თბილისის ცენტრში სამი პირის დაჭრაში ბრალდებული დააკავეს

დაკავება - Sputnik საქართველო, 1920, 03.02.2023
გამოწერა
ბრლის დამტკიცების შემთხვევაში დაკავებულს 16-დან 20 წლამდე ვადით პატიმრობა ემუქრება.
თბილისი, 3 თებერვალი – Sputnik. სამართალდამცველებმა სამი პირის, მათ შორის პოლიციელის დაჭრისთვის ძებნილი 23 წლის მამაკაცი დააკავეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.
გამოძიების ცნობით, შემთხვევა 2023 წლის 8 იანვარს თბილისში, კოტე აფხაზის ქუჩაზე, ერთ-ერთი ღამის კლუბის მიმდებარე ტერიტორიაზე მოხდა. ბრალდებულმა ურთიერთშელაპარაკებისას ცივი იარაღით სხეულზე სხვადასხვა სახის დაზიანებები მიაყენა ორ პირს, ასევე დაჭრა საპატრულო პოლიციის 38 წლის თანამშრომელი, რომელიც აღნიშნულ ტერიტორიაზე პატრულირებდა და შემთხვევის ადგილზე მივიდა.
ბრალდებულმა მიმალვა მოახერხა. „სასწრაფო დახმარების“ ბრიგადამ სამივე დაჭრილი საავადმყოფოში გადაიყვანა, სადაც მათ შესაბამისი დახმარება გაეწიათ.
სამართალდამცველებმა დანაშაულში ბრალდებული პირის ვინაობა მალევე დაადგინეს და მასზე ძებნა გამოცხადდა. იგი თბილისში დააკავეს.
გამოძიება სამსახურებრივი საქმიანობის შესრულების დროს პოლიციელზე თავდასხმის, დამამძიმებელ გარემოებაში ჩადენილი განზრახ მკვლელობის მცდელობის, ასევე ჯანმრთელობის განზრახ ნაკლებად მძიმე დაზიანების ფაქტებზე საქართველოს სსკ-ის 19-109-ე, 118-ე და 353 პრიმა მუხლებით მიმდინარეობს. დანაშაული 16-დან 20 წლამდე ვადით პატიმრობას ითვალისწინებს.
ყველა ახალი ამბავი
0