https://sputnik-georgia.com/20230124/40-devnil-ojaxs-sacxovrebeli-artebi-gadaeca-274194113.html
40 დევნილ ოჯახს საცხოვრებელი ფართები გადაეცა
40 დევნილ ოჯახს საცხოვრებელი ფართები გადაეცა
Sputnik საქართველო
ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს. 24.01.2023-ს, Sputnik საქართველო
2023-01-24T14:17+0400
2023-01-24T14:17+0400
2023-01-24T20:02+0400
საქართველო
სოციალური სფერო საქართველოში
საზოგადოება
ახალი ამბები
https://cdnn1.img.sputnik-georgia.com/img/07e5/01/02/250523247_0:181:1920:1261_1920x0_80_0_0_54fb128551f41003b5299d9aa63968cd.jpg
თბილისი, 24 იანვარი – Sputnik. თბილისში ახალაშენებულ კორპუსებში იძულებით გადაადგილებულ 40 ოჯახს ახალი ბინები გადაეცა, იუწყება დევნილთა, ეკომიგრანტთა და საარსებო წყაროებით უზრუნველყოფის სააგენტო.თანამედროვე სტანდარტების შესაბამისი საცხოვრებელი ფართებით დაკმაყოფილებულთა შორის ყოფილ სანატორიუმ „ქართლში“ მცხოვრები დევნილებიც არიან.სააგენტოს მიერ გავრცელებული ინფორმაციით, ამ ეტაპზე „ქართლში“ მცხოვრები 140 ოჯახიდან 100-მდე ოჯახი ახალი საცხოვრებელი ბინებით უკვე დაკმაყოფილებულია.ყოფილი სანატორიუმის შენობაში თითქმის 30 წელია აფხაზეთიდან დევნილები ცხოვრობენ. მათი ნაწილი 2021 წლის დეკემბრის ბოლოდან საპროტესტო აქციებს მართავდა და ხელისუფლებისგან ალტერნატიულ საცხოვრებელ ფართებს მოითხოვდა.დევნილების ბინებით უზრუნველყოფის საკითხი განსაკუთრებით აქტუალური მას შემდეგ გახდა, რაც 2022 წლის 16 იანვარს 52 წლის მამაკაცი ამ ყოფილი სანატორიუმის შენობიდან გადმოხტა და გარდაიცვალა.სახელმწიფო 1,3 ათასამდე დევნილ ოჯახს სოფლად სახლს შეუძენს>>>დევნილი ოჯახებისთვის სათანადო საცხოვრებელი პირობების შექმნა სახელმწიფოს ერთ-ერთი პრიორიტეტია. ამ მიმართულებით მუშაობა აქტიურად გრძელდება. ჯანდაცვის სამინისტროს ცნობით, იძულებით გადაადგილებულ პირთა განსახლების პროგრამის ფარგლებში 2022-2025 წლებში ახალ საცხოვრებელს 13 ათასამდე დევნილი ოჯახი მიიღებს.ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს.საქართველოში იძულებით გადაადგილებულ პირთა საცხოვრებელი ფართით უზრუნველყოფის ოთხი ვარიანტი მოქმედებს — სახელმწიფო დევნილებისთვის ბინებს ყიდულობს; მათთვის მრავალბინიან საცხოვრებელ სახლებს აშენებს; თუ დევნილის მიერ დაკავებული საცხოვრებელი ფართი ადგილობრივ ან სახელმწიფო ბალანსზეა, მაშინ სახელმწიფო მათ აღნიშნულ ფართს უკანონებს; თუ დევნილები ცხოვრობენ შენობაში, რომელიც კერძო საკუთრებას წარმოადგენს, მაშინ სახელმწიფო მესაკუთრისგან ფართის გამოსყიდვას აწარმოებს და დევნილებს გადასცემს.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/01/02/250523247_0:1:1920:1441_1920x0_80_0_0_57c0d22a092797abb28583cc69b36653.jpgSputnik საქართველო
media@sputniknews.com
+74956456601
MIA „Rosiya Segodnya“
საქართველო, სოციალური სფერო საქართველოში, საზოგადოება, ახალი ამბები
საქართველო, სოციალური სფერო საქართველოში, საზოგადოება, ახალი ამბები
40 დევნილ ოჯახს საცხოვრებელი ფართები გადაეცა
14:17 24.01.2023 (განახლებულია: 20:02 24.01.2023) ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს.
თბილისი, 24 იანვარი – Sputnik. თბილისში ახალაშენებულ კორპუსებში იძულებით გადაადგილებულ 40 ოჯახს ახალი ბინები გადაეცა, იუწყება დევნილთა, ეკომიგრანტთა და საარსებო წყაროებით უზრუნველყოფის სააგენტო.
თანამედროვე სტანდარტების შესაბამისი საცხოვრებელი ფართებით დაკმაყოფილებულთა შორის ყოფილ სანატორიუმ „ქართლში“ მცხოვრები დევნილებიც არიან.
სააგენტოს მიერ გავრცელებული ინფორმაციით, ამ ეტაპზე „ქართლში“ მცხოვრები 140 ოჯახიდან 100-მდე ოჯახი ახალი საცხოვრებელი ბინებით უკვე დაკმაყოფილებულია.
ყოფილი სანატორიუმის შენობაში თითქმის 30 წელია აფხაზეთიდან დევნილები ცხოვრობენ. მათი ნაწილი 2021 წლის დეკემბრის ბოლოდან საპროტესტო აქციებს მართავდა და ხელისუფლებისგან ალტერნატიულ საცხოვრებელ ფართებს მოითხოვდა.
დევნილების ბინებით უზრუნველყოფის საკითხი განსაკუთრებით აქტუალური მას შემდეგ გახდა, რაც 2022 წლის 16 იანვარს 52 წლის მამაკაცი ამ ყოფილი სანატორიუმის შენობიდან გადმოხტა და გარდაიცვალა.
დევნილი ოჯახებისთვის სათანადო საცხოვრებელი პირობების შექმნა სახელმწიფოს ერთ-ერთი პრიორიტეტია. ამ მიმართულებით მუშაობა აქტიურად გრძელდება.
ჯანდაცვის სამინისტროს ცნობით, იძულებით გადაადგილებულ პირთა განსახლების პროგრამის ფარგლებში 2022-2025 წლებში ახალ საცხოვრებელს 13 ათასამდე დევნილი ოჯახი მიიღებს.
ოფიციალური სტატისტიკით, სახელმწიფომ საცხოვრებელი ფართით 43.809 დევნილი ოჯახი უნდა დააკმაყოფილოს.
საქართველოში იძულებით გადაადგილებულ პირთა საცხოვრებელი ფართით უზრუნველყოფის ოთხი ვარიანტი მოქმედებს — სახელმწიფო დევნილებისთვის ბინებს ყიდულობს; მათთვის მრავალბინიან საცხოვრებელ სახლებს აშენებს; თუ დევნილის მიერ დაკავებული საცხოვრებელი ფართი ადგილობრივ ან სახელმწიფო ბალანსზეა, მაშინ სახელმწიფო მათ აღნიშნულ ფართს უკანონებს; თუ დევნილები ცხოვრობენ შენობაში, რომელიც კერძო საკუთრებას წარმოადგენს, მაშინ სახელმწიფო მესაკუთრისგან ფართის გამოსყიდვას აწარმოებს და დევნილებს გადასცემს.