საქართველოს ორი მოქალაქე თურქეთში კვლავ ნანგრევების ქვეშაა

© courtesy of Ministry of Internal Affairs of Georgiaქართველი მაშველები თურქეთში
ქართველი მაშველები თურქეთში - Sputnik საქართველო, 1920, 08.02.2023
გამოწერა
მძლავრ მიწისძვრებს თურქეთის სამხრეთ-აღმოსავლეთში 8,5 ათასზე მეტი ადამიანი ემსხვერპლა.
თბილისი, 8 თებერვალი — Sputnik. საქართველოს საელჩომ თურქეთში მიწისძვრის შემდეგ დაკარგული საქართველოს ექვსი მოქალაქიდან ოთხს მიაგნო, ხოლო ორი, სავარაუდოდ, ნანგრევებშია მოყოლილი, განაცხადა ელჩმა გიორგი ჯანჯღავამ ტელეკომპანია „მთავარი არხის“ ეთერში.
ელჩმა გუშინ განაცხადა, რომ ვითარება სტიქიური უბედურებისგან დაზარალებულ რაიონში ყოველ საათს იცვლება. ბოლო მონაცემებით, 6 თებერვალს ორი მძლავრი მიწისძვრის (7,7 და 7,6 მაგნიტუდის) შედეგად თურქეთში მსხვერპლის რაოდენობამ 8,5 ათასს გადააჭარბა, დაშავდა დაახლოებით 50 ათასი.

„ორი ადამიანის ძებნა ისევ გრძელდება... ჩვენ გვაქვს რეგულარული კონტაქტი სამაშველო სამსახურებთან თურქეთში, რაზეც პასუხს ვიღებთ, რომ გრძელდება სამაშველო-სამძებრო ოპერაცია. იქ ორი კორპუსია ჩამონგრეული... და იქ არიან მოყოლილები“, – განაცხადა ჯანჯღავამ.

ამ დროისათვის ცნობილია, რომ მიწისძვრის შედეგად საქართველოს ორი მოქალაქე გარდაიცვალა. დაუდასტურებელი ინფორმაციით, საქართველოს მოქალაქეებს შორის კიდევ ერთი მსხვერპლია.
  - Sputnik საქართველო, 1920, 08.02.2023
მსოფლიო დღეს
თურქი სეისმოლოგი: ნანგრევებში 184 ათასი ადამიანი რჩება
მიწისძვრა თურქეთის პროვინცია კაჰრამანმარაშში დაფიქსირდა. საქართველოს სეისმური მონიტორინგის ცენტრის ინფორმაციით, მიწისქვეშა ბიძგები პირველ შემთხვევაში საქართველო-თურქეთის საზღვრიდან 616 კილომეტრში დაფიქსირდა, მეორე შემთხვევაში კი - 538 კილომეტრში.
ეწვიეთ „Sputnik საქართველოს“ Telegram-არხს
ყველა ახალი ამბავი
0