დეპუტატი: „ნაცმოძრაობის" პოლიტიკოსებს საქართველოში ელექტორალური მომავალი არ აქვთ

© courtesy of Grigol Vashadze
  - Sputnik საქართველო, 1920, 18.04.2023
გამოწერა
ცაგარეიშვილის განცხადებით, არ ინანებს, თუ ყოფილი მმართველი პარტია დაიშლება, რადგან იქ კეთროვანი და ტოქსიკური ხალხია შეკრებილი.
თბილისი, 18 აპრილი — Sputnik. პოლიტიკოსებს, რომლებმაც დატოვეს ოპოზიციური პარტია „ერთიანი ნაციონალური მოძრაობა“, არ აქვთ ელექტორალური მომავალი, განაცხადა მმართველი პარტია „ქართული ოცნების“ დეპუტატმა გია ცაგარეიშვილმა.
პოლიტიკოსმა ასე შეაფასა მასმედიაში გავრცელებული ინფორმაცია, რომლის თანახმად, „ნაციონალური მოძრაობის“ ყოფილმა თავმჯდომარემ ნიკა მელიამ ახალი ოფისი გახსნა, სადაც პარტიის წევრების ნაწილთან შეხვედრებს მართავს. მელიას მხარდამჭერები უარყოფენ ახალი პარტიის შექმნის განზრახვას, თუმცა აკრიტიკებენ ახალ თავმჯდომარეს ლევან ხაბეიშვილს წინასაარჩევნო დაპირებების შეუსრულებლობის გამო. მელიამ განაცხადა, რომ აღნიშნული გადაწყვეტილება პარტიაში შექმნილი მძიმე ვითარების გამო მიიღო.
ცაგარეიშვილს მიაჩნია, რომ არც მელიას და არც იმ ოპოზიციონერ პოლიტიკოსებს, რომლებიც მანამდე „ნაციონალურ მოძრაობის“ წევრები იყვნენ, არ აქვთ ელექტრორალური მომავალი, იქნება ეს პარტია „სტრატეგია აღმაშენებლის“ ამჟამინდელი ლიდერი გიორგი ვაშაძე, „ევროპული საქართველოს“ ლიდერი გიგა ბოკერია, „გირჩი - მეტი თავისუფლების“ ლიდერი ზურაბ ჯაფარიძე თუ პარტია „დროას“ ლიდერი ელენე ხოშტარია.

„ყველა ესენი ერთი დიდი ბუდიდან გადმოვარდნილი კვერცხებია და ეს ადამიანები არიან თავიანთი დედა-პარტიის ჩრდილში“, – განაცხადა ცაგარეიშვილმა.

როგორც დეპუტატმა აღნიშნა, არ ინანებს, თუ „ნაცმოძრაობა“ დაიშლება, რადგან იქ კეთროვანი და ტოქსიკური ხალხია შეკრებილი.
„ნაციონალური მოძრაობა" დაიშლება. ძალიან კარგი, არ მეწყინება. მაგრამ პარტიიდან წასულებს ქართულ პოლიტიკაში პერსპექტივა არ აქვთ. ქართული პოლიტიკისთვის ისინი ტოქსიკური და კეთროვანი ხალხია", – განაცხადა ცაგარეიშვილმა.
შიდაპარტიული არჩევნების შედეგებით, რომელიც 2023 წლის იანვრის ბოლოს გაიმართა, პარტიის ახალ თავმჯდომარედ პარლამენტის წევრი ლევან ხაბეიშვილი აირჩიეს, რომელსაც მხარს უჭერენ თავდაცვის ყოფილი მინისტრი დავით კეზერაშვილი და შინაგან საქმეთა ექს-მინისტრი ვანო მერაბიშვილი.
პარტიის ახლადარჩეულმა თავმჯდომარემ პირველივე ბრიფინგზე განაცხადა, რომ მისი გამარჯვება შიდაპარტიულ არჩევნებში ეკუთვნის მსჯავრდებულ ექს-პრეზიდენტ მიხეილ სააკაშვილს, რომელმაც თავის დროზე დააარსა „ნაციონალური მოძრაობა“. ხაბეიშვილმა ასევე პირობა დადო, რომ იმ დრომდე არ გაჩერდება, ვიდრე სააკაშვილის სიცოცხლე და ჯანმრთელობა არ იქნება უზრუნველყოფილი.
არჩევნებამდე რამდენიმე დღით ადრე ხაბეიშვილმა განაცხადა, რომ მზადაა დაარღვიოს კანონი და არ გამორიცხა სააკაშვილის ძალისმიერი გზით გათავისუფლება.
ყველა ახალი ამბავი
0