https://sputnik-georgia.com/20230310/teona-margvelashvili-275666701.html
სამხედრო ქალური კაბები და ჩვენება სახელად „დეჟავიუ“ -როცა „ათასში ერთი“ აღმოჩნდები
სამხედრო ქალური კაბები და ჩვენება სახელად „დეჟავიუ“ -როცა „ათასში ერთი“ აღმოჩნდები
Sputnik საქართველო
თავისი ფოტოს წყალობით ერთი გამოფენის შემდეგ მოხვდა ლალი ტოტიკაშვილის სააგენტო „შარმში“, რომელიც პოპულარობით სარგებლობდა. დიზაინერი თეონა მარგველაშვილი იმ... 10.03.2023-ს, Sputnik საქართველო
2023-03-10T12:36+0400
2023-03-10T12:36+0400
2023-03-10T19:22+0400
ინტერვიუ
საინტერესო ადამიანები
https://cdnn1.img.sputnik-georgia.com/img/07e5/0a/06/260273566_0:0:2048:1153_1920x0_80_0_0_b01db7df76ac7798af7a279b176ecd28.jpg
დღეს ამერიკაში ცხოვრობს და მის მიერ შექმნილი უჩვეულო დიზაინის სამოსი ადგილობრივი მოდის კვირეულზე გააქვს ხოლმე. რადგან სამოსი მოწონებით სარგებლობს, უკვე სხვადასხვა ქვეყნების ჩვენებებზე მონაწილეობის ბევრი მიწვევა მიიღო, მათ შორის პარიზის მაღალი მოდის კვირეულიცაა.- ქალბატონო თეონა, თქვენი წარმატებების ათვლა როდის დაიწყო?- ეს მოხდა თბილისში, სტუდენტობის დროს. ყველაფერი ერთმა შემთხვევამ გადაწყვიტა: მეორე კურსზე ვიყავი, როცა ფოტოხელოვანმა ნუკრი ჯიოშვილმა ფოტო გადამიღო და იმ ფოტოებიდან ერთ-ერთი მოხვდა კონკურსზე ,,ათასში ერთი“, რომელიც გალერეა „ქარვასლაში“ ჩატარდა. კასტინგზე იმ ფოტოს წყალობით ამირჩიეს. გამოფენის შემდეგ ლალი ტოტიკაშვილის სააგენტოში მოვხვდი. სხვადასხვა ჩვენებებშიც აქტიურად ვმონაწილეობდი. ის დრო კარგად მახსენდება.- მოდელობასა და დიზაინერობაზე ბევრი გოგონა ბავშვობიდან ოცნებობს, თქვენ შემთხვევაშიც ასე იყო?- ჩემი ბავშვობა, რომელიც ქუთაისში გავატარე, ლაღი და ბედნიერი იყო. საბავშვო ბაღში ყოფნის დროს იმდენად კარგად ვხატავდი, რომ ჩემი ნახატები ყოველთვის გამოფენილი ჰქონდათ. ქუთაისში თაბუკაშვილის ქუჩაზე ვცხოვრობდით. ამ ქალაქს მიზიდულობის საოცარი ძალა აქვს და მხოლოდ მისთვის ჩვეული ურთიერთობებითაა ცნობილი, ამიტომ იქაურ მეზობლებთან დღემდე ვმეგობრობ.- გამოფენებს უჩვეულო სახელებს ურჩევთ ხოლმე - „დეჟავიუ“, „გაურკვევლობა“...- „დეჟავიუ“ შეგრძნებაა, რომ მომენტი, რომელშიც ახლა ვართ, შეიძლება ერთხელ უკვე გვქონია, პრინციპში, ეს მოგონების განცდაა. მსგავსი შეგრძნება ჩემს ცხოვრებაშიც ბევრჯერ ყოფილა და ალბათ მომავალშიც იქნება. ამიტომ 2009 წელს გამართულ პირველ ჩვენებასაც ასე ვუწოდე. მაშინ წარმოდგენილი ჩემი სამოსი იმ დროისათვის საკმაოდ თამამი იყო. მე შევქმენი საპატარძლო მოკლე კაბა, ასევე ჯინსის საპატარძლო კაბა და სამხედრო ქალური კაბა. რაც შეეხება ჩვენებას სახელად „გაურკვევლობა“, ის მამის ხსოვნას მივუძღვენი. როცა მამა გარდამეცვალა, მას შემდეგ კარგა ხანი მართლაც გაურკვევლობაში ვიყავი. თან ნამუშევრები, რომლებიც მაშინ გავგზავნე, პანდემიის პერიოდს დაემთხვა. იმ ჩვენებაზე წარმოდგენილი მქონდა კორსეტი, რომელიც მამაჩემის ჯინსის შარვლისგან შევკერე. მიუხედავად მიღწეული წარმატებებისა, ნოსტალგიის გამო ემიგრაციაში ყოფნა მაინც რთულია. ახლობლები ძალიან მენატრება, მაგრამ ის, რომ მეუღლე და შვილი გვერდით მყავს და საყვარელ საქმეს ვაკეთებ, ცხოვრებას უფრო ასატანს ხდის.ნინო მამულაშვილი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ინტერვიუ, საინტერესო ადამიანები
ინტერვიუ, საინტერესო ადამიანები
სამხედრო ქალური კაბები და ჩვენება სახელად „დეჟავიუ“ -როცა „ათასში ერთი“ აღმოჩნდები
12:36 10.03.2023 (განახლებულია: 19:22 10.03.2023) თავისი ფოტოს წყალობით ერთი გამოფენის შემდეგ მოხვდა ლალი ტოტიკაშვილის სააგენტო „შარმში“, რომელიც პოპულარობით სარგებლობდა. დიზაინერი თეონა მარგველაშვილი იმ სააგენტოს მოდელი 2002 წლიდან გახდა. მისი პირველი ჩვენება თბილისში 2009 წელს გაიმართა.
დღეს ამერიკაში ცხოვრობს და მის მიერ შექმნილი უჩვეულო დიზაინის სამოსი ადგილობრივი მოდის კვირეულზე გააქვს ხოლმე. რადგან სამოსი მოწონებით სარგებლობს, უკვე სხვადასხვა ქვეყნების ჩვენებებზე მონაწილეობის ბევრი მიწვევა მიიღო, მათ შორის პარიზის მაღალი მოდის კვირეულიცაა.
- ქალბატონო თეონა, თქვენი წარმატებების ათვლა როდის დაიწყო?
- ეს მოხდა თბილისში, სტუდენტობის დროს. ყველაფერი ერთმა შემთხვევამ გადაწყვიტა: მეორე კურსზე ვიყავი, როცა ფოტოხელოვანმა ნუკრი ჯიოშვილმა ფოტო გადამიღო და იმ ფოტოებიდან ერთ-ერთი მოხვდა კონკურსზე ,,ათასში ერთი“, რომელიც გალერეა „ქარვასლაში“ ჩატარდა. კასტინგზე იმ ფოტოს წყალობით ამირჩიეს. გამოფენის შემდეგ ლალი ტოტიკაშვილის სააგენტოში მოვხვდი. სხვადასხვა ჩვენებებშიც აქტიურად ვმონაწილეობდი. ის დრო კარგად მახსენდება.
- მოდელობასა და დიზაინერობაზე ბევრი გოგონა ბავშვობიდან ოცნებობს, თქვენ შემთხვევაშიც ასე იყო?
- ჩემი ბავშვობა, რომელიც ქუთაისში გავატარე, ლაღი და ბედნიერი იყო. საბავშვო ბაღში ყოფნის დროს იმდენად კარგად ვხატავდი, რომ ჩემი ნახატები ყოველთვის გამოფენილი ჰქონდათ. ქუთაისში თაბუკაშვილის ქუჩაზე ვცხოვრობდით. ამ ქალაქს მიზიდულობის საოცარი ძალა აქვს და მხოლოდ მისთვის ჩვეული ურთიერთობებითაა ცნობილი, ამიტომ იქაურ მეზობლებთან დღემდე ვმეგობრობ.
- გამოფენებს უჩვეულო სახელებს ურჩევთ ხოლმე - „დეჟავიუ“, „გაურკვევლობა“...
- „დეჟავიუ“ შეგრძნებაა, რომ მომენტი, რომელშიც ახლა ვართ, შეიძლება ერთხელ უკვე გვქონია, პრინციპში, ეს მოგონების განცდაა. მსგავსი შეგრძნება ჩემს ცხოვრებაშიც ბევრჯერ ყოფილა და ალბათ მომავალშიც იქნება. ამიტომ 2009 წელს გამართულ პირველ ჩვენებასაც ასე ვუწოდე. მაშინ წარმოდგენილი ჩემი სამოსი იმ დროისათვის საკმაოდ თამამი იყო. მე შევქმენი საპატარძლო მოკლე კაბა, ასევე ჯინსის საპატარძლო კაბა და სამხედრო ქალური კაბა. რაც შეეხება ჩვენებას სახელად „გაურკვევლობა“, ის მამის ხსოვნას მივუძღვენი. როცა მამა გარდამეცვალა, მას შემდეგ კარგა ხანი მართლაც გაურკვევლობაში ვიყავი. თან ნამუშევრები, რომლებიც მაშინ გავგზავნე, პანდემიის პერიოდს დაემთხვა. იმ ჩვენებაზე წარმოდგენილი მქონდა კორსეტი, რომელიც მამაჩემის ჯინსის შარვლისგან შევკერე. მიუხედავად მიღწეული წარმატებებისა, ნოსტალგიის გამო ემიგრაციაში ყოფნა მაინც რთულია. ახლობლები ძალიან მენატრება, მაგრამ ის, რომ მეუღლე და შვილი გვერდით მყავს და საყვარელ საქმეს ვაკეთებ, ცხოვრებას უფრო ასატანს ხდის.
