https://sputnik-georgia.com/20230503/rodis-amusavdeba-aplikacia-fiqs-tbilisi-277299904.html
ბრძოლა ვანდალიზმთან: როდის ამუშავდება აპლიკაცია „ფიქს თბილისი"
ბრძოლა ვანდალიზმთან: როდის ამუშავდება აპლიკაცია „ფიქს თბილისი"
Sputnik საქართველო
მერიის ინფორმაციით, აპლიკაციის მეშვეობით მოქალაქეს დაზიანების შესახებ შეტყობინებისთვის არ მოუწევს „ცხელ ხაზზე" დარეკვა და მერია პრობლემის მარტივად... 03.05.2023-ს, Sputnik საქართველო
2023-05-03T14:51+0400
2023-05-03T14:51+0400
2023-05-03T14:51+0400
თბილისი დღეს
თბილისის მერია
კახა კალაძე
ახალი ამბები
საქართველო
საზოგადოება
https://cdnn1.img.sputnik-georgia.com/img/07e7/03/09/275613723_0:0:1280:721_1920x0_80_0_0_4b609746fba1cacb5ca05395ea9757fa.jpg
თბილისი, 3 მაისი — Sputnik. აპლიკაცია, სადაც მოქალაქეები დედაქალაქში ინფრასტრუქტურის დაზიანების შესახებ ინფორმაციას განათავსებენ, 15 მაისიდან ამოქმედდება, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე. რამდენიმე კვირის წინ ცნობილი გახდა, რომ თბილისის მერიის მუნიციპალური სერვისების განვითარების სააგენტო მუშაობს პროექტზე – სპეციალურ აპლიკაციაზე „ფიქს თბილისი", რომელზე წვდომაც ყველა მოქალაქეს ექნება. მისი ინფორმაციით, ნებისმიერი პირი შეძლებს, დააფიქსიროს დაზიანება, გადაუღოს ფოტო, მიაწეროს მისამართი. „აღნიშნული ინფორმაცია ავტომატურ რეჟიმში მიეწოდება შესაბამის სამსახურს, რომლის მხრიდან მოხდება განცხადებაზე რეაგირება, ხოლო ინფორმაციის მომწოდებელი მოქალაქე, ამავე აპლიკაციის საშუალებით, მიიღებს განახლებულ ინფორმაციას, თუ რა ეტაპზეა მის მიერ დაფიქსირებული პრობლემის მოგვარება", - განაცხადა კალაძემ. ამ ეტაპზე აპლიკაცია აერთიანებს საკითხთა ოთხ კატეგორიას: საგზაო ინფრასტრუქტურის დაზიანება, ხე-მცენარეების დაზიანება, გარეგანათების დაზიანება და საპარკო ინფრასტრუქტურის დაზიანება. საშიშია - კალაძემ თბილისში ვანდალიზმის ფაქტები დაგმო>>კალაძემ მიმდინარე წლის თებერვლის შუა რიცხვებში განაცხადა, რომ საზოგადოებრივი სარგებლობისთვის განკუთვნილი ობიექტების დაზიანება ან განადგურება დაჯარიმებას გამოიწვევს. მისი თქმით, საზოგადოებრივ სივრცეებში და მუნიციპალურ ტრანსპორტში ვანდალიზმის ფაქტების პრევენციის მიზნით ადმინისტრაციულ სამართალდარღვევათა კოდექსში ცვლილებები მომზადდა. საქართველოს პარლამენტმა 2 მაისს მესამე მოსმენით მიიღო ადმინისტრაციულ სამართალდარღვევათა კოდექსში ცვლილებები, რომლებიც ვანდალიზმისთვის 300-500 ლარით დაჯარიმებას ითვალისწინებს.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
თბილისი დღეს, თბილისის მერია, კახა კალაძე , ახალი ამბები, საქართველო, საზოგადოება
თბილისი დღეს, თბილისის მერია, კახა კალაძე , ახალი ამბები, საქართველო, საზოგადოება
ბრძოლა ვანდალიზმთან: როდის ამუშავდება აპლიკაცია „ფიქს თბილისი"
მერიის ინფორმაციით, აპლიკაციის მეშვეობით მოქალაქეს დაზიანების შესახებ შეტყობინებისთვის არ მოუწევს „ცხელ ხაზზე" დარეკვა და მერია პრობლემის მარტივად იდენტიფიცირებას შეძლებს.
თბილისი, 3 მაისი — Sputnik. აპლიკაცია, სადაც მოქალაქეები დედაქალაქში ინფრასტრუქტურის დაზიანების შესახებ ინფორმაციას განათავსებენ, 15 მაისიდან ამოქმედდება, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე.
რამდენიმე კვირის წინ ცნობილი გახდა, რომ თბილისის მერიის მუნიციპალური სერვისების განვითარების სააგენტო მუშაობს პროექტზე – სპეციალურ აპლიკაციაზე „ფიქს თბილისი", რომელზე წვდომაც ყველა მოქალაქეს ექნება.
„ეს არის მუნიციპალიტეტსა და მოქალაქეს შორის სპეციფიკური კომუნიკაციის საშუალება, რომლის მიზანია, მუნიციპალიტეტის ინფორმირება დედაქალაქში ინფრასტრუქტურის დაზიანების შესახებ", - განმარტა მერმა.
მისი ინფორმაციით, ნებისმიერი პირი შეძლებს, დააფიქსიროს დაზიანება, გადაუღოს ფოტო, მიაწეროს მისამართი.
„აღნიშნული ინფორმაცია ავტომატურ რეჟიმში მიეწოდება შესაბამის სამსახურს, რომლის მხრიდან მოხდება განცხადებაზე რეაგირება, ხოლო ინფორმაციის მომწოდებელი მოქალაქე, ამავე აპლიკაციის საშუალებით, მიიღებს განახლებულ ინფორმაციას, თუ რა ეტაპზეა მის მიერ დაფიქსირებული პრობლემის მოგვარება", - განაცხადა კალაძემ.
ამ ეტაპზე აპლიკაცია აერთიანებს საკითხთა ოთხ კატეგორიას: საგზაო ინფრასტრუქტურის დაზიანება, ხე-მცენარეების დაზიანება, გარეგანათების დაზიანება და საპარკო ინფრასტრუქტურის დაზიანება.
კალაძემ მიმდინარე წლის თებერვლის შუა რიცხვებში განაცხადა, რომ საზოგადოებრივი სარგებლობისთვის განკუთვნილი ობიექტების დაზიანება ან განადგურება დაჯარიმებას გამოიწვევს.
მისი თქმით, საზოგადოებრივ სივრცეებში და მუნიციპალურ ტრანსპორტში ვანდალიზმის ფაქტების პრევენციის მიზნით ადმინისტრაციულ სამართალდარღვევათა კოდექსში ცვლილებები მომზადდა. საქართველოს პარლამენტმა 2 მაისს მესამე მოსმენით მიიღო ადმინისტრაციულ სამართალდარღვევათა კოდექსში ცვლილებები, რომლებიც ვანდალიზმისთვის 300-500 ლარით
დაჯარიმებას ითვალისწინებს.
