რა ხდება შუშის გადამუშავების ქართულ ბაზარზე - კვლევის შედეგები

© photo: Sputnik / Andrey Stenin / გადასვლა მედიაბანკშიდამსხვრეული შუშა
დამსხვრეული შუშა - Sputnik საქართველო, 1920, 30.12.2022
გამოწერა
НовостиTelegram
შუშის ნარჩენების შეგროვება/გადამუშავების ბაზარზე კონკურენციის კანონმდებლობის დარღვევის რისკები არ გამოიკვეთა, ნათქვამია სააგენტოს კვლევაში.
თბილისი, 30 დეკემბერი – Sputnik. კონკურენციის ეროვნულმა სააგენტომ შუშის ნარჩენების შეგროვება/გადამუშავების ბაზრის მონიტორინგი განახორციელა და შესაბამისი ანგარიში გამოაქვეყნა, რომლის მიხედვით, ბაზარზე მონოპოლიის ნიშნები არ გამოვლენილა.
სააგენტოს მონაცემებით, ბაზარზე ოპერირებს შუშის ნარჩენების შეგროვების ორი კომპანია: შპს „სიმართლე“ და შპს „კერე“. ამასთან შპს „კერეს“ მიერ შეგროვებული შუშის ნარჩენების ძირითადი მყიდველია სს „მინა“, ხოლო „სიმართლე“, რომელიც ბაზარზე ორი წლის წინ გამოჩნდა, ნარჩენების გადამუშავებას თავად ახდენს.
მონიტორინგის ფარგლებში დადგინდა, რომ ბაზრის წლიური მოცულობა არც ისე დიდია და არ აღემატება 2 მილიონ ლარს.
შვეიცარია საქართველოს ნარჩენების მართვაში დაეხმარება >>
ბაზარზე კომპანია „სიმართლის“ შესვლის შემდეგ გაიზარდა შეგროვებული ნარჩენების რაოდენობა, სარეალიზაციო ფასი და იმ ფიზიკური/იურიდიული პირების რაოდენობაც, რომელთაგანაც შუშის ნარჩენების შეგროვება ხორციელდება.
„კონკურენციის ეროვნული სააგენტოს დასკვნით, შუშის ნარჩენების შეგროვება/გადამუშავების ბაზარზე საქართველოს კონკურენციის კანონმდებლობის დარღვევის რისკები არ გამოიკვეთა“, – აღნიშნულია განცხადებაში.
ნარჩენების მართვის ეროვნული სტრატეგიის შესაბამისად, 2030 წლისთვის უნდა მოხდეს გენერირებული შუშის ნარჩენების 80%-ის რეციკლირება.
სააგენტოს აზრით, აღნიშნული სამიზნე მაჩვენებელი ამ ეტაპზე გამოწვევას წარმოადგენს, რისი მიღწევის პირობებშიც მოსალოდნელია ბაზრის მოცულობის ზრდა.
წყარო - კონკურენციის სააგენტო
ყველა ახალი ამბავი
0