აღიარეთ და შეეგუეთ არჩევნების შედეგებს: ენმ განცხადებას ავრცელებს

© photo: Sputnik / Stringer
  - Sputnik საქართველო, 1920, 15.04.2023
გამოწერა
თბილისი, 15 აპრილი — Sputnik. მოვუწოდებთ ყველას, აღიარონ და შეეგუონ პირდაპირი და მაღალი ლეგიტიმაციით ჩატარებული არჩევნების შედეგებს, რომლის თანახმადაც „ერთიან ნაციონალურ მოძრაობას“ უმაღლესი ლეგიტიმაციით არჩეული თავმჯდომარე და მმართველობითი ორგანოები ჰყავს, ნათქვამია ენმ-ს განცხადებაში.
მანამდე გავრცელდა ინფორმაცია, რომ „ნაცმოძრაობის“ ყოფილმა თავმჯდომარე ნიკა მელიამ ახალი ოფისი გახსნა, სადაც პარტიის წარმომადგენლებს ხვდება.
როგორც ენმ-ს განცხადებაშია ნათქვამი, ყველას აქვს უფლება, ჩამოაყალიბოს ახალი პარტია და განსაზღვრონ საკუთარი პოლიტიკა — დამოუკიდებლად თუ სხვა პოლიტიკური პარტიის შემადგენლობაში, თუმცა ენმ-ზე თავდასხმა სრულიად მიუღებელია.

„ერთიანი ნაციონალური მოძრაობის“ სახელით ჩვენს პარტიაზე განხორციელებული თავდასხმები სრულიად აუხსნელი მოვლენაა. გაუგონარია, თუ რას ემსახურება პოლიტიკური ოფისის არსებობა, სადაც შეკრებილები თავს „ერთიანი ნაციონალური მოძრაობის“ წევრებად ასაღებენ და ამავდროულად ესხმიან მას“, — წერს ენმ.

პარტიაში მიაჩნიათ, რომ „სეპარატიზმის მცდელობები აზიანებს პარტიის საუკეთესო ინტერესებს“, და მოუწოდებს ყველას, „აღიარონ და შეეგუონ პირდაპირი და მაღალი ლეგიტიმაციით ჩატარებული არჩევნების შედეგებს, და ყველამ, ვინც თავს „ერთიანი ნაციონალური მოძრაობის“ წევრად მიიჩნევს, ერთ პარტიაში იმუშაოს.
მანამდე გავრცელდა ინფორმაცია, რომ ენმ-ის ყოფიმა თავმჯდომარე ნიკა მელიამ თბილისის ცენტრში, სარაჯიშვილის ქუჩაზე, ახალი ოფისი დაიქირავა და თანაგუნდელებთან ერთად გადავიდა იქ სამუშაოდ.
როგორც მის გუნდში ამბობენ, მელია პარტიიდან წასვლას არ აპირებს და ძალიან მალე პოლიტიკურ ველზე განახლებული ძალებით გამოჩნდება.
ყველა ახალი ამბავი
0