კონკურენციის სააგენტო სწრაფი კვების ბაზარზე დარღვევებს სწავლობს

© photo: Sputnik / Alexander Imedashviliთბილისი
თბილისი - Sputnik საქართველო, 1920, 10.04.2023
გამოწერა
სააგენტო შესაბამის გადაწყვეტილებას საქმის მოკვლევის დაწყებიდან არაუგვიანეს 6 თვის ვადაში იღებს.
თბილისი, 10 აპრილი – Sputnik. საქართველოს კონკურენციის ეროვნულმა სააგენტომ შპს „წერეთლის მექსიკურის“ საჩივრის საფუძველზე სწრაფი კვების ბაზარზე მოქმედი კომპანიების დავაზე მოკვლევა დაიწყო.
სააგენტოს ინფორმაციით, საკითხი ეხება ორი კომპანიის მხრიდან არაკეთილსინდისიერი კონკურენციის სავარაუდო ფაქტს. კერძოდ, მომჩივანი კომპანიის სასაქონლო ნიშნებისა და გარეგნული იერსახის მითვისება/მიმსგავსებას.
სააგენტო შესაბამის გადაწყვეტილებას საქმის მოკვლევის დაწყებიდან არაუგვიანეს 6 თვის ვადაში იღებს. საკითხის მნიშვნელობისა და სირთულის გათვალისწინებით კი მოკვლევის პროცესი შეიძლება 18 თვემდე გაგრძელდეს.
რამდენად არის დაცული მომხმარებელთა უფლებები საქართველოში - კონკურენციის სააგენტოს ანგარიში>>>
ამ ეტაპზე კონკურენციის ეროვნული სააგენტო 5 საქმეს განიხილავს – შეთანხმებული ქმედების, დომინანტური მდგომარეობის ბოროტად გამოყენების, არაკეთილსინდისიერი კონკურენციის და ადმინისტრაციული უწყების მხრიდან კონკურენციის შეზღუდვის სავარაუდო შემთხვევებს – საავტომობილო საწვავის, თამბაქოს, საზღვაო ტრანსპორტის, ბილეთების ონლაინ-რეალიზაციის და მუნიციპალური პროექტების ზედამხედველობის სექტორებში.
2023 წელს უწყებამ ერთი მოკვლევა დაასრულა და ადმინისტრაციული უწყების მხრიდან კონკურენციის შეზღუდვის ფაქტი დაადგინა.
ყველა ახალი ამბავი
0