მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

თურქეთი სტოკჰოლმში ყურანის პატივისცემის აქციას გამართავს

© Fotolia / Meen_naყურანი
ყურანი - Sputnik საქართველო, 1920, 24.01.2023
გამოწერა
НовостиTelegram
თბილისი, 24 იანვარი — Sputnik. დღეს სტოკჰოლმში თურქეთის საელჩოს წინ „ყურანის პატივისცემის აქცია“ გაიმართება, იუწყება თურქული საინფორმაციო სააგენტო Anadolu ქვეყნის რელიგიის საკითხთა დეპარტამენტის ხელმძღვანელ ალი ერბაშზე დაყრდნობით.
მანამდე აღნიშნულ ტერიტორიაზე შვედეთის ულტრამემარჯვენე პარტია „ხისტი კურსის“ ლიდერმა რასმუს პალუდანმა აქცია გამართა, რომელზეც ყურანი საჯაროდ დაწვა.

„თურქეთის საელჩოს წინ, იმ ადგილზე, სადაც ყურანის შეურაცხყოფა მოხდა, მისი პატივისცემის აქცია გაიმართება“, — განაცხადა ერბაშმა.

მისი თქმით, აქციის ფარგლებში თურქულ, შვედურ და ინგლისურ ენებზე წაიკითხავენ სურებს მუსლიმთა წმინდა წიგნიდან.
„ჩვენი ამოცანაა ბოროტების აღმოფხვრა და მისი სიკეთედ გარდაქმნა. მუსლიმები ყოველთვის ფხიზლად უნდა იყვნენ, იკითხონ, გაიაზრონ, დაიცვან და პატივი სცენ ჩვენს წმინდა წიგნს. ეს სული უნდა ჩავუნერგოთ ჩვენს ბავშვებსა და ახალგაზრდებს“, — განაცხადა ერბაშმა.
რასმუს პალუდანმა ყურანი საჯაროდ შაბათს, 21 იანვარს დაწვა სტოკჰოლმში თურქეთის საელჩოსთან. ამაზე პასუხად ანკარამ შვედეთის თავდაცვის მინისტრის პალ ჯონსონის თურქეთში ვიზიტი გააუქმა.
ანკარაში შვედეთის ელჩი სტაფან ჰორსტრომი თურქეთის საგარეო საქმეთა სამინისტროში დაიბარეს, სადაც მას მკაცრი პროტესტი გამოუცხადეს იმასთან დაკავშირებით, რომ შვედეთის ხელისუფლებამ სტოკჰოლმში თურქეთის საელჩოს წინ ყურანის დაწვის აქციის ჩატარების ნებართვა გასცა. შვედეთის ხელისუფლების ამ ქმედებამ ისლამური ქვეყნების მწვავე უარყოფითი რეაქცია გამოიწვია.
ყველა ახალი ამბავი
0