას ეწევა და ჯანმრთელობის მდგომარეობას ხელოვნურად იუარესებს.
2023 წლის 6 თებერვალს თბილისის საქალაქო სასამართლომ ჯანმრთელობის მდგომარეობის გამო სააკაშვილის გათავისუფლებაზე ან სასჯელის გადავადებაზე უარი განაცხადა. მოსამართლე გიორგი არევაძემ უფრო დამაჯერებლად მიიჩნია იუსტიციის სამინისტროს სპეციალური პენიტენციური სამსახურის წარმომადგენლების არგუმენტები, რომლებმაც ეჭვქვეშ დააყენეს სააკაშვილის დაცვის მხარის მიერ მოწვეული ექსპერტების დიაგნოზები. 2 მარტს სააპელაციო სასამართლომ ეს გადაწყვეტილება ძალაში დატოვა.
ექს-პრეზიდენტის დაცვის მხარე სასამართლო სხდომებზე ამტკიცებდა, რომ სააკაშვილს აქვს სამი მძიმე დაავადება: დემენცია (ჭკუასუსტობის ერთ-ერთი სახე) დაუზუსტებელი; კახექსია და გამოხატული ატაქტიური სინდრომი, რომელსაც თან ახლავს გონებრივი ფუნქციების მოშლა. კომპლექსური სამედიცინო დასკვნა შედგენილია დიაგნოზების საფუძველზე, რომლებიც მათ შორის უცხოელმა ექიმებმა დასვეს. მათი თქმით, სააკაშვილი მძიმე ლითონებით არის მოწამლული.
2023 წლის აპრილის შუა რიცხვებში „ლიმბახის" ლაბორატორიამ უარყო სააკაშვილის მძიმე ლითონებით მოწამვლის ვერსია.
3 თებერვალს სასამართლო სხდომაზე კლინიკის დირექტორი ნინო ნადირაძე წარდგა, რომელმაც დაადასტურა, რომ სააკაშვილს კახექსია აქვს, მაგრამ, მისი თქმით, კახექსიის მიზეზია არა მალაბსორბცია (ნაწლავებში შეწოვის დარღვევა), როგორც ამას დაცვის მხარის ექსპერტები ამტკიცებენ, არამედ ნორმალურ კვებაზე უარის თქმა.
იუსტიციის მინისტრმა რატი ბრეგაძემ და ხელისუფლების სხვა წარმომადგენლებმა არაერთხელ განაცხადეს, რომ სააკაშვილი მიზანმიმართულად არ იღებს საკვებს და უარს ამბობს ექიმების დანიშნულების შესრულებაზე, რათა ხელოვნურად გაიუარესოს ჯანმრთელობის მდგომარეობა და გათავისუფლებას მიაღწიოს. მათი განცხადებით, სააკაშვილს ასეთი საქციელისკენ მისი გარემოცვა უბიძგებს.
სააკაშვილის სისხლის სამართლის საქმეები
სააკაშვილი საქართველოში უკრაინიდან არალეგალურად 2021 წლის 29 სექტემბერს დაბრუნდა. ის 1 ოქტომბერს თბილისში დააკავეს. მას უკვე მისჯილი აქვს 6 წლით თავისუფლების აღკვეთა დეპუტატ ვალერი გელაშვილის ცემისა და სანდრო გირგვლიანის მკვლელობაში მსჯავრდებულების შეწყალების საქმეებზე.
თბილისის საქალაქო სასამართლო მის წინააღმდეგ განიხილავს კიდევ სამ საქმეს – სახელმწიფო სახსრების გაფლანგვის, 2007 წლის 7 ნოემბრის აქციის დარბევისა და საზღვრის უკანონოდ გადმოკვეთის საქმეებს.
დაკავებიდან დღემდე სააკაშვილმა ციხის საკანში ნახევარ წელიწადზე ნაკლები დრო გაატარა, დანარჩენი პერიოდი იგი სხვადასხვა კლინიკაში იმყოფებოდა – ჯერ ციხის, შემდეგ სამხედრო ჰოსპიტალში, ახლა კი კლინიკა „ვივამედში".
