ლაშა ხუციშვილი: საქართველოს საზღვრებზე აუცილებელია „ერთი გაჩერების“ პრინციპის დანერგვა

© Ministry of Finance of Georgiaლაშა ხუციშვილი
ლაშა ხუციშვილი - Sputnik საქართველო, 1920, 27.01.2023
გამოწერა
არსებობს სრული პოლიტიკური მზადყოფნა, რომ ქვეყნებმა განახორციელონ საბაჟო ადმინისტრირების ერთობლივი მექანიზმების გამოყენება, განაცხადა მინისტრმა.
თბილისი, 27 იანვარი – Sputnik. საქართველოს პარტნიორი ქვეყნების, კერძოდ, აზერბაიჯანის, თურქეთისა და სომხეთის საზღვრებზე აუცილებელია „ერთი გაჩერების“ პრინციპის დანერგვა, განაცხადა საქართველოს ფინანსთა მინისტრმა ლაშა ხუციშვილმა.
საბაჟოს საერთაშორისო დღისადმი მიძღვნილ ღონისძიებაზე სიტყვით გამოსვლისას ხუციშვილმა ერთობლივ გამშვებ პუნქტებზე და გამშვები პუნქტების ერთობლივი მართვის პროექტებზე ისაუბრა.

„არსებობს სრული პოლიტიკური მზადყოფნა, რომ ქვეყნებმა განახორციელონ საბაჟო ადმინისტრირების ერთობლივი მექანიზმების გამოყენება. დარწმუნებული ვარ, რომ ამ მიმართულებით კავკასია უზარმაზარი პოტენციალის მქონე რეგიონია, სადაც შესაძლებელია ერთობლივი გამშვები პუნქტების ან პუნქტის ერთობლივი მართვის პრინციპების საუკეთესო პრაქტიკა შეიქმნას“, – განაცხადა ხუციშვილმა.

მინისტრის აზრით, შემდგომში უკვე შესაძლებელი იქნება ამ პრინციპის სხვა ქვეყნებში დანერგვაც.
„საქართველოში ყველა საავტომობილო გამშვებ პუნქტზე დანერგილია ერთი გაჩერების პრინციპი, მაგრამ, ცხადია, მიწოდების გლობალური ჯაჭვისთვის მნიშვნელოვანია არა მარტო ცალკეულ ქვეყანაში არსებული მოდერნიზებული ფორმალობები, არამედ მთლიანად შუა დერეფნის გამტარუნარიანობა, მოქნილობა და პროგნოზირებადობა“, – განაცხადა ხუციშვილმა.
ლაშა ხუციშვილი: საქართველო საბაჟო ინფრასტრუქტურის განვითარების დაჩქარებას აპირებს>>
როგორც მინისტრმა განმარტა, საქართველოს საბაჟო უკვე ცვლის წინასწარ ელექტრონულ მონაცემებს არა მარტო ზემოთ ჩამოთვლილ ქვეყნებთან, არამედ ასევე უკრაინასთან და უზბეკეთთან.
მისი თქმით, შესაბამისად, დღის წესრიგში დგას სხვა ქვეყნების საბაჟო ადმინისტრაციებიდან მიღებული მონაცემების უფრო ეფექტიანად გამოყენების ამოცანა როგორც რისკების მართვის, ისე მომსახურების გაუმჯობესების კუთხით.
ეწვიეთ „Sputnik საქართველოს“ Telegram-არხს
ყველა ახალი ამბავი
0