ლანჩხუთში სტიქიას მსხვერპლი მოჰყვა

© Poti City Hallსტიქია გურიაში
სტიქია გურიაში - Sputnik საქართველო, 1920, 13.01.2023
გამოწერა
НовостиTelegram
სინოპტიკოსების პროგნოზით, საქართველოში მხოლოდ 15 იანვრიდან გამოიდარებს.
თბილისი, 13 იანვარი — Sputnik. ძლიერ ქარს ლანჩხუთის მუნიციპალიტეტში ერთი ადამიანის სიცოცხლე ემსხვერპლა, იუწყება ტელეკომპანია „რუსთავი 2".
შემთხვევა სამტრედია-გრიგოლეთის ავტომაგისტრალზე მოხდა. ძლიერმა ქარმა ხე მოგლიჯა, რომელიც გზაზე მიმავალ ავტომობილს დაეცა. შემთხვევის შედეგად მძღოლი ადგილზე გარდაიცვალა.
დასავლეთ საქართველოში რამდენიმე დღეა ძლიერი ქარი მძვინვარებს. გურიის რეგიონში ქარმა 100-ზე მეტ საცხოვრებელ სახლს სახურავი გადახადა. დაზიანებულია სავაჭრო ობიექტები, პოლიციის შენობა და რამდენიმე საჯარო სკოლა. მოგლეჯილმა ხეებმა დააზიანა ათობით ავტომობილი.
დასავლეთ საქართველოში სტიქია მძვინვარებს>>>
რეგიონის სოფლებისა და ქალაქების ნაწილში ბუნებრივი აირისა და ელექტროენერგიის მიწოდების აღდგენა ამ დრომდე ვერ ხერხდება. სტიქიის სალიკვიდაციო სამუშაოების პარალელურად მიმდინარეობს სტიქიის შედეგად მიყენებული ზარალის დათვლა.
მსგავსი მდგომარეობაა დასავლეთი საქართველოს სხვა რეგიონებშიც, სადაც ქარმა და თოვლმა სერიოზული პრობლემები შექმნა – მოგლეჯილი ხეები, ჩახერგილი გზები, ბუნებრივი აირისა და ელექტროენერგიის გარეშე დარჩენილი მოსახლეობა.
სინოპტიკოსების პროგნოზით, საქართველოში მხოლოდ 15 იანვრიდან გამოიდარებს, მანამდე კი ქვეყნის აღმოსავლეთ ნაწილში მოსალოდნელია ძლიერი თოვა, დასავლეთში კი ძლიერი ქარი.
ყველა ახალი ამბავი
0