მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ნუ მისცემთ ბაქოს ომის დაწყების საბაბს“: ფაშინიანმა ყარაბაღს მიმართა

© photo: Sputnik / Evgeniy Biyatov / გადასვლა მედიაბანკშინიკოლ ფაშინიანი
ნიკოლ ფაშინიანი - Sputnik საქართველო, 1920, 12.01.2023
გამოწერა
თბილისი, 12 იანვარი — Sputnik. სომხეთის პრემიერ-მინისტრმა ნიკოლ ფაშინიანმა მოუწოდა არაღიარებული მთიანი ყარაბაღის რესპუბლიკის ხელისუფლებას, მოერიდონ იმგვარ განცხადებებს, რაც აზერბაიჯანს ახალი სამხედრო ესკალაციის დაწყების საფუძველს მისცემს.

„უნდა მოვერიდოთ იმგვარ პოლიტიკურ განცხადებებს, რომლებსაც სიტუაცია კიდევ უფრო დიდ ჩიხში შეჰყავს. განცხადებები, რომლებსაც საბოლოო წერტილის მიღწევის მკაფიო ხედვა არ ახლავს თან, არაფერ კარგს არ მოიტანს. მთიან ყარაბაღსა და აზერბაიჯანს შორის პოლიტიკური დიალოგი უნდა დაიწყოს და ჩვენმა ყარაბაღელმა კოლეგებმა არავის არ უნდა მისცენ უფლება, დაადანაშაულონ ისინი კონსტრუქციული დიალოგის შეფერხებაში“, — განაცხადა ფაშინიანმა მთავრობის სხდომაზე.

მისი თქმით, ლაჩინის დერეფნის დახურვა პროვოკაციაა, რომლის საბოლოო მიზანიც ახალი სამხედრო ესკალაციაა და „მათთვის სასურველი ნაბიჯები, ვინც სამხედრო ესკალაციის სცენარს ამუშავებს, არ უნდა გადაიდგას“.
მანამდე სომხეთის პრემიერმა განაცხადა, რომ რუსი სამშვიდობოები არ ასრულებენ თავიანთ ვალდებულებებს ლაჩინის სტრატეგიული დერეფნის გაკონტროლებასთან დაკავშირებით. ფაშინიანს მიაჩნია, რომ მთიან ყარაბაღში გაეროს, ეუთოს ან მინსკის ჯგუფის მისიების გაგზავნაა აუცილებელი, რაზეც აქტიური მუშაობაა საჭირო. სომხეთმა „აზერბაიჯანის მიერ ლაჩინის დერეფნის ბლოკადის შესახებ“ გაეროს საერთაშორისო სასამართლოსაც აცნობა. ერევანმა ასევე მიმართა ადამიანის უფლებათა ევროპულ სასამართლოს აზერბაიჯანის წინააღმდეგ ზომების მიღებისა და დერეფნის განბლოკვის მოთხოვნით.
ყველა ახალი ამბავი
0