რაზე იმსჯელეს მთავრობის ეკონომიკური საბჭოს სხდომაზე

© Government of Georgiaმთავრობის ეკონომიკური საბჭოს სხდომა ირაკლი ღარიბაშვილის ხელმძღვანელობით
მთავრობის ეკონომიკური საბჭოს სხდომა ირაკლი ღარიბაშვილის ხელმძღვანელობით - Sputnik საქართველო, 1920, 04.02.2023
გამოწერა
სხდომაზე იმსჯელეს საქალაქთაშორისო მგზავრების გადაყვანის რეფორმაზე, ინფლაციის შემცირებაზე, ასევე განიხილეს მსხვილი ეკონომიკური პროექტები.
თბილისი, 4 თებერვალი - Sputnik. საქართველოს პრემიერ-მინისტრის ირაკლი ღარიბაშვილის ხელმძღვანელობით მთავრობის ადმინისტრაციაში ეკონომიკური საბჭოს სხდომა გაიმართა, ნათქვამია უწყების მიერ გავრცელებულ ინფორმაციაში.
სხდომაზე იმსჯელეს საქალაქთაშორისო მგზავრების გადაყვანის რეფორმაზე, რომელზეც მთავრობის მეთაურის დავალებით ეკონომიკისა და მდგრადი განვითარების სამინისტრო აქტიურად მუშაობს.
„ზედიზედ ორი წელია საქართველოში ორნიშნა ეკონომიკური ზრდა ფიქსირდება, – 2021 წელს დაფიქსირებული 10,5%-იანი ეკონომიკური ზრდის შემდეგ, 2022 წელს ასევე ორნიშნა ზრდა დაფიქსირდა და 10,1% შეადგინა, რაც მთავრობის სწორმა პოლიტიკამ გახადა შესაძლებელი“, - ნათქვამია ინფორმაციაში.
ეკონომიკური საბჭოს წევრებმა ასევე იმსჯელეს ინფლაციის შემცირებაზე. აღინიშნა, რომ 2023 წლის იანვარში წლიური ინფლაცია 9,4%-მდე შემცირდა და მოსალოდნელია შემცირების ტენდენციის გაგრძელება.
საუბარი შეეხო სარეიტინგო სააგენტო Fitch-ის მიერ გამოქვეყნებულ საკრედიტო რეიტინგს, რომლის მიხედვითაც ქვეყნის სუვერენული საკრედიტო რეიტინგის პერსპექტივა სტაბილურიდან პოზიტიურამდე გაუმჯობესდა.
სხდომის წევრებმა მსხვილი ეკონომიკური პროექტები განიხილეს, რომლებზეც პრემიერ-მინისტრის დავალებით ეკონომიკისა და მდგრადი განვითარების სამინისტრო მუშაობს.
წყარო - საქართველოს მთავრობის ადმინისტრაციის პრეს-სამსახური
ყველა ახალი ამბავი
0