რა ვითარებაა საქართველოს გზებზე

© press office of the Roads Department of Georgiaგზის გაწმენდა თოვლისგან
გზის გაწმენდა თოვლისგან - Sputnik საქართველო, 1920, 03.03.2023
გამოწერა
უამინდობამ საქართველოს საავტომობილო გზებზე პრობლემები შექმნა.
თბილისი, 3 მარტი – Sputnik. შიდასახელმწიფოებრივი მნიშვნელობის ბათუმი(ანგისა)–ახალციხის საავტომობილო გზის სოფელი ჯვარიქეთი–კურორტი გოდერძის მონაკვეთზე მეწყრის ჩამოსვლის გამო აკრძალულია ყველა სახის ავტოტრანსპორტის მოძრაობა, იუწყება საავტომობილო გზების დეპარტამენტი.
საავტომობილო გზის ანგისა–ჯვარიქეთის მონაკვეთზე კი ავტოტრანსპორტის მოძრაობა თავისუფალია.
თოვლის და ლიპყინულის გამო გარკვეული შეზღუდვები მოქმედებს ქუთაისი(ჭომა)–ალპანა–მამისონის უღელტეხილის საავტომობილო გზაზეც.
თოვლის და ლიპყინულის გამო შიდასახელმწიფოებრივი მნიშვნელობის ქუთაისი(ჭომა)–ალპანა–მამისონის უღელტეხილის საავტომობილო გზის 129-141 კმ მონაკვეთზე აკრძალულია მისაბმელიანი და ნახევარმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.
რიკოთის უღელტეხილზე დაზიანებული გზის აღდგენა დაიწყო>>
რაც შეეხება ამავე საავტომობილო გზის 1-129 კმ მონაკვეთს, აქ ავტოტრანსპორტის მოძრაობა თავისუფალია.
საავტომობილო გზების დეპარატმენტის ინფორმაციით, ავტოტრანსპორტის მოძრაობა აღდგა რაჭის ცალკეულ გზებზე.
ჩატარებული გაწმენდითი სამუშაოების შედეგად შიდასახელმწიფოებრივი მნიშვნელობის ქუთაისი(მოწამეთა)–ტყიბული–ამბროლაურის საავტომობილო გზის 59-73 კმ მონაკვეთზე, გუფთა–ონის საავტომობილო გზის 44-64,2 კმ მონაკვეთსა და წესი–ურავის საავტომობილო გზაზე მისაბმელიანი, ნახევარმისაბმელიანი ავტოტრანსპორტის და 30 ადგილზე მეტი ტევადობის ავტობუსების გადაადგილება აღდგენილია.
როდემდე იწვიმებს? უახლოესი დღეების პროგნოზი>>
ასევე შიდასახელმწიფოებრივი მნიშვნელობის საგლოლო–ჭიორა–ღების და ჭრებალო–ნიკორწმინდის საავტომობილო გზებზე მსუბუქი ავტოტრანსპორტის მოძრაობა აღდგენილია.
ბოლო დროს უამინიდობამ საქართველოს გზებზე პრობლემები შექმნა. სინოპტიკისების მოკლევადიანი პროგნოზით, ნალექიანი ამინდები საქართველოში 7 მარტამდე გაგრძელდება.
ეწვიეთ „Sputnik საქართველოს“ Telegram-არხს
ყველა ახალი ამბავი
0