საქართველოში მედიკამენტებზე ფასების კონტროლი მკაცრდება

© photo: Sputnikფარმაცევტი
ფარმაცევტი - Sputnik საქართველო, 1920, 01.01.2023
გამოწერა
НовостиTelegram
ახალი კანონით, მედიკამენტების რეალიზაცია ზღვრულზე მაღალ ფასად აკრძალულია.
თბილისი, 1 ანვარი - Sputnik. ახალი წესები, რომელიც მედიკამენტებზე ზღვრული ფასების დაწესებას და დამრღვევებისთვის ახალი სანქციების შემოღებას ითვალისწინებს, 2023 წლის 1 იანვრიდან ამოქმედდა.
„წამლისა და ფარმაცევტული საქმიანობის შესახებ“ კანონის ახალი რედაქციის თანახმად, გაჩნდა ტერმინები „რეფერენტული საბითუმო ფასი“ და „რეფერენტული საცალო ფასი“.
რეფერენტული ფასის ქვეშ იგულისხმება მაქსიმალური ფასის ზღვარი ლარში, ფასნამატთან ერთად. ფასებს საქართველოს ჯანდაცვის სამინისტრო საცალო და საბითუმო ვაჭრობისთვის ცალ-ცალკე დაადგენს.
შეიქმნება რეფერენტული ფასების კატალოგი, რომელიც გამოქვეყნდება საქართველოს ჯანდაცვის სამინისტროს ვებ-გვერდზე.
მედიკამენტები - Sputnik საქართველო, 1920, 01.12.2022
პარლამენტმა მედიკამენტებზე ზღვრული ფასების დაწესებას პირველი მოსმენით მხარი დაუჭირა
კანონი ასევე კრძალავს მედიკამენტების დადგენილზე მაღალ ფასად რეალიზაციას, თუმცა მომწოდებლებს საშუალებას აძლევს წამლის პირველადი მარკირების ან შეფუთვის ცვლილების შემთხვევაში მედიკამენტები შემოიტანონ და გაყიდონ ორივე ტიპის შეფუთვით 12 თვის განმავლობაში.
პირველ ეტაპზე რეფერენტული ფასები ქრონიკული და ონკოლოგიური დაავადებების სამკურნალო პრეპარატებზე დაწესდება – ეს დაახლოებით1100 დასახელებაა. მომდევნო წლის ბოლომდე კი ფასების რეგულირების მექანიზმი დანარჩენ მედიკამენტებზეც გავრცელდება.
ფარმაცევტული პროდუქტის რეფერენტულ საცალო ფასზე მაღალ ფასად რეალიზაციის წესის დარღვევა გამოიწვევს გაფრთხილებას (აფთიაქისთვის), თუ იგივე ქმედება ჩადენილი იქნება განმეორებით – დაჯარიმებას 5 ათასი ლარის ოდენობით.
ასევე ფარმაცევტული პროდუქტის რეფერენტულ საბითუმო ფასზე მაღალ ფასად რეალიზაციის წესის დარღვევა გამოიწვევს დაჯარიმებას 22.500 ლარის ოდენობით. თუ იგივე ქმედება ჩადენილი იქნება განმეორებით – 45 ათასი ლარის ოდენობით.
ფარმაცევტული პროდუქტის მიმოქცევის შესახებ ინფორმაციის/დოკუმენტის ხელმისაწვდომობის წესის დარღვევა გამოიწვევს გაფრთხილებას. თუ იგივე ქმედება ჩადენილი იქნება განმეორებით, გამოიწვევს დაჯარიმებას 5 ათასი ლარის ოდენობით.
  - Sputnik საქართველო, 1920, 30.10.2022
ზღვრული ფასები მედიკამენტებზე: ჯანდაცვის სამინისტროში უცხოელ ექსპერტებს შეხვდნენ
ფარმაცევტული პროდუქტის წარმოება საქართველოს ნაციონალური GMP (კარგი საწარმოო პრაქტიკა) სერტიფიკატის გარეშე გამოიწვევს დაჯარიმებას 50 ათასი ლარის ოდენობით, სამართალდარღვევის საგნის კონფისკაციით, განმეორების შემთხვევაში კი ჯარიმა გაორმაგდება.
გარდა ამისა, ფარმაცევტული პროდუქტის საბითუმო დისტრიბუცია საქართველოს ნაციონალური GDP (კარგი სადისტრუბუციო პრაქტიკა) სერტიფიკატის ფლობის გარეშე გამოიწვევს დაჯარიმებას 30 ათასი ლარის ოდენობით, სამართალდარღვევის საგნის კონფისკაციით, განმეორების შემთხვევაში დარღვევა გაორმაგდება.
გარდა ამისა, კანონპროექტის მიხედვით, ფარმაცევტული პროდუქტის რეალიზაციის დაწყება და დასრულება სააგენტოსთვის სავალდებულო შეტყობინების გარეშე გამოიწვევს დაჯარიმებას 4 ათასი ლარის ოდენობით. თუ იგივე ქმედება ჩადენილი იქნება განმეორებით, ჯარიმა 8 ათას ლარს შეადგენს.
ყველა ახალი ამბავი
0