ავიაკომპანია Wizz Air ქუთაისში ავიაბაზას აფართოებს

© provided by press office of Wizz Air Abu Dhabi Wizz Air
 Wizz Air  - Sputnik საქართველო, 1920, 13.01.2023
გამოწერა
НовостиTelegram
ავიაკომპანია Wizz Air ქართულ საავიაციო ბაზარზე 2012 წლიდან ოპერირებს.
თბილისი, 13 იანვარი — Sputnik. უნგრული დაბალბიუჯეტიანი ავიაკომპანია Wizz Air ქუთაისში საკუთარ ავიაბაზას გააფართოებს, ნათქვამია საქართველოს აეროპორტების გაერთიანების განცხადებაში.
უწყების ცნობით, ავიაკომპანია ქუთაისის საერთაშორისო აეროპორტში ბაზირებულ მესამე ხომალდს 2023 წლის ივნისიდან დააბრუნებს და პირდაპირი რეგულარული რეისების შესრულებას დაიწყებს ევროპის ხუთი ქალაქის – ბრიუსელის, მადრიდის, ფრანკფურტის, ჰამბურგისა და პოზნანის მიმართულებით. რეგულარული ფრენები კვირაში ორ-ორჯერ შესრულდება.
გასული წლის 11 თვის მონაცემებით, Wizz Air დაახლოებით 550 ათას მგზავრს მოემსახურა. 2023 წელს ავიაკომპანია ქუთაისის აეროპორტიდან ფრენებს ევროპისა და ახლო აღმოსავლეთის 27 მიმართულებით განახორციელებს.
ქუთაისის აეროპორტში ფრენები განახლდა>>>
ავიაკომპანია Wizz Air ქართულ საავიაციო ბაზარზე 2012 წლიდან ოპერირებს. ის საქართველოში ერთ-ერთი წამყვანი ავიაკომპანია გახდა, რომელმაც 2,5 მლნ-ზე მეტი მგზავრის გადაყვანა უზრუნველყო.
Wizz Air ევროპაში მოგზაურობის მოყვარული მოსახლეობის ფავორიტ კომპანიებს შორისაა. კორონავირუსის პანდემიის გამო კომპანია იძულებული იყო შეემცირებინა თავისი ბაზები და შეეწყვიტა ფრენები. კომპანიამ ავიამიმოსვლა 2021 წლის 1 თებერვლიდან განაახლა, ზაფხულიდან კი რეგულარული ფრენების აღდგენა დაიწყო.
ყველა ახალი ამბავი
0