მაღალმთიან აჭარაში ტრანსპორტისთვის დაწესებული მოძრაობის სპეციალური რეჟიმი მოიხსნა

© photo: Sputnik / Stringerთოვლი ხულოში
თოვლი ხულოში - Sputnik საქართველო, 1920, 20.02.2023
გამოწერა
რთულმა მეტეოროლოგიურმა პირობებმა საავტომობილო გზებზე პრობლემები შექმნა.
თბილისი, 20 თებერვალი — Sputnik. ჩატარებული გაწმენდითი სამუშაოების შედეგად მაღალმთიან აჭარაში, ქედა-ხულოს გზაზე ტრანსპორტის გადაადგილებაზე დაწესებული სპეციალური რეჟიმი მოიხსნა, იუწყება საავტომობილო გზების დეპარტამენტი.
საუბარია შიდასახელმწიფოებრივი მნიშვნელობის ბათუმი(ანგისა)–ახალციხის საავტომობილო გზის 38-88 კმ მონაკვეთზე (ქედა–ხულო).
აღნიშნულ მონაკვეთზე აკრძალულია მისაბმელიანი, ნახევარმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოხსნილია.
რთული მეტეოროლოგიური პირობების (თოვა, ქარბუქი, შეზღუდული ხილვადობა) გამო აღნიშნული საავტომობილო გზის 88-106 კმ მონაკვეთზე (ხულო–კურორტი გოდერძი) აკრძალულია ყველა სახის ავტოტრანსპორტის მოძრაობა.
სინოპტიკოსები ამინდის გაუმჯობესებას მხოლოდ თვის ბოლოსთვის ვარაუდობენ.
ყველა ახალი ამბავი
0