https://sputnik-georgia.com/20230427/evropasi-firosmanis-namusevrebi-gamoifineba-277108136.html
ევროპაში ფიროსმანის ნახატების გამოფენები გაიმართება
ევროპაში ფიროსმანის ნახატების გამოფენები გაიმართება
Sputnik საქართველო
ქართველი პრიმიტივისტი გენიოსის დაახლოებით 50 ნამუშევარი სპეციალური პირდაპირი რეისით უკვე გადაიტანეს კოპენჰაგენში. 27.04.2023-ს, Sputnik საქართველო
2023-04-27T10:27+0400
2023-04-27T10:27+0400
2023-08-17T19:46+0400
კულტურა საქართველოში
საქართველოს კულტურისა და სპორტის სამინისტრო
თეა წულუკიანი
ნიკო ფიროსმანი
ახალი ამბები
საქართველო
საზოგადოება
დანია
შვეიცარია
https://cdnn1.img.sputnik-georgia.com/img/24789/01/247890137_0:284:1100:903_1920x0_80_0_0_d12e339e129a143722fc6c5f19d8531a.jpg
თბილისი, 27 აპრილი — Sputnik. დიდი ქართველი მხატვრის ნიკო ფიროსმანის ნამუშევრები დანიისა და შვეიცარიის მუზეუმში გამოიფინება, განაცხადა საქართველოს კულტურის, სპორტისა და ახალგაზრდობის მინისტრმა თეა წულუკიანმა. მსოფლიოში აღიარებული მხატვრის 50-მდე ორიგინალური ნამუშევარი კოპენჰაგენში სპეციალური პირდაპირი რეისით უკვე ჩატანილია. ჩატანილი ტილოები რესტავრატორებმა გახსნეს და შეამოწმეს – ტრანსპორტირების დროს არცერთი ნამუშევარი არ დაზიანებულა. მთელ კოპენჰაგენში უკვე გამოკრულია ბანერები, რომლებიც მოსახლეობას ფიროსმანის გამოფენის შესახებ აუწყებს. ეს ორი ისტორიული გამოფენა ევროპაში ეწყობა ქართული კულტურისა და ფიროსმანის პოპულარიზაციისთვის, რომელიც ოცნებობდა, რომ თავის ხელოვნებაზე ესაუბრა კულტურით დაინტერესებულ სხვა ადამიანებთან. ასე ასრულდება ნიკო ფიროსმანისა და ჩვენი ოცნება, განაცხადა თეა წულუკიანმა ტელეკომპანია „იმედის" ეთერში. მინისტრმა ასევე აღნიშნა, რომ ბეილერის ფონდის მუზეუმმა მადლობის ნიშნად, რომ ევროპაში ფიროსმანის შემოქმედებას გაეცნობიან, საქართველოში თავისი რესტავრატორები მოავლინა. ფიროსმანის თითოეულ ტილოს თანამედროვე ტექნოლოგიებით დიაგნოსტიკა უფასოდ ჩაუტარდა. გამოფენებზე გაიგზავნა ის ნამუშევრები, რომლებიც ტრანსპორტირებას ექვემდებარება. სხვა ტილოებს რაც შეეხება, მათთან დაკავშირებით ექსპერტებთან ცალკე კონსულტაცია გაიმართა. წულუკიანმა აღნიშნა, რომ კულტურის სამინისტრომ სპეციალისტებისგან მიიღო მანამდე მათთვის უცნობი ინფორმაცია, თუმცა რა სახის ინფორმაციაა ეს, არ დაუზუსტებია. გარდა ამისა, უცხოელ კოლეგებთან თანამშრომლობით შეიქმნება მრავალენოვანი მულტიმედიური ვებ-გვერდი, რომელიც ნიკო ფიროსმანის შემოქმედებას მიეძღვნება. ბეილერის ფონდის მუზეუმში გამოფენის შემდეგ ტილოები საქართველოს დაუბრუნდება. ნიკო ფიროსმანი (1862-1918) XX საუკუნის უდიდესი ქართველი მხატვარია. იგი სიღარიბეში ცხოვრობდა და სიღარიბეშივე გარდაიცვალა. გარდაცვალების შემდეგ კი მსოფლიომ აღიარა როგორც უდიდესი მხატვარი. მხატვრის სურათების უმრავლესობა, 146 ტილო დაცულია თბილისში, საქართველოს ხელოვნების სახელმწიფო მუზეუმში.
საქართველო
დანია
შვეიცარია
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
კულტურა საქართველოში, საქართველოს კულტურისა და სპორტის სამინისტრო, თეა წულუკიანი , ნიკო ფიროსმანი , ახალი ამბები, საქართველო, საზოგადოება, დანია , შვეიცარია
კულტურა საქართველოში, საქართველოს კულტურისა და სპორტის სამინისტრო, თეა წულუკიანი , ნიკო ფიროსმანი , ახალი ამბები, საქართველო, საზოგადოება, დანია , შვეიცარია
ევროპაში ფიროსმანის ნახატების გამოფენები გაიმართება
10:27 27.04.2023 (განახლებულია: 19:46 17.08.2023) ქართველი პრიმიტივისტი გენიოსის დაახლოებით 50 ნამუშევარი სპეციალური პირდაპირი რეისით უკვე გადაიტანეს კოპენჰაგენში.
თბილისი, 27 აპრილი — Sputnik. დიდი ქართველი მხატვრის ნიკო ფიროსმანის ნამუშევრები დანიისა და შვეიცარიის მუზეუმში გამოიფინება, განაცხადა საქართველოს კულტურის, სპორტისა და ახალგაზრდობის მინისტრმა თეა წულუკიანმა.
ქართველი გენიოსი პრიმიტივისტის ნამუშევრების დათვალიერება შესაძლებელი იქნება დანიის თანამედროვე ხელოვნების მუზეუმში „ლუიზიანა" 4 მაისიდან 20 აგვისტოს ჩათვლით, ხოლო შვეიცარიის ქალაქ რიენის ბეილერის ფონდის მუზეუმში – 17 სექტემბრიდან 2024 წლის 28 იანვრის ჩათვლით.
მსოფლიოში აღიარებული მხატვრის 50-მდე ორიგინალური ნამუშევარი კოპენჰაგენში სპეციალური პირდაპირი რეისით უკვე ჩატანილია.
ჩატანილი ტილოები რესტავრატორებმა გახსნეს და შეამოწმეს – ტრანსპორტირების დროს არცერთი ნამუშევარი არ დაზიანებულა. მთელ კოპენჰაგენში უკვე გამოკრულია ბანერები, რომლებიც მოსახლეობას ფიროსმანის გამოფენის შესახებ აუწყებს.
ეს ორი ისტორიული გამოფენა ევროპაში ეწყობა ქართული კულტურისა და ფიროსმანის პოპულარიზაციისთვის, რომელიც ოცნებობდა, რომ თავის ხელოვნებაზე ესაუბრა კულტურით დაინტერესებულ სხვა ადამიანებთან. ასე ასრულდება ნიკო ფიროსმანისა და ჩვენი ოცნება, განაცხადა თეა წულუკიანმა ტელეკომპანია „იმედის" ეთერში.
მინისტრმა ასევე აღნიშნა, რომ ბეილერის ფონდის მუზეუმმა მადლობის ნიშნად, რომ ევროპაში ფიროსმანის შემოქმედებას გაეცნობიან, საქართველოში თავისი რესტავრატორები მოავლინა. ფიროსმანის თითოეულ ტილოს თანამედროვე ტექნოლოგიებით დიაგნოსტიკა უფასოდ ჩაუტარდა.
გამოფენებზე გაიგზავნა ის ნამუშევრები, რომლებიც ტრანსპორტირებას ექვემდებარება. სხვა ტილოებს რაც შეეხება, მათთან დაკავშირებით ექსპერტებთან ცალკე კონსულტაცია გაიმართა. წულუკიანმა აღნიშნა, რომ კულტურის სამინისტრომ სპეციალისტებისგან მიიღო მანამდე მათთვის უცნობი ინფორმაცია, თუმცა რა სახის ინფორმაციაა ეს, არ დაუზუსტებია.
გარდა ამისა, უცხოელ კოლეგებთან თანამშრომლობით შეიქმნება მრავალენოვანი მულტიმედიური ვებ-გვერდი, რომელიც ნიკო ფიროსმანის შემოქმედებას მიეძღვნება.
ბეილერის ფონდის მუზეუმში გამოფენის შემდეგ ტილოები საქართველოს დაუბრუნდება.
ნიკო ფიროსმანი (1862-1918) XX საუკუნის უდიდესი ქართველი მხატვარია. იგი სიღარიბეში ცხოვრობდა და სიღარიბეშივე გარდაიცვალა. გარდაცვალების შემდეგ კი მსოფლიომ აღიარა როგორც უდიდესი მხატვარი. მხატვრის სურათების უმრავლესობა, 146 ტილო დაცულია თბილისში, საქართველოს ხელოვნების სახელმწიფო მუზეუმში.
