პაპუაშვილმა „ალილოს“ მონაწილეებსა და ქვეყნის მოსახლეობას შობა მიულოცა

© photo: Sputnik / Stringer"ალილოს" მსვლელობა
ალილოს მსვლელობა  - Sputnik საქართველო, 1920, 07.01.2023
გამოწერა
НовостиTelegram
საქართველოს მართლმადიდებელი მოსახლეობა 7 იანვარს ზეიმობს ქრისტეშობას – ერთ-ერთ უდიდეს ქრისტიანულ დღესასწაულს.
თბილისი, 7 იანვარი - Sputnik. საქართველოს პარლამენტის თავმჯდომარე შალვა პაპუაშვილმა „ალილოს“ ტრადიციული მსვლელობის მონაწილეებს საშობაო ნობათი გადასცა და შობა-ახალი წელი მიულოცა.
„სრულიად საქართველოს ვულოცავ შობას, ვუსურვებ დღეგრძელობას, სიკეთეს და სიმშვიდეს. ვისურვებდი, ამ განსაკუთრებულ დღეს ყველა დაფიქრდეს იმაზე, რომ მთავარია ადამიანებმა სიკეთე დავთესოთ, სიკეთით აღვივსოთ. ამ შემთხვევაში ჩვენშიც უფალი თავის სიტყვას გააღვიძებს და ეს იქნება საბოლოო ჯამში ჩვენს გულში უფლის დაბადება,“ - აღნიშნა შალვა პაპუაშვილმა ჟურნალისტებთან საუბრისას.
დღეს, 14:00 საათზე თბილისში, პირველი რესპუბლიკის მოედნიდან სამების საკათედრო ტაძრამდე, ყოველწლიური მსვლელობა „ალილო“ გაიმართა.
ალილო - Sputnik საქართველო, 1920, 07.01.2023
საქართველო შობას ზეიმობს
საქართველოს მართლმადიდებელი მოსახლეობა 7 იანვარს ზეიმობს ქრისტეშობას – ერთ-ერთ უდიდეს ქრისტიანულ დღესასწაულს.
7 იანვრის ღამეს ღვთისმსახურება ყველა მართლმადიდებელ ტაძარში ჩატარდა. მთავარი წირვა სიონის საკათედრო ტაძარში საქართველოს კათოლიკოს-პატრიარქმა ილია მეორემ აღავლინა.
„ალილოს“ ტრადიცია 15 საუკუნეზე მეტს ითვლის. მისი მთავარი მიზანი ქველმოქმედებაა. თბილისელები მსვლელობის მონაწილეებს გადასცემენ საჩუქრებს, შემოწირულობას, რომელიც შემდეგ დღეებში გადანაწილდება უპოვარ ადამიანებზე, ობოლ ბავშვებზე, გაიგზავნება ასევე მოხუცთა სახლებში.
თბილისის მერიაა „ალილოს“ ჩასატარებლად, საქართველოს საპატრიარქოსთვის ავტობუსები გამოყო.თბილისის ცენტრში რამდენიმე საათის განმავლობაში მოძრაობა შეზღუდული იყო.
ყველა ახალი ამბავი
0