https://sputnik-georgia.com/20230419/---------276883802.html
როგორ იმოქმედებს კორონავირუსის ახალი შტამი ეპიდვითარებაზე - ინფექციონისტის განმარტება
როგორ იმოქმედებს კორონავირუსის ახალი შტამი ეპიდვითარებაზე - ინფექციონისტის განმარტება
Sputnik საქართველო
შტამი Arcturus მსოფლიოს 29 ქვეყანაშია გავრცელებული, მათ შორის რუსეთში, აშშ-ში, სინგაპურში, ავსტრალიაში და სხვა ქვეყნებში. 19.04.2023-ს, Sputnik საქართველო
2023-04-19T19:21+0400
2023-04-19T19:21+0400
2023-08-17T18:17+0400
covid-19 - ბოლო ცნობები
საქართველო
საზოგადოება
ახალი ამბები
covid-19
https://cdnn1.img.sputnik-georgia.com/img/07e6/07/13/268667655_0:194:3130:1955_1920x0_80_0_0_f45c3729b5627f4f22b93f3a7c08be44.jpg
თბილისი, 19 აპრილი — Sputnik. მეცნიერები ყურადღებით აკვირდებიან კორონავირუსის ახალ შტამს Arcturus-ს, თუმცა ჯერჯერობით შეუძლებელია იმის პროგნოზირება, შეძლებს თუ არა იგი მსოფლიოში ეპიდსიტუაციის შეცვლას, განაცხადა ინფექციონისტმა ალექსანდრე გოგინავამ დღეს გამართულ პრესკონფერენციაზე.წინასწარი მონაცემებით, „ომიკრონის" ქვევარიანტ Arcturus-ს გადამდებლობის სწრაფი უნარი აქვს, თუმცა, ვირუსის ამ ვარიანტით გამოწვეული დაავადება მსუბუქი ფორმით მიმდინარეობს.ვირუსებს ახასიათებთ მუტაცია, მათ შორის კორონავირუსს, ამიტომაც ახალი შტამების და ქვეტიპების გაჩენაში განსაკუთრებული არაფერია, აღნიშნა სპეციალისტმა.ჯანმრთელობის მსოფლიო ორგანიზაცია და მეცნიერები აკვირდებიან ამ შტამებს და მათგან გამოყოფენ ერთს, რომელიც მეტ ყურადღებას იმსახურებს და პანდემიის მიმდინარეობაში შეუძლია გარკვეული ცვლილებები შეიტანოს, განაცხადა გოგინავამ.შტამი Arcturus პირველად 2023 წლის იანვარში გამოვლინდა. უკვე მარტში მეცნიერებმა იგი აღიარეს როგორც შტამი, რომელიც საჭიროებს საფუძვლიან შესწავლას და მონიტორინგს, აღნიშნა სპეციალისტმა.ჩხაიძემ კორონავირუსის პანდემიის დასრულების პერიოდი დაასახელა>>>„ეს ნიშნავს, რომ მას აქვს პოტენციალი, გამოიწვიოს დაავადების უფრო მძიმე მიმდინარეობა, ვიდრე წინა შტამების შემთხვევაში იყო, ან უფრო სწრაფად გავრცელდეს”, – განაცხადა გოგინავამ.Arcturus-ის სიმპტომებირაც შეეხება ახალი შტამის კლინიკურ გამოვლინებებს, იგი ჰგავს იმ სიმპტომებს, რომლებიც დამახასიათებელი იყო წინა შტამებისთვის, თუმცა აღენიშნება ერთი განმასხვავებელი თვისება – კონიუნქტივიტი. 1,5 თვის შემდეგ ახალი შტამის შესახებ მეტი ინფორმაცია იქნება ხელმისაწვდომი, შესაბამისად, შესაძლებელი იქნება საუბარი იმაზეც, თუ რამდენად გამოიწვევს იგი გლობალურ პრობლემებს, აღნიშნა სპეციალისტმა. ინფექციონისტის თქმით, წინა შტამი „კრაკენი“ სწრაფად გავრცელდა მთელ მსოფლიოში, თუმცა მან პანდემიის მიმდინარეობაზე გლობალურად ვერ იმოქმედა. ამაზე მიუთითებს ის ფაქტი, რომ ექვსი თვის განმავლობაში პანდემია მართვადი იყო და ახალი შემთხვევების მკვეთრი ზრდა არ დაფიქსირებულა.სიტუაცია საქართველოშირაც შეეხება საქართველოში არსებულ მდგომარეობას, ბოლო 2-3 თვის განმავლობაში ქვეყანაში ეპიდემიოლოგიური ვითარება სტაბილურია და შეიმჩნევა დადებითი დინამიკა: აპრილში ახალი შემთხვევების კლების ტენდენცია შეინიშნება.სპეციალისტის თქმით, საქართველოში ამჟამად „ომიკრონის“ სხვადასხვა შტამი ცირკულირებს. დაავადება უმეტეს შემთხვევაში მსუბუქად მიმდინარეობს, თუმცა ქრონიკული დაავადებების მქონე პაციენტებს მაინც მეტი სიფრთხილე მართებთ.ახალი Arcturus შტამი მსოფლიოს 29 ქვეყანაშია გავრცელებული, მათ შორის რუსეთში, აშშ-ში, სინგაპურში, ავსტრალიაში და სხვა ქვეყნებში.საქართველოში კორონავირუსის ახალი შტამით დაავადების შემთხვევები ჯერ არ დაფიქსირებულა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საზოგადოება, ახალი ამბები, covid-19
საქართველო, საზოგადოება, ახალი ამბები, covid-19
როგორ იმოქმედებს კორონავირუსის ახალი შტამი ეპიდვითარებაზე - ინფექციონისტის განმარტება
19:21 19.04.2023 (განახლებულია: 18:17 17.08.2023) შტამი Arcturus მსოფლიოს 29 ქვეყანაშია გავრცელებული, მათ შორის რუსეთში, აშშ-ში, სინგაპურში, ავსტრალიაში და სხვა ქვეყნებში.
თბილისი, 19 აპრილი — Sputnik. მეცნიერები ყურადღებით აკვირდებიან კორონავირუსის ახალ შტამს Arcturus-ს, თუმცა ჯერჯერობით შეუძლებელია იმის პროგნოზირება, შეძლებს თუ არა იგი მსოფლიოში ეპიდსიტუაციის შეცვლას, განაცხადა ინფექციონისტმა ალექსანდრე გოგინავამ დღეს გამართულ პრესკონფერენციაზე.
წინასწარი მონაცემებით, „ომიკრონის" ქვევარიანტ Arcturus-ს გადამდებლობის სწრაფი უნარი აქვს, თუმცა, ვირუსის ამ ვარიანტით გამოწვეული დაავადება მსუბუქი ფორმით მიმდინარეობს.
ვირუსებს ახასიათებთ მუტაცია, მათ შორის კორონავირუსს, ამიტომაც ახალი შტამების და ქვეტიპების გაჩენაში განსაკუთრებული არაფერია, აღნიშნა სპეციალისტმა.
ჯანმრთელობის მსოფლიო ორგანიზაცია და მეცნიერები აკვირდებიან ამ შტამებს და მათგან გამოყოფენ ერთს, რომელიც მეტ ყურადღებას იმსახურებს და პანდემიის მიმდინარეობაში შეუძლია გარკვეული ცვლილებები შეიტანოს, განაცხადა გოგინავამ.
შტამი Arcturus პირველად 2023 წლის იანვარში გამოვლინდა. უკვე მარტში მეცნიერებმა იგი აღიარეს როგორც შტამი, რომელიც საჭიროებს საფუძვლიან შესწავლას და მონიტორინგს, აღნიშნა სპეციალისტმა.
„ეს ნიშნავს, რომ მას აქვს პოტენციალი, გამოიწვიოს დაავადების უფრო მძიმე მიმდინარეობა, ვიდრე წინა შტამების შემთხვევაში იყო, ან უფრო სწრაფად გავრცელდეს”, – განაცხადა გოგინავამ.
რაც შეეხება ახალი შტამის კლინიკურ გამოვლინებებს, იგი ჰგავს იმ სიმპტომებს, რომლებიც დამახასიათებელი იყო წინა შტამებისთვის, თუმცა აღენიშნება ერთი განმასხვავებელი თვისება – კონიუნქტივიტი.
1,5 თვის შემდეგ ახალი შტამის შესახებ მეტი ინფორმაცია იქნება ხელმისაწვდომი, შესაბამისად, შესაძლებელი იქნება საუბარი იმაზეც, თუ რამდენად გამოიწვევს იგი გლობალურ პრობლემებს, აღნიშნა სპეციალისტმა.
ინფექციონისტის თქმით, წინა შტამი „კრაკენი“ სწრაფად გავრცელდა მთელ მსოფლიოში, თუმცა მან პანდემიის მიმდინარეობაზე გლობალურად ვერ იმოქმედა. ამაზე მიუთითებს ის ფაქტი, რომ ექვსი თვის განმავლობაში პანდემია მართვადი იყო და ახალი შემთხვევების მკვეთრი ზრდა არ დაფიქსირებულა.
რაც შეეხება საქართველოში არსებულ მდგომარეობას, ბოლო 2-3 თვის განმავლობაში ქვეყანაში ეპიდემიოლოგიური ვითარება სტაბილურია და შეიმჩნევა დადებითი დინამიკა: აპრილში ახალი შემთხვევების კლების ტენდენცია შეინიშნება.
„დადებითი დინამიკა როდემდე შენარჩუნდება, რთული სათქმელია, იგი დამოკიდებულია გლობალურ ეპიდსიტუაციაზე, ახალ შტამებსა და მათ თვისებებზე", – აღნიშნა გოგინავამ.
სპეციალისტის თქმით, საქართველოში ამჟამად „ომიკრონის“ სხვადასხვა შტამი ცირკულირებს. დაავადება უმეტეს შემთხვევაში მსუბუქად მიმდინარეობს, თუმცა ქრონიკული დაავადებების მქონე პაციენტებს მაინც მეტი სიფრთხილე მართებთ.
ახალი Arcturus შტამი მსოფლიოს 29 ქვეყანაშია გავრცელებული, მათ შორის რუსეთში, აშშ-ში, სინგაპურში, ავსტრალიაში და სხვა ქვეყნებში.
საქართველოში კორონავირუსის ახალი შტამით დაავადების შემთხვევები ჯერ არ დაფიქსირებულა.
