უმაღლესი განათლება საქართველოში: მიმდინარე სასწავლო წლის მონაცემები

© photo: Sputnik / Stringerტექნიკური უნივერსიტეტის შენობა
ტექნიკური უნივერსიტეტის შენობა - Sputnik საქართველო, 1920, 13.03.2023
გამოწერა
საქართველოს უმაღლეს სასწავლებლებში ჩარიცხვა შესაძლებელია ერთიანი ეროვნული გამოცდების შედეგების საფუძველზე.
თბილისი, 13 მარტი — Sputnik. „საქსტატის“ მონაცემებით, 2022/2023 სასწავლო წელს საქართველოს უმაღლეს სასწავლებლებში 160 ათასზე მეტი სტუდენტი სწავლობს, რაც წინა სასწავლო წლის მაჩვენებელზე 0,9%-ით მეტია.
2022/2023 სასწავლო წელს უმაღლეს სასწავლო დაწესებულებებში ჩაირიცხა 50,1 ათასი სტუდენტი, აქედან 29,4 ათასი სახელმწიფო სასწავლებლებში, 20,7 ათასი კი კერძო სასწავლებლებში. გასული სასწავლო წლის მაჩვენებელთან შედარებით, სტუდენტების მიღება 10,4%-ით (4,7 ათასი) გაიზარდა.

მიმდინარე სასწავლო წლის დასაწყისში საქართველოში 62 უმაღლესი სასწავლო დაწესებულება მოქმედებდა – 19 სახელმწიფო და 43 კერძო. უმაღლესი სასწავლებლების 64,5% თბილისში მდებარეობს.

2022 წელს უმაღლესი სასწავლებელი 25,8 ათასმა სტუდენტმა დაამთავრა, რაც წინა წელთან შედარებით 0,3%-ით ნაკლებია. აღსანიშნავია, რომ კურსდამთავრებულთა 59,4% ქალია, 40,6% მამაკაცი. სახელმწიფო საგანმანათლებლო დაწესებულებებში კურსდამთავრებულთა რაოდენობა 2,4-ჯერ აღემატება კერძო უნივერსიტეტების კურსდამთავრებულთა რიცხვს.
საქართველოს უმაღლეს სასწავლებლებში ჩარიცხვა შესაძლებელია ერთიანი ეროვნული გამოცდების შედეგების საფუძველზე, რომლის დროსაც აბიტურიენტებმა უნდა ჩააბარონ სამი სავალდებულო საგანი და კიდევ ერთი საგანი – უნივერსიტეტის არჩევანით.
ჩარიცხვა ხდება მიღებული ქულების მიხედვით. მათზეა დამოკიდებული ასევე სახელმწიფო დაფინანსების პროცენტიც.
საქართველოში სტუდენტები სახელმწიფოს მხრიდან სარგებლობენ გარკვეული შეღავათებით, მათ შორის, ტრანსპორტით სარგებლობისას, პირადობის დამადასტურებელი დოკუმენტების მიღებისას, ნაკრძალების, მუზეუმების დათვალიერებისას და ა.შ.
ყველა ახალი ამბავი
0