https://sputnik-georgia.com/20230116/vaxtang-dzagnidze-272755160.html
სოფელში ყოფნის დროს გაჩენილი იდეა, რომელიც საინტერესო საქმიანობად იქცა
სოფელში ყოფნის დროს გაჩენილი იდეა, რომელიც საინტერესო საქმიანობად იქცა
Sputnik საქართველო
სკოლაში სწავლის დროს საგნებიდან ყველაზე მეტად ფიზიკა იზიდავდა. შემდეგ ტექნიკური უნივერსიტეტის ენერგეტიკის ფაკულტეტი წარმატებით დაამთავრა და 2007 წლიდან... 16.01.2023-ს, Sputnik საქართველო
2023-01-16T12:37+0400
2023-01-16T12:37+0400
2023-01-24T14:19+0400
ინტერვიუ
საინტერესო ადამიანები
https://cdnn1.img.sputnik-georgia.com/img/07e5/0b/0f/262073196_0:279:1728:1251_1920x0_80_0_0_6c406e89709639149b40adf1c2239219.jpg
პროფესიით ენერგეტიკოსი, ძირითადი სამსახურის გარდა, ორიგინალური ფორმის თემატური სანათების დამზადებითაა დაკავებული. საუბარია ვახტანგ ძაგნიძეზე. მსგავსი გატაცება მის ცხოვრებაში ბოლო დროს გაჩნდა. გარდა იმისა, რომ ეს საქმე სიამოვნებას ანიჭებს, მისი ნახელავი ბევრ ადამიანს მოსწონს.- ბატონო ვახტანგ, საიდან გაგიჩნდათ ასეთი ინტერესი, ენერგეტიკოსები თუ გყავდათ ოჯახში?- ჩემს ოჯახში და გარემოცვაში არავინ ყოფილა ენერგეტიკის სფეროში, თუმცა მე მის მიმართ ინტერესი სულ მქონდა. ამიტომ სკოლის დამთავრების მერე შესაბამის ფაკულტეტზე ჩაბარება გადავწყვიტე. დღეს კოლეგებთან ერთად ქვეყნის უმნიშვნელოვანესი სტრატეგიული ელექტროგადამცემი ხაზების მუშაობას ვადევნებ თვალყურს. საერთოდ, ბავშვობიდან ვხატავ და ვხაზავ. ხაზვა მამაჩემისგან ვისწავლე. ჩემი უფროსი ძმა დღეს საკმაოდ წარმატებული მხატვარი და არქიტექტორია. მოკლედ, ჩვენი ოჯახი ძალიან ახლოსაა ხელოვნებასთან. - მაშინ გასაგებია რატომ გაგიჩნდათ ასეთი გატაცება...- ინსპირაცია გახდა ის ფაქტი, რომ ჩვენთან, ვანის რაიონის სოფელ დიხაშხოში მრავლადაა ეკლის, აკაციის ხეები და მათ ყოველთვის ინტერესით ვაკვირდებოდი. დავფიქრდი, რაში შეიძლებოდა ის გამომეყენებინა და სანათის გაკეთების იდეაც მაშინ დაიბადა. ყველა ჩემი სანათისთვის, რომელიც ხისგანაა შექმნილი, ჩემი საკუთარი ეზოს ეკლის ხეებია გამოყენებული. მას ულამაზესი ფაქტურა და მერქანი აქვს.- პირველი ნამუშევარიც სოფელში ხომ არ გააკეთეთ?- ასე იყო. ჩემი პირველი სანათი ერთი წლის წინ, სოფელში ყოფნის დროს შევქმენი სწორედ ეკლის (აკაციის) ხისგან. ის იმდენად მოეწონა ყველას, რომ გადავწყვიტე მომავალშიც მეცადა ბედი და პირველისგან განსხვავებული დიზაინის სანათები გამეკეთებინა. საერთოდ, იოლ გზებს არასოდეს ვეძებ, მით უფრო, როცა საქმე ხელოვნებას ეხება.- რომელია თქვენი ფავორიტი ნამუშევარი?- ჩემი ფავორიტი სანათი ძალიან უჩვეულოდაა დამზადებული. სახლის რემონტის დროს გამწოვის მილისთვის კედელი გავხვრიტეთ, რის შედეგადაც დაგვრჩა რკინა-ბეტონის ამონაჭერი, რომელსაც ხელოსანი გადაგდებას უპირებდა. როცა კარგად დავაკვირდი, სპონტანურად გამიჩნდა იდეა, რომ ეს ნაწილი სანათში გამომეყენებინა. მართლაც ორიგინალური გამოვიდა და მიხარია, რომ ჩემი ეს ნამუშევარი დღემდე ყველაზე დიდ მოწონებას იმსახურებს.- როგორ დახვეწეთ თქვენი საქმიანობა?- ერთხელაც დამებადა იდეა, რომ თემატური სანათები დამემზადებინა. ასე შეიქმნა ლეგოების სანათი, რომელიც დღეს ჩემი შვილების სამეცადინო მაგიდაზეა. მომავალში მინდა გავაკეთო სხვადასხვა სახის სანათები: საბავშვო, ხის, დეკორატიული ყვავილებით, მეტალის და ა.შ. ასევე ვაპირებ შევქმნა ელექტროგადამცემი ანძის ფორმის მქონე სანათი, რაც უშუალო კავშირია ჩემ პროფესიასთან.- ვიცი, რომ სანათების დამზადების გარდა ხატვითაც ხართ გატაცებული...- დიახ, თავისუფალ დროს სულ ვხატავ. ჩემი რამდენიმე ნახატი აკრილითაა შესრულებული. ისინი ძირითადად აბსტრაქციებია და ჩემს გარემოცვაში ყველას მოსწონს. ასევე ვხატავ ფანქარშიც. ხატვა და ჩემი გატაცება, როცა სამუშაო დღის შემდეგ სახლში დაღლილი მოვდივარ, განტვირთვაში მეხმარება. გულწრფელად გითხრათ, ნამდვილად არ მეგონა, ჩემი უბრალო ჰობი და გატაცება ასეთ მოწონებას თუ დაიმსახურებდა...ნინო მამულაშვილი
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ინტერვიუ, საინტერესო ადამიანები
ინტერვიუ, საინტერესო ადამიანები
სოფელში ყოფნის დროს გაჩენილი იდეა, რომელიც საინტერესო საქმიანობად იქცა
12:37 16.01.2023 (განახლებულია: 14:19 24.01.2023) სკოლაში სწავლის დროს საგნებიდან ყველაზე მეტად ფიზიკა იზიდავდა. შემდეგ ტექნიკური უნივერსიტეტის ენერგეტიკის ფაკულტეტი წარმატებით დაამთავრა და 2007 წლიდან ენერგეტიკულ კომპანიაში მუშაობს.
პროფესიით ენერგეტიკოსი, ძირითადი სამსახურის გარდა, ორიგინალური ფორმის თემატური სანათების დამზადებითაა დაკავებული. საუბარია ვახტანგ ძაგნიძეზე. მსგავსი გატაცება მის ცხოვრებაში ბოლო დროს გაჩნდა. გარდა იმისა, რომ ეს საქმე სიამოვნებას ანიჭებს, მისი ნახელავი ბევრ ადამიანს მოსწონს.
- ბატონო ვახტანგ, საიდან გაგიჩნდათ ასეთი ინტერესი, ენერგეტიკოსები თუ გყავდათ ოჯახში?
- ჩემს ოჯახში და გარემოცვაში არავინ ყოფილა ენერგეტიკის სფეროში, თუმცა მე მის მიმართ ინტერესი სულ მქონდა. ამიტომ სკოლის დამთავრების მერე შესაბამის ფაკულტეტზე ჩაბარება გადავწყვიტე. დღეს კოლეგებთან ერთად ქვეყნის უმნიშვნელოვანესი სტრატეგიული ელექტროგადამცემი ხაზების მუშაობას ვადევნებ თვალყურს. საერთოდ, ბავშვობიდან ვხატავ და ვხაზავ. ხაზვა მამაჩემისგან ვისწავლე. ჩემი უფროსი ძმა დღეს საკმაოდ წარმატებული მხატვარი და არქიტექტორია. მოკლედ, ჩვენი ოჯახი ძალიან ახლოსაა ხელოვნებასთან.
- მაშინ გასაგებია რატომ გაგიჩნდათ ასეთი გატაცება...
- ინსპირაცია გახდა ის ფაქტი, რომ ჩვენთან, ვანის რაიონის სოფელ დიხაშხოში მრავლადაა ეკლის, აკაციის ხეები და მათ ყოველთვის ინტერესით ვაკვირდებოდი. დავფიქრდი, რაში შეიძლებოდა ის გამომეყენებინა და სანათის გაკეთების იდეაც მაშინ დაიბადა. ყველა ჩემი სანათისთვის, რომელიც ხისგანაა შექმნილი, ჩემი საკუთარი ეზოს ეკლის ხეებია გამოყენებული. მას ულამაზესი ფაქტურა და მერქანი აქვს.
- პირველი ნამუშევარიც სოფელში ხომ არ გააკეთეთ?
- ასე იყო. ჩემი პირველი სანათი ერთი წლის წინ, სოფელში ყოფნის დროს შევქმენი სწორედ ეკლის (აკაციის) ხისგან. ის იმდენად მოეწონა ყველას, რომ გადავწყვიტე მომავალშიც მეცადა ბედი და პირველისგან განსხვავებული დიზაინის სანათები გამეკეთებინა. საერთოდ, იოლ გზებს არასოდეს ვეძებ, მით უფრო, როცა საქმე ხელოვნებას ეხება.
- რომელია თქვენი ფავორიტი ნამუშევარი?
- ჩემი ფავორიტი სანათი ძალიან უჩვეულოდაა დამზადებული. სახლის რემონტის დროს გამწოვის მილისთვის კედელი გავხვრიტეთ, რის შედეგადაც დაგვრჩა რკინა-ბეტონის ამონაჭერი, რომელსაც ხელოსანი გადაგდებას უპირებდა. როცა კარგად დავაკვირდი, სპონტანურად გამიჩნდა იდეა, რომ ეს ნაწილი სანათში გამომეყენებინა. მართლაც ორიგინალური გამოვიდა და მიხარია, რომ ჩემი ეს ნამუშევარი დღემდე ყველაზე დიდ მოწონებას იმსახურებს.
- როგორ დახვეწეთ თქვენი საქმიანობა?
- ერთხელაც დამებადა იდეა, რომ თემატური სანათები დამემზადებინა. ასე შეიქმნა ლეგოების სანათი, რომელიც დღეს ჩემი შვილების სამეცადინო მაგიდაზეა. მომავალში მინდა გავაკეთო სხვადასხვა სახის სანათები: საბავშვო, ხის, დეკორატიული ყვავილებით, მეტალის და ა.შ. ასევე ვაპირებ შევქმნა ელექტროგადამცემი ანძის ფორმის მქონე სანათი, რაც უშუალო კავშირია ჩემ პროფესიასთან.
- ვიცი, რომ სანათების დამზადების გარდა ხატვითაც ხართ გატაცებული...
- დიახ, თავისუფალ დროს სულ ვხატავ. ჩემი რამდენიმე ნახატი აკრილითაა შესრულებული. ისინი ძირითადად აბსტრაქციებია და ჩემს გარემოცვაში ყველას მოსწონს. ასევე ვხატავ ფანქარშიც. ხატვა და ჩემი გატაცება, როცა სამუშაო დღის შემდეგ სახლში დაღლილი მოვდივარ, განტვირთვაში მეხმარება. გულწრფელად გითხრათ, ნამდვილად არ მეგონა, ჩემი უბრალო ჰობი და გატაცება ასეთ მოწონებას თუ დაიმსახურებდა...
