https://sputnik-georgia.com/20230301/irina-malatsidze-konigi-275372265.html
ქართველი მწვრთნელი გერმანიაში და მისი „პატარა საქართველო“
ქართველი მწვრთნელი გერმანიაში და მისი „პატარა საქართველო“
Sputnik საქართველო
„ჩვენი ურთიერთობა შედგა და გერმანელი ბავშვებისგან დღემდე დიდ სიყვარულს ვგრძნობ“ - ამბობს გერმანიაში მცხოვრები ჩოგბურთელი ირინა მალაციძე-კონიგი, რომელიც... 01.03.2023-ს, Sputnik საქართველო
2023-03-01T16:37+0400
2023-03-01T16:37+0400
2023-03-01T20:32+0400
ინტერვიუ
საინტერესო ადამიანები
https://cdnn1.img.sputnik-georgia.com/img/23667/21/236672195_0:0:1000:563_1920x0_80_0_0_f2cd85f99c707aa417c6391f23559959.jpg
ამჟამად ქალაქ კიკესჰაუზენში ცხოვრობს. მისი მწვრთნელობის დროს გერმანიის მეტენდორფის გუნდი წელს B კლასიდან A კლასში გადავიდა.შთამბეჭდავია თავად მისი სპორტული წარმატებები: რამდენიმე წელი საქართველოს ქალთა ნაკრების პირველი ნომერი იყო, ერთეულთა შორის ბულგარეთის ქალთა საერთაშორისო ტურნირის გამარჯვებული და პოლონეთის საერთაშორისო ტურნირის ვერცხლის პრიზიორი. ყველაფერი იმით დაიწყო, რომ მოზარდთა შორის საბჭოთა კავშირის ოთხზის ჩემპიონი გახდა როგორც გუნდურ, ასევე ერთეულთა თანრიგში.- ქალბატონო ირინა, როგორც ვიცი, ჩოგბურთზე არჩევანი შემთხვევით არ გაგიკეთებიათ.- ჩემი მშობლები ძალიან მომთხოვნი იყვნენ და ამიტომ მე და ჩემი და სპორტზე მხოლოდ ჯანმრთელობისთვის არ დავდიოდით, საკმაოდ მონდომებით და ბევრს ვვარჯიშობდით. თბილისში ისეთ ეზოში გავიზარდე, სადაც საქართველოს დამსახურებული მწვრთნელი სოლომონ თუხარელი და მისი და, ქართველი ჩოგბურთელი ნინო თუხარელი ცხოვრობდნენ. ჩოგბურთის კორტებიც ახლოს იყო, ახლა რომ იუსტიციის სახლია, იმ ადგილზე. იმ დროისათვის ჩოგბურთი და საერთოდ სპორტის ყველა სახეობა უფასო იყო და უამრავი ბავშვი იყო ვარჯიშით დაკავებული. ბევრს ვვარჯიშობდით. მეც და ჩემი დაც წლების განმავლობაში მოსწავლეთა შორის ჩვენ ასაკში საქართველოს მრავალგზის ჩემპიონები ვიყავით. საქართველოს ქალთა ნაკრებშიც მოვხვდი, შემდეგ ორივე სპორტის ოსტატები გავხდით.- გერმანიაში როგორ დაიწყეთ სპორტული საქმიანობა?- ჯერ იმას გეტყვით, რომ გერმანიაში გადმოსვლა იმის გამო მომიწია, რომ მეუღლე გერმანელია. პირველი ექვსი თვე ჩემთვის კოშმარი იყო. გერმანული ენის მესამე საფეხურის სერტიფიკატი უნდა ამეღო, გადამებარებინა მართვის მოწმობა და მხოლოდ ამის შემდეგ შემეძლო სამსახურის დაწყება ჩემი სპეციალობით. ეს ყველაფერი მეუღლის დახმარებით მოვახერხე. იგი გერმანული ენის პედაგოგია და ექვს თვეში უკვე მზად ვიყავი. რაც შეეხება სპორტულ საქმინობას, როგორც ყველა პროვინციულ ქალაქში, აქაც ხმები მალე ვრცელდება და ერთ საღამოს ჩემს სახლში იყო ზარი, მეტენდორპის კლუბს 25 წელი უსრულდებოდა და მთხოვეს, რომ მასტერ-კლასი ჩამეტარებინა. შემდეგ კი ვეტერან ქალთა გუნდი მევარჯიშებინა. ერთი წლის შემდეგ შედეგმა არ დააყოვნა და დღეს ამ გუნდის მოთამაშე მწვრთნელი ვარ. ამას გარდა ქალაქ მეტენდორფში 40 წლის ზევით ვეტერანთა ჩობურთის გუნდისაც, რომლის ასევე მოთამაშე მწვრთნელი ვარ.- თავიდან გამიჭირდაო, მითხარით, და დღეს როგორ გრძნობს თავს ქართველი პრაგმატულ გერმანელებს შორის?- ვერ წარმომედგინა, რომ კანონმორჩილი და პრაგმატული გერმანელები ასეთი თბილი, მეგობრული და ყურადღებიანი აღმოჩნდებოდნენ. ჩემი მეუღლე ამბობს ხოლმე, ირინამ აქ პატარა საქართველო მოიწყოო. ჩემმა თანაგუნდელებმა საქართველოს შესახებ ზოგადი ფაქტები იცოდნენ, მაგრამ ვეცადე, რომ მათთვის უფრო მეტი ინფორმაცია მიმეწოდებინა. დღეს უკვე დაუსწრებლად უყვართ ჩვენი ქვეყანა და დიდი სურვილი აქვთ, რომ ჩემთან ერთად საქართველოში იმოგზაურონ.ნინო მამულაშვილი
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ინტერვიუ, საინტერესო ადამიანები
ინტერვიუ, საინტერესო ადამიანები
ქართველი მწვრთნელი გერმანიაში და მისი „პატარა საქართველო“
16:37 01.03.2023 (განახლებულია: 20:32 01.03.2023) „ჩვენი ურთიერთობა შედგა და გერმანელი ბავშვებისგან დღემდე დიდ სიყვარულს ვგრძნობ“ - ამბობს გერმანიაში მცხოვრები ჩოგბურთელი ირინა მალაციძე-კონიგი, რომელიც ადგილობრივი ჩოგბურთის გუნდის მოთამაშე-მწვრთნელია.
ამჟამად ქალაქ კიკესჰაუზენში ცხოვრობს. მისი მწვრთნელობის დროს გერმანიის მეტენდორფის გუნდი წელს B კლასიდან A კლასში გადავიდა.
შთამბეჭდავია თავად მისი სპორტული წარმატებები: რამდენიმე წელი საქართველოს ქალთა ნაკრების პირველი ნომერი იყო, ერთეულთა შორის ბულგარეთის ქალთა საერთაშორისო ტურნირის გამარჯვებული და პოლონეთის საერთაშორისო ტურნირის ვერცხლის პრიზიორი. ყველაფერი იმით დაიწყო, რომ მოზარდთა შორის საბჭოთა კავშირის ოთხზის ჩემპიონი გახდა როგორც გუნდურ, ასევე ერთეულთა თანრიგში.
- ქალბატონო ირინა, როგორც ვიცი, ჩოგბურთზე არჩევანი შემთხვევით არ გაგიკეთებიათ.
- ჩემი მშობლები ძალიან მომთხოვნი იყვნენ და ამიტომ მე და ჩემი და სპორტზე მხოლოდ ჯანმრთელობისთვის არ დავდიოდით, საკმაოდ მონდომებით და ბევრს ვვარჯიშობდით. თბილისში ისეთ ეზოში გავიზარდე, სადაც საქართველოს დამსახურებული მწვრთნელი სოლომონ თუხარელი და მისი და, ქართველი ჩოგბურთელი ნინო თუხარელი ცხოვრობდნენ. ჩოგბურთის კორტებიც ახლოს იყო, ახლა რომ იუსტიციის სახლია, იმ ადგილზე. იმ დროისათვის ჩოგბურთი და საერთოდ სპორტის ყველა სახეობა უფასო იყო და უამრავი ბავშვი იყო ვარჯიშით დაკავებული. ბევრს ვვარჯიშობდით. მეც და ჩემი დაც წლების განმავლობაში მოსწავლეთა შორის ჩვენ ასაკში საქართველოს მრავალგზის ჩემპიონები ვიყავით. საქართველოს ქალთა ნაკრებშიც მოვხვდი, შემდეგ ორივე სპორტის ოსტატები გავხდით.
- გერმანიაში როგორ დაიწყეთ სპორტული საქმიანობა?
- ჯერ იმას გეტყვით, რომ გერმანიაში გადმოსვლა იმის გამო მომიწია, რომ მეუღლე გერმანელია. პირველი ექვსი თვე ჩემთვის კოშმარი იყო. გერმანული ენის მესამე საფეხურის სერტიფიკატი უნდა ამეღო, გადამებარებინა მართვის მოწმობა და მხოლოდ ამის შემდეგ შემეძლო სამსახურის დაწყება ჩემი სპეციალობით. ეს ყველაფერი მეუღლის დახმარებით მოვახერხე. იგი გერმანული ენის პედაგოგია და ექვს თვეში უკვე მზად ვიყავი. რაც შეეხება სპორტულ საქმინობას, როგორც ყველა პროვინციულ ქალაქში, აქაც ხმები მალე ვრცელდება და ერთ საღამოს ჩემს სახლში იყო ზარი, მეტენდორპის კლუბს 25 წელი უსრულდებოდა და მთხოვეს, რომ მასტერ-კლასი ჩამეტარებინა. შემდეგ კი ვეტერან ქალთა გუნდი მევარჯიშებინა. ერთი წლის შემდეგ შედეგმა არ დააყოვნა და დღეს ამ გუნდის მოთამაშე მწვრთნელი ვარ. ამას გარდა ქალაქ მეტენდორფში 40 წლის ზევით ვეტერანთა ჩობურთის გუნდისაც, რომლის ასევე მოთამაშე მწვრთნელი ვარ.
- თავიდან გამიჭირდაო, მითხარით, და დღეს როგორ გრძნობს თავს ქართველი პრაგმატულ გერმანელებს შორის?
- ვერ წარმომედგინა, რომ კანონმორჩილი და პრაგმატული გერმანელები ასეთი თბილი, მეგობრული და ყურადღებიანი აღმოჩნდებოდნენ. ჩემი მეუღლე ამბობს ხოლმე, ირინამ აქ პატარა საქართველო მოიწყოო. ჩემმა თანაგუნდელებმა საქართველოს შესახებ ზოგადი ფაქტები იცოდნენ, მაგრამ ვეცადე, რომ მათთვის უფრო მეტი ინფორმაცია მიმეწოდებინა. დღეს უკვე დაუსწრებლად უყვართ ჩვენი ქვეყანა და დიდი სურვილი აქვთ, რომ ჩემთან ერთად საქართველოში იმოგზაურონ.
