https://sputnik-georgia.com/20230412/skandali-yofili-tavdacvis-ministris-itgvliv-kezerasvili-qol-centebtan-kavsirs-uaryofs-276681808.html
სკანდალი ყოფილი თავდაცვის მინისტრის ირგვლივ: კეზერაშვილი ქოლ-ცენტრებთან კავშირს უარყოფს
სკანდალი ყოფილი თავდაცვის მინისტრის ირგვლივ: კეზერაშვილი ქოლ-ცენტრებთან კავშირს უარყოფს
Sputnik საქართველო
ევროპაში მცხოვრებ პენსიონერებს ვითომდა მომგებიანი კაპიტალდაბანდების განხორციელებას სთავაზობდნენ, სინამდვილეში კი მათ ფულს ისაკუთრებდნენ. 12.04.2023-ს, Sputnik საქართველო
2023-04-12T20:43+0400
2023-04-12T20:43+0400
2023-04-12T22:40+0400
ახალი ამბები
საქართველო
პოლიტიკა საქართველოში
პოლიტიკა
გახმაურებული სასამართლო პროცესები
https://cdnn1.img.sputnik-georgia.com/img/07e7/04/0c/276660468_0:317:3076:2047_1920x0_80_0_0_d928082515ed0f9924dd16cc13fb0bb4.jpg
თბილისი, 12 აპრილი — Sputnik. საქართველოს ყოფილმა თავდაცვის მინისტრმა დავით კეზერაშვილმა უარყო კავშირი ე.წ. ქოლ-ცენტრების საქმესთან, რომლის დეტალები BBC-ს ჟურნალისტურ გამოძიებაშია მოყვანილი. ამის შესახებ მან სოციალურ ქსელში დაწერა.ВВС ამტკიცებს, რომ სწორედ კეზერაშვილი დგას საერთაშორისო თაღლითური სქემის, „ქოლ-ცენტრების“ უკან. გამოცემა აქვეყნებს მტკიცებულებებს და აუდიოჩანაწერებს, თუ როგორ ძარცვავდნენ ევროპელ პენსიონერებს ე.წ. ქოლ-ცენტრები.ჟურნალისტური გამოძიების მიხედვით, თავდაპირველად თაღლითები ტელეფონით უკავშირდებოდნენ ევროპაში მცხოვრებ პენსიონერებს და თითქოსდა მომგებიანი კაპიტალდაბანდების განხორციელებას სთავაზობდნენ, სინამდვილეში კი მათ ფულს ისაკუთრებდნენ. საერთო ჯამში საუბარია ერთ მილიარდ დოლარზე მეტ თანხაზე.თავდაცვის ყოფილი მინისტრის თქმით, მიუხედავად იმისა, რომ ბრიტანეთის საზოგადოებრივი მაუწყებელი მიაჩნია მაღალი ჟურნალისტური სტანდარტის მედიასაშუალებად, მას გამოცემასთან ბევრი შეკითხვა აქვს.„აბსოლუტური პასუხისმგებლობით ვაცხადებ, რომ არასდროს მიმიღია მონაწილეობა მსგავს სქემებში, ამიტომ არ ვაპირებ უყურადღებოდ დავტოვო ის ზიანი, რასაც ეს მასალა მე მაყენებს, მით უმეტეს იმ ფონზე, როდესაც ჩემ წინააღმდეგ საქართველოს ხელისუფლების მხრიდან ხორციელდება პოლიტიზებული მართლმსაჯულება“, – დაწერა კეზერაშვილმა.მისი თქმით, საქართველოს ხელისუფლების მხრიდან შეტევები ხორციელდება მის მიერ დაფუძნებული ტელეარხ „ფორმულაზე“, რაც აშშ-ის სახელმწიფო დეპარტამენტის ანგარიშებშიც აისახება.კეზერაშვილმა აღნიშნა, რომ გამოიყენებს ყველა სამართლებრივ ბერკეტს, რათა ფაქტების უზუსტობა, ასევე მათი არასწორი ინტერპრეტაციის შედეგად მიღებული დაშვებების სიმცდარე დაადასტუროს. გარდა ამისა, ექს-მინისტრი მზად არის ითანამშრომლოს ევროპის საგამოძიებო სტრუქტურებთან „ქოლ-ცენტრების“ საქმეზე.პარალელურად მმართველმა პარტია „ქართულმა ოცნებამ“ აშშ-ს კეზერაშვილის წინააღმდეგ სანქციების დაწესებისკენ უკვე მოუწოდა. პარლამენტის თავმჯდომარის შალვა პაპუაშვილის განცხადებით, კეზერაშვილი ევროპელი პენსიონერებისგან მოპარულ ფულს ქართულ ოპოზიციაზე, მედიასა და არასამთავრობო ორგანიზაციებზე ხარჯავს.ახალი სკანდალი: რაში ხარჯავს საქართველოს ყოფილი თავდაცვის მინისტრი ევროპაში მოპარულ ფულს >>2021 წელს კეზერაშვილი უზენაესმა სასამართლომ დამნაშავედ ცნო 5 მილიონი ევროს გაფლანგვის საქმეზე (ე.წ. წვრთნების საქმე) და დაუსწრებლად პატიმრობა შეუფარდა. მანამდე ორი ინსტანციის სასამართლომ ის გაამართლა. მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.BBC ამტკიცებს, რომ თაღლითურ სქემაში ფიგურირებს 125 კომპანია, მათ შორის საქართველოში მოქმედი კრიპტოვალუტით მოვაჭრე ფირმა Solo Capitals. ჟურნალისტური გამოძიების ვერსიით, ეს კომპანიები იმ საერთაშორისო დანაშაულებრივი ქსელის ნაწილია, რომელიც პოლიციისთვის ცნობილია როგორც „მილტონის ჯგუფი“.ამ ჯგუფში შემავალი ერთ-ერთი საინვესტიციო კომპანია ესპანურ საფეხბურთო კლუბსაც კი უწევდა სპონსორობას და ათავსებდა რეკლამას მსხვილ გაზეთებში, რითაც პოტენციური ინვესტორების ნდობის მოპოვებას ახერხებდა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, პოლიტიკა საქართველოში, პოლიტიკა, გახმაურებული სასამართლო პროცესები
ახალი ამბები, საქართველო, პოლიტიკა საქართველოში, პოლიტიკა, გახმაურებული სასამართლო პროცესები
სკანდალი ყოფილი თავდაცვის მინისტრის ირგვლივ: კეზერაშვილი ქოლ-ცენტრებთან კავშირს უარყოფს
20:43 12.04.2023 (განახლებულია: 22:40 12.04.2023) ევროპაში მცხოვრებ პენსიონერებს ვითომდა მომგებიანი კაპიტალდაბანდების განხორციელებას სთავაზობდნენ, სინამდვილეში კი მათ ფულს ისაკუთრებდნენ.
თბილისი, 12 აპრილი — Sputnik. საქართველოს ყოფილმა თავდაცვის მინისტრმა დავით კეზერაშვილმა უარყო კავშირი ე.წ. ქოლ-ცენტრების საქმესთან, რომლის დეტალები BBC-ს ჟურნალისტურ გამოძიებაშია მოყვანილი. ამის შესახებ მან სოციალურ ქსელში დაწერა.
ВВС
ამტკიცებს, რომ სწორედ კეზერაშვილი დგას საერთაშორისო თაღლითური სქემის, „ქოლ-ცენტრების“ უკან. გამოცემა აქვეყნებს მტკიცებულებებს და აუდიოჩანაწერებს, თუ როგორ ძარცვავდნენ ევროპელ პენსიონერებს ე.წ. ქოლ-ცენტრები.
ჟურნალისტური გამოძიების მიხედვით, თავდაპირველად თაღლითები ტელეფონით უკავშირდებოდნენ ევროპაში მცხოვრებ პენსიონერებს და თითქოსდა მომგებიანი კაპიტალდაბანდების განხორციელებას სთავაზობდნენ, სინამდვილეში კი მათ ფულს ისაკუთრებდნენ. საერთო ჯამში საუბარია ერთ მილიარდ დოლარზე მეტ თანხაზე.
„მინდა კიდევ ერთხელ მოკლედ განვაცხადო, რომ არა მაქვს და არც არასდროს მქონია კავშირი BBC-ს პლატფორმაზე გამოქვეყნებულ საგამოძიებო მასალაში აღწერილ ე.წ. ქოლ-ცენტრების საკითხთან“, – დაწერა კეზერაშვილმა.
თავდაცვის ყოფილი მინისტრის თქმით, მიუხედავად იმისა, რომ ბრიტანეთის საზოგადოებრივი მაუწყებელი მიაჩნია მაღალი ჟურნალისტური სტანდარტის მედიასაშუალებად, მას გამოცემასთან ბევრი შეკითხვა აქვს.
„აბსოლუტური პასუხისმგებლობით ვაცხადებ, რომ არასდროს მიმიღია მონაწილეობა მსგავს სქემებში, ამიტომ არ ვაპირებ უყურადღებოდ დავტოვო ის ზიანი, რასაც ეს მასალა მე მაყენებს, მით უმეტეს იმ ფონზე, როდესაც ჩემ წინააღმდეგ საქართველოს ხელისუფლების მხრიდან ხორციელდება პოლიტიზებული მართლმსაჯულება“, – დაწერა კეზერაშვილმა.
მისი თქმით, საქართველოს ხელისუფლების მხრიდან შეტევები ხორციელდება მის მიერ დაფუძნებული ტელეარხ „ფორმულაზე“, რაც აშშ-ის სახელმწიფო დეპარტამენტის ანგარიშებშიც აისახება.
კეზერაშვილმა აღნიშნა, რომ გამოიყენებს ყველა სამართლებრივ ბერკეტს, რათა ფაქტების უზუსტობა, ასევე მათი არასწორი ინტერპრეტაციის შედეგად მიღებული დაშვებების სიმცდარე დაადასტუროს. გარდა ამისა, ექს-მინისტრი მზად არის ითანამშრომლოს ევროპის საგამოძიებო სტრუქტურებთან „ქოლ-ცენტრების“ საქმეზე.
„მზად ვარ ე.წ. ქოლ-ცენტრების თემაზე ევროპული ქვეყნების საგამოძიებო სტრუქტურებთან თანამშრომლობისთვის, მით უმეტეს, რომ ჩემი, როგორც პოლიტიკურ დევნილობაში მყოფი პირის საცხოვრებელი ადგილი სწორედ დიდი ბრიტანეთია, რომლის მართლმსაჯულების სისტემის სანდოობაში ეჭვი არავის ეპარება“, – დაწერა კეზერაშვილმა.
პარალელურად მმართველმა პარტია „ქართულმა ოცნებამ“ აშშ-ს კეზერაშვილის წინააღმდეგ სანქციების დაწესებისკენ უკვე მოუწოდა. პარლამენტის თავმჯდომარის შალვა პაპუაშვილის განცხადებით, კეზერაშვილი ევროპელი პენსიონერებისგან მოპარულ ფულს ქართულ ოპოზიციაზე, მედიასა და არასამთავრობო ორგანიზაციებზე ხარჯავს.
2021 წელს კეზერაშვილი უზენაესმა სასამართლომ დამნაშავედ ცნო 5 მილიონი ევროს გაფლანგვის საქმეზე (ე.წ. წვრთნების საქმე) და დაუსწრებლად პატიმრობა შეუფარდა. მანამდე ორი ინსტანციის სასამართლომ ის გაამართლა. მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.
BBC ამტკიცებს, რომ თაღლითურ სქემაში ფიგურირებს 125 კომპანია, მათ შორის საქართველოში მოქმედი კრიპტოვალუტით მოვაჭრე ფირმა Solo Capitals. ჟურნალისტური გამოძიების ვერსიით, ეს კომპანიები იმ საერთაშორისო დანაშაულებრივი ქსელის ნაწილია, რომელიც პოლიციისთვის ცნობილია როგორც „მილტონის ჯგუფი“.
ამ ჯგუფში შემავალი ერთ-ერთი საინვესტიციო კომპანია ესპანურ საფეხბურთო კლუბსაც კი უწევდა სპონსორობას და ათავსებდა რეკლამას მსხვილ გაზეთებში, რითაც პოტენციური ინვესტორების ნდობის მოპოვებას ახერხებდა.
