https://sputnik-georgia.com/20230302/saqartvelosi-eqtnis-profesia-ufro-popularuli-gaxdeba-275413254.html
საქართველოში ექთნის პროფესია უფრო პოპულარული გახდება
საქართველოში ექთნის პროფესია უფრო პოპულარული გახდება
Sputnik საქართველო
საქართველოს ხელისუფლება აპირებს ექთნების სასწავლო გეგმის გაუმჯობესებას და პროფესიისადმი ინტერესის გაზრდას. 02.03.2023-ს, Sputnik საქართველო
2023-03-02T20:00+0400
2023-03-02T20:00+0400
2023-03-02T22:33+0400
ახალი ამბები
საქართველო
საზოგადოება
ევროპის რეკონსტრუქციისა და განვითარების ბანკი ebrd
ჯანდაცვა საქართველოში
დევნილთა, შრომის, ჯანმრთელობისა და სოციალური დაცვის სამინისტრო
https://cdnn1.img.sputnik-georgia.com/img/07e5/05/06/251655234_0:107:2048:1259_1920x0_80_0_0_9145a70064ec0652c87e46ed597a84cc.jpg
თბილისი, 2 მარტი – Sputnik. საქართველოს ჯანდაცვის სამინისტრო ექთნების პროფესიის პოპულარიზაციის მიზნით სპეციალურ პროგრამებს განახორციელებს, იტყობინება უწყების პრეს-სამსახური.საქართველოს ჯანდაცვის სამინისტროსა და ევროპის რეკონსტრუქციისა და განვითარების ბანკს (EBRD) შორის თანამშრომლობის მემორანდუმი გაფორმდა, რომელშიც გაწერილია ის მექანიზმები და საჭიროებები, რაც ხელს შეუწყობს ქვეყანაში საექთნო საქმის პროფესიული სტანდარტების დანერგვას და შექმნის მაღალანაზღაურებად სამუშაო ადგილებს.დოკუმენტის მიხედვით, დადგინდება პროფესიული სერტიფიცირების სტანდარტები, შეიქმნება მოკლევადიანი, უწყვეტი სამედიცინო განათლების პროგრამა, ასევე შესაბამისი ტესტირებისა და საგამოცდო პროგრამები.შრომის ინსპექციის სამსახური ექიმებისა და ექთნების ხელფასების საკითხს შეისწავლის >>დოკუმენტს ხელი მოაწერეს ჯანდაცვის მინისტრმა ზურაბ აზარაშვილმა და EBRD-ს კავკასიის რეგიონულმა დირექტორმა კატარინა ბიორლინ ჰანსენმა. მისი თქმით, თანამშრომლობის მთავარი მიზანია საექთნო სასწავლო გეგმის გაუმჯობესება და ამ პროფესიის მიმართ ინტერესის გაზრდა.როგორც ცნობილია, ქვეყანაში კვალიფიციური ექთნების დეფიციტია, ამიტომ ვაპირებთ, რომ ეს პროფესია ახალგაზრდებში უფრო მიმზიდველი გავხადოთ, განაცხადა მან.ჯანდაცვის მინისტრის მოადგილის თამარ გაბუნიას თქმით, პროექტის მიზანია – ექთნისა და ბებიაქალის პროფესია აღიარებული და დაფასებული გახდეს და საერთაშორისო სტანდარტებს შეესაბამებოდეს.ექთნების მწვავე დეფიციტი კვლავ რჩება საქართველოს ჯანდაცვის სისტემის ერთ-ერთ მთავარ გამოწვევად. 2020 წლის მონაცემებით, საქართველოში 100 ათას მოსახლეზე 555 ექთანი მოდიოდა. ეს თითქმის ნახევარით ნაკლებია ევროპის სხვა ქვეყნებთან შედარებით.2019 წლის მონაცემებით, საქართველოში იყო დაახლოებით 30 ათასი ექიმი და 18 ათასზე მეტი ექთანი.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, საზოგადოება, ევროპის რეკონსტრუქციისა და განვითარების ბანკი ebrd, ჯანდაცვა საქართველოში, დევნილთა, შრომის, ჯანმრთელობისა და სოციალური დაცვის სამინისტრო
ახალი ამბები, საქართველო, საზოგადოება, ევროპის რეკონსტრუქციისა და განვითარების ბანკი ebrd, ჯანდაცვა საქართველოში, დევნილთა, შრომის, ჯანმრთელობისა და სოციალური დაცვის სამინისტრო
საქართველოში ექთნის პროფესია უფრო პოპულარული გახდება
20:00 02.03.2023 (განახლებულია: 22:33 02.03.2023) საქართველოს ხელისუფლება აპირებს ექთნების სასწავლო გეგმის გაუმჯობესებას და პროფესიისადმი ინტერესის გაზრდას.
თბილისი, 2 მარტი – Sputnik. საქართველოს ჯანდაცვის სამინისტრო ექთნების პროფესიის პოპულარიზაციის მიზნით სპეციალურ პროგრამებს განახორციელებს, იტყობინება უწყების პრეს-სამსახური.
საქართველოს ჯანდაცვის სამინისტროსა და ევროპის რეკონსტრუქციისა და განვითარების ბანკს (EBRD) შორის თანამშრომლობის მემორანდუმი გაფორმდა, რომელშიც გაწერილია ის მექანიზმები და საჭიროებები, რაც ხელს შეუწყობს ქვეყანაში საექთნო საქმის პროფესიული სტანდარტების დანერგვას და შექმნის მაღალანაზღაურებად სამუშაო ადგილებს.
დოკუმენტის მიხედვით, დადგინდება პროფესიული სერტიფიცირების სტანდარტები, შეიქმნება მოკლევადიანი, უწყვეტი სამედიცინო განათლების პროგრამა, ასევე შესაბამისი ტესტირებისა და საგამოცდო პროგრამები.
დოკუმენტს ხელი მოაწერეს ჯანდაცვის მინისტრმა ზურაბ აზარაშვილმა და EBRD-ს კავკასიის რეგიონულმა დირექტორმა კატარინა ბიორლინ ჰანსენმა. მისი თქმით, თანამშრომლობის მთავარი მიზანია საექთნო სასწავლო გეგმის გაუმჯობესება და ამ პროფესიის მიმართ ინტერესის გაზრდა.
„ჩვენ გვჯერა, რომ ჯანდაცვის სექტორი საკმაოდ პერსპექტიულია და სასარგებლო იქნება ეკონომიკური ზრდის თვალსაზრისით“, – განაცხადა EBRD-ს რეგიონულმა დირექტორმა კავკასიაში.
როგორც ცნობილია, ქვეყანაში კვალიფიციური ექთნების დეფიციტია, ამიტომ ვაპირებთ, რომ ეს პროფესია ახალგაზრდებში უფრო მიმზიდველი გავხადოთ, განაცხადა მან.
ჯანდაცვის მინისტრის მოადგილის თამარ გაბუნიას თქმით, პროექტის მიზანია – ექთნისა და ბებიაქალის პროფესია აღიარებული და დაფასებული გახდეს და საერთაშორისო სტანდარტებს შეესაბამებოდეს.
ექთნების მწვავე დეფიციტი კვლავ რჩება საქართველოს ჯანდაცვის სისტემის ერთ-ერთ მთავარ გამოწვევად. 2020 წლის მონაცემებით, საქართველოში 100 ათას მოსახლეზე 555 ექთანი მოდიოდა. ეს თითქმის ნახევარით ნაკლებია ევროპის სხვა ქვეყნებთან შედარებით.
2019 წლის მონაცემებით, საქართველოში იყო დაახლოებით 30 ათასი ექიმი და 18 ათასზე მეტი ექთანი.
