აღმოსავლეთი-დასავლეთის საერთაშორისო მაგისტრალის ზოგიერთი მონაკვეთი 2023 წელს გაიხსნება

© Roads Department of Georgiaგზის მშენებლობა რიკოთის უღელტეხილზე
გზის მშენებლობა რიკოთის უღელტეხილზე - Sputnik საქართველო, 1920, 28.12.2022
გამოწერა
НовостиTelegram
რიკოთის უღელტეხილის საგზაო მონაკვეთი E-60 საერთაშორისო მაგისტრალის მნიშვნელოვანი ნაწილია.
თბილისი, 28 დეკემბერი — Sputnik. აღმოსავლეთი და დასავლეთი საქართველოს დამაკავშირებელი საერთაშორისო მნიშვნელობის ავტომაგისტრალის მონაკვეთების ნაწილი 2023 წელს გაიხსნება, განაცხადა საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ.
საქართველოში ავტომაგისტრალი Е-60 აზერბაიჯანთან საზღვარზე იწყება და ფოთთან ახლოს მთავრდება. საქართველოს ტერიტორიაზე დერეფნის სიგრძე 392 კილომეტრს შეადგენს.

„2023 წელს აღმოსავლეთი-დასავლეთის მაგისტრალური გზის გარკვეულ მონაკვეთებზე ეტაპობრივად გაიხსნება ავტოტრანსპორტის მოძრაობა, მათ შორის, რიკოთის საუღელტეხილო გზაზე და სამტრედია-გრიგოლეთის მონაკვეთზე“, – განაცხადა ქარსელაძემ.

რიკოთის საგზაო მონაკვეთი აღმოსავლეთი–დასავლეთის E-60 საერთაშორისო მაგისტრალის ერთ-ერთი მნიშვნელოვანი ნაწილია. მისი ოთხზოლიან თანამედროვე ჩქაროსნულ მაგისტრალად მოდერნიზაცია გაზრდის გზის გამტარუნარიანობას და სატრანზიტო საქონელბრუნვას, აცხადებენ სამინისტროში.
ამ დროისათვის რიკოთზე გადაადგილების საშუალო სიჩქარე 60 კმ/სთ-ია, მშენებლობის დასრულების შემდეგ გადაადგილების დასაშვები სიჩქარე გაიზრდება, რიგ მონაკვეთებზე კი თითქმის გაორმაგდება. ახალი გზა საგზაო უსაფრთხოების ყველა თანამედროვე სტანდარტს ითვალისწინებს.
მინისტრი რიკოთის უღელტეხილზე გზის მშენებლობის შესახებ>>
აღმოსავლეთი–დასავლეთის გზის ყველა მონაკვეთის მშენებლობის დასრულების შემდეგ „წითელი ხიდიდან" (აზერბაიჯანთან საზღვარი) სარფამდე (თურქეთთან საზღვარი) ჩასვლა რვა საათის ნაცვლად 4–4,5 საათში იქნება შესაძლებელი.
აღმოსავლეთი–დასავლეთის ავტომაგისტრალი, ანუ ევროპული სატრანზიტო გზა Е-60 სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი).
ეწვიეთ „Sputnik საქართველოს“ Telegram-არხს
ყველა ახალი ამბავი
0