მინისტრი რიკოთის უღელტეხილზე გზის მშენებლობის შესახებ

© Ministry of Regional Development and Infrastructure of Georgiaგზის მშენებლობა რიკოთის უღელტეხილზე
გზის მშენებლობა რიკოთის უღელტეხილზე - Sputnik საქართველო, 1920, 02.12.2022
გამოწერა
НовостиTelegram
მიმდინარე სამუშაოების პროგრესი რიკოთზე იძლევა იმის თამამად თქმის საშუალებას, რომ პროექტი მომავალ წელს დასრულდება, განაცხადა ირაკლი ქარსელაძემ.
თბილისი, 2 დეკემბერი – Sputnik. ოთხზოლიანი ჩქაროსნული ავტომაგისტრალის მშენებლობა რიკოთის უღელტეხილზე, რომელიც დასავლეთ და აღმოსავლეთ საქართველოს აკავშირებს, აქტიურად გრძელდება, განაცხადა საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ რიკოთის უღელტეხილის ყველა მონაკვეთზე მიმდინარე სამუშაოების დათვალიერების შემდეგ.
რიკოთის საგზაო მონაკვეთი აღმოსავლეთი–დასავლეთის საერთაშორისო მაგისტრალის (E-60) ერთ-ერთი მნიშვნელოვანი ნაწილია. რიკოთზე საერთო ჯამში დაგეგმილია 51,6 კმ-მდე სიგრძის მაგისტრალური ოთხზოლიანი გზის მშენებლობა, რომელიც 97 ხიდსა და 51 გვირაბს მოიცავს. ამ მონაკვეთის დასრულება მგზავრობის დროს მნიშვნელოვნად შეამცირებს.

„რიკოთზე მიმდინარე სამუშაოების პროგრესი საერთო ჯამში იძლევა იმის თამამად თქმის საშუალებას, რომ მომდევნო წელს რიკოთის პროექტი დასრულდება და მას ძალიან დიდი მნიშვნელობა ექნება როგორც საერთაშორისო, რეგიონულ ჭრილში, ისე ჩვენი ქვეყნის განვითარებისთვის“, – განაცხადა მინისტრმა.

ქარსელაძე პირადად იმყოფებოდა გზის ყველა მონაკვეთზე, სადაც სამუშაოები მიმდინარეობს, და განსაკუთრებული პროგრესი აღნიშნა ხევი–უბისასა და უბისა–შორაპნის მონაკვეთებზე, სადაც წლის ბოლოსთვის დაგეგმილი სამუშაოების, შესაბამისად, 87% და 83% იქნება შესრულებული.
მინისტრმა ისაუბრა იმ გამოწვევებზე, რომლებიც მასშტაბურ პროექტებს ახლავს, როგორიცაა გეოლოგიური (მეწყრების სახით), მეტეოროლოგიური და ნედლეულის მიწოდების პრობლემები.
© photo: Ministry of Regional Development and Infrastructure of Georgiaირაკლი ქარსელაძე რიკოთის უღელტეხილზე გზის მშენებლობის მიმდინარეობას გაეცნო
Ираклий Карселадзе осмотрел строительство автомагистрали на Рикотском перевале - Sputnik საქართველო, 1920, 02.12.2022
ირაკლი ქარსელაძე რიკოთის უღელტეხილზე გზის მშენებლობის მიმდინარეობას გაეცნო
„მაგალითად, ლითონის მოწოდებასთან დაკავშირებით შეგვექმნა გარკვეული პრობლემები უკრაინაში მიმდინარე მოვლენების გამო. მიუხედავად იმისა, რომ მოვახერხეთ გადაწყობა, მაინც გვაქვს ლითონის მასალის დაგვიანება, რაც, რა თქმა უნდა, აისახება სამუშაოების მიმდინარეობაზე“, – განაცხადა ქარსელაძემ.
მიუხედავად ამისა, მინისტრის თქმით, მნიშვნელოვანია სამუშაოების ხარისხიანად შესრულება. ამასთან დაკავშირებით სამუშაოები ბევრად არის დამოკიდებული კლიმატურ პრიობებზე, რათა უზრუნველყოფილი იყოს მაღალი ხარისხის საფარის მოწყობა.
„სწორედ ამაზეა დამოკიდებული წლის ბოლოსთვის დავასრულებთ თუ არა 11 კმ-იან და 15 კმ-იან გზის მონაკვეთებს“, – განაცხადა მან.
© photo: Ministry of Regional Development and Infrastructure of Georgiaგზის მშენებლობა რიკოთის უღელტეხილზე
Строительство автомагистрали на Рикотском перевале - Sputnik საქართველო, 1920, 02.12.2022
გზის მშენებლობა რიკოთის უღელტეხილზე
უწყების ინფორმაციით, უკვე გაჭრილია 37 გვირაბი, აქედან სამი უკვე ექსპლუატაციაშია შესული.
სამუშაოები პარალელურად მიმდინარეობს 91 ხიდზე, საიდანაც 52 უკვე აშენებულია, მოძრაობა გახსნილია ექვს დასრულებულ ხიდზე.
რიკოთის საუღელტეხილო გზის მშენებლობა ოთხ მონაკვეთად არის დაყოფილი: ჩუმათელეთი–ხევის 11,6 კმ-იან, ხევი–უბისას 12,2 კმ-იან, უბისა–შორაპნის 13 კმ-იან და შორაპანი–არგვეთას 14,7 კმ-იან მონაკვეთებად.
© photo: Ministry of Regional Development and Infrastructure of Georgiaგზის მშენებლობა რიკოთის უღელტეხილზე
Строительство автомагистрали на Рикотском перевале - Sputnik საქართველო, 1920, 02.12.2022
გზის მშენებლობა რიკოთის უღელტეხილზე
რიკოთის უღელტეხილზე გზის მშენებლობა საუკუნის პროექტია, რომელიც ხორციელდება ურთულეს გეოგრაფიულ მარშრუტზე ურთულესი საინჟინრო ნაგებობებით.
ამ დროისათვის რიკოთზე გადაადგილების საშუალო სიჩქარე 60 კმ/სთ-ია, მშენებლობის დასრულების შემდეგ გადაადგილების დასაშვები სიჩქარე გაიზრდება, რიგ მონაკვეთებზე კი თითქმის გაორმაგდება. ახალი გზა საგზაო უსაფრთხოების ყველა თანამედროვე სტანდარტს ითვალისწინებს.
პროექტის ფარგლებში შეიქმნება სივრცე, სადაც ახლომდებარე სოფლების მოსახლეობა შეძლებს თავისი პროდუქციის გაყიდვას სათანადო ინფრასტრუქტურის პირობებში. კერძოდ, სავაჭრო მოედნები მოეწყობა სურამში, შროშასა და ზესტაფონში.
© photo: Ministry of Regional Development and Infrastructure of Georgiaგზის მშენებლობა რიკოთის უღელტეხილზე
Строительство автомагистрали на Рикотском перевале - Sputnik საქართველო, 1920, 02.12.2022
გზის მშენებლობა რიკოთის უღელტეხილზე
პროექტის საერთო ღირებულება 2,6 მლრდ ლარია. მშენებლობის დასრულება ეტაპობრივად 2023 წლის ბოლოს იგეგმება, ხოლო ცალკეული მონაკვეთების ექსპლუატაციაში შესვლა – უკვე მიმდინარე წლის ბოლოს.
აღმოსავლეთი–დასავლეთის გზის ყველა მონაკვეთის მშენებლობის დასრულების შემდეგ „წითელი ხიდიდან" (აზერბაიჯანთან საზღვარი) სარფამდე (თურქეთთან საზღვარი) ჩასვლა რვა საათის ნაცვლად 4–4,5 საათში იქნება შესაძლებელი.
© photo: Ministry of Regional Development and Infrastructure of Georgiaგზის მშენებლობა რიკოთის უღელტეხილზე
Строительство автомагистрали на Рикотском перевале - Sputnik საქართველო, 1920, 02.12.2022
გზის მშენებლობა რიკოთის უღელტეხილზე
აღმოსავლეთი–დასავლეთის ავტომაგისტრალი, ანუ ევროპული სატრანზიტო გზა Е-60 სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი). საქართველოში Е-60 ფოთთან ახლოს იწყება და აზერბაიჯანთან საზღვარზე მთავრდება. საქართველოში დერეფნის სიგრძე 392 კილომეტრს შეადგენს.
ეწვიეთ „Sputnik საქართველოს“ Telegram-არხს
ყველა ახალი ამბავი
0