სვანეთში მომხდარი მკვლელობის ფაქტზე ორი პირი დააკავეს

© photo: Sputnik / Stringer / გადასვლა მედიაბანკშიხელბორკილი
ხელბორკილი - Sputnik საქართველო, 1920, 02.01.2023
გამოწერა
НовостиTelegram
მესტიის სოფელ ეცერში ორი გვარის წარმომადგენლებს შორის მომხდარ დაპირისპირებას ორი ადამიანი ემსხვერპლა, დაჭრილია ერთი პირი
თბილისი, 2 იანვარი — Sputnik. პოლიციამ მესტიის მუნიციპალიტეტში მომხდარ მკვლელობასთან დაკავშირებით 2 პირი ცხელ კვალზე დააკავა, იუწყება შსს-ს პრესსამსახური.
განზრახ მკვლელობის ბრალდებით დაკავებულნი არიან: 1952 წელს დაბადებული, წარსულში ნასამართლევი რ.ა. და 1997 წელს დაბადებული გ.ც.
გამოძიებით დადგინდა, რომ მიმდინარე წლის 1 იანვარს სოფელ ეცერში ურთიერთშელაპარაკების ნიადაგზე რამდენიმე პირს შორის ატყდა სროლა, რა დროსაც ცეცხლსასროლი იარაღიდან მიყენებული ჭრილობით გარდაიცვალნენ 1989 წელს დაბადებული გ.ა. და 1993 წელს დაბადებული გ.პ., ხოლო 1998 წელს დაბადებულმა რ.პ.-მ ჯანმრთელობის დაზიანება მიიღო.
სვანეთში გვარების დაპირისპირებას ორი ადამიანი ემსხვერპლა >>
განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს.
დანაშაული 10-დან 15 წლამდე ვადით თავისუფლების აღკვეთას ითვალისწინებს.
მედიაში გავრცელებული ინფორმაციით, დაპირისპირება პაკელიანებსა და აფრასიძეებს შორის მოხდა — სავარაუდოდ, გვარებს შორის ადრე არსებული უთანხმოების გამო.
ყველა ახალი ამბავი
0