საქართველოსა და სომხეთის მოქალაქეები საზღვარს ID ბარათებით გადაკვეთენ

© Ministry of Finance of Georgiaსაბაჟო-გამშვები პუნქტი "ბავრა"
საბაჟო-გამშვები პუნქტი ბავრა - Sputnik საქართველო, 1920, 12.01.2023
გამოწერა
НовостиTelegram
საქართველოს პრემიერ-მინისტრი ირაკლი ღარიბაშვილი სამუშაო ვიზიტით ერევანში იმყოფება.
თბილისი, 12 იანვარი — Sputnik. საქართველოსა და სომხეთის მოქალაქეები საზღვრის გადაკვეთას პირადობის დამადასტურებელი ბიომეტრიული მოწმობებით (ID ბარათებით) შეძლებენ და საზღვარგარეთის პასპორტის წარდგენა სავალდებულო არ იქნება, იუწყება „Sputnik-სომხეთი“.
12 იანვარს გამართულ მთავრობის სხდომაზე დამტკიცდა სახელმწიფოთაშორისი შეთანხმების პროექტი „ორ სახელმწიფოს შორის სომხეთისა და საქართველოს მოქალაქეების უვიზო მიმოსვლის შესახებ“.
საქართველოს პრემიერ-მინისტრი დელეგაციასთან ერთად ერევანში გაემგზავრა>>>
სომხეთის საგარეო საქმეთა მინისტრის არარატ მირზოიანის განცხადებით, საქართველოსთან ურთიერთობების განმტკიცება ერევნის ერთ-ერთი პრიორიტეტია.
საქართველოს სამთავრობო დელეგაცია პრემიერ-მინისტრ ირაკლი ღარიბაშვილის ხელმძღვანელობით სამუშაო ვიზიტით ერევანში იმყოფება. სომხეთში ვიზიტის ფარგლებში გაიმართება მთავრობათშორისი ეკონომიკური კომისიის სხდომა, რომელსაც ორი ქვეყნის პრემიერ-მინისტრები უხელმძღვანელებენ. გარდა ამისა, დაგეგმილია ნიკოლ ფაშინიანისა და ირაკლი ღარიბაშვილის ორმხრივი მოლაპარაკებები.
ყველა ახალი ამბავი
0