მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჩინეთის ახალი პრემიერი აშშ-თან თანამშრომლობის მომხრეა

© photo: Sputnik / Anna Ratkoglo / გადასვლა მედიაბანკში
  - Sputnik საქართველო, 1920, 13.03.2023
გამოწერა
თბილისი, 13 მარტი — Sputnik. ჩინეთმა და შეერთებულმა შტატებმა უნდა ითანამშრომლონ, შეკავება და ზეწოლა არცერთი მხარისთვის არ არის მომგებიანი, განაცხადა ჩინეთის სახელმწიფო საბჭოს ახლად დანიშნულმა პრემიერმა ლი ციანმა.

„ჩინეთსა და შეერთებულ შტატებს შეუძლიათ ითანამშრომლონ, ჩინეთმა და შეერთებულმა შტატებმა უნდა ითანამშრომლონ, ჩინეთსა და შეერთებულ შტატებს აქვთ თანამშრომლობის დიდი პოტენციალი, ხოლო შეკავება და ზეწოლა სარგებელს არავის მოუტანს“, — თქვა ლი ციანმა პრესკონფერენციაზე, რომელიც მე-14 მოწვევის ეროვნული სახალხო კრების პირველი სესიის შემდეგ გაიმართა.

როგორც მან აღნიშნა, ჩინეთსა და შეერთებულ შტატებს შორის ეკონომიკური კავშირების გაწყვეტის თემა პერიოდულად ღვივდება, მაგრამ გაურკვეველია, ვინ სარგებლობს ამ აჟიოტაჟით.
ლის თქმით, ორი ქვეყნის ეკონომიკა ძალიანაა დამოკიდებული ერთმანეთზე, ამიტომ თითოეული მათგანის განვითარება მომგებიანია საპირისპირო მხარისთვის.
როგორც პრემიერმა აღნიშნა, გასულ წელს აშშ-სა და ჩინეთს შორის საქონელბრუნვამ რეკორდულ 760 მილიარდს მიაღწია.
ჩინეთის მე-14 მოწვევის ეროვნული სახალხო კრების პირველი სესია ორშაბათს, 5 მარტს გაიხსნა. გასული კვირის განმავლობაში დელეგატებმა ქვეყნის ხელმძღვანელობა, მათ შორის, სახელმწიფო საბჭოს ახალი პრემიერი ლი ციანი აირჩიეს. ქვეყნის ლიდერმა სი ძინპინმა 11 მარტს მოაწერა ხელი ბრძანებულებას ლი ციანის მთავრობის თავმჯდომარედ დანიშვნის შესახებ.
ყველა ახალი ამბავი
0