მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

იმედი ისევ არის: მიწისძვრიდან მე-9 დღეს ნანგრევებიდან ცოცხალი ძმები ამოიყვანეს - ვიდეო

© photo: Sputnik / Stringer
  - Sputnik საქართველო, 1920, 14.02.2023
გამოწერა
თბილისი, 14 თებერვალი — Sputnik. თურქეთის სამხრეთ-აღმოსავლეთში, პროვინცია კაჰრამანმარაში მიწისძვრიდან 198 საათის შემდეგ ნანგრევებიდან ორი ძმა ამოიყვანეს, იუწყება სააგენტო Anadolu.
გავრცელებული ინფორმაციით, სამშაბათს, დილით დულკადიროღლუს რაიონში ათობით მაშველის ძალისხმევით 17 წლის მუჰამედ ენეს იენინარი და მისი უფროსი ძმა, 21 წლის ბაკი იენინარი გადაარჩინეს.
დაშავებული ძმები საავადმყოფოში გადაიყვანეს.
ბოლო ინფორმაციით, 6 თებერვლის დამანგრეველი მიწისძვრების შედეგად თურქეთში დაღუპულთა რაოდენობამ 31.600 კაცს გადააჭარბა. პრეზიდენტმა რეჯეფ თაიფ ერდოღანმა ქვეყანაში ეროვნული გლოვა გამოაცხადა.
მანამდე კანადელმა სეისმოლოგმა, პროფესორმა ედვინ ნისენმა თურქეთში მომხდარი ბოლო მიწისძვრები ათ ყველაზე დიდ მიწისძვრათა შორის დაასახელა, რომლებიც ოდესმე დაფიქსირებულა მსოფლიოში ეპიცენტრით ხმელეთზე.
ყველა ახალი ამბავი
0