ხალხური მინიშნებები საახალწლოდ: წარმატების, სიმდიდრისა და ქორწილის მოსაზიდად

სურვილი ჩაიფიქრეთ მაშინ, როცა საათი ზუსტად 12-ს ჩამოჰკრავს, ხელში აუცილებლად უნდა გეჭიროთ შამპანური ღვინით სავსე ჭიქა. დაიმახსოვრეთ — ეს ყველაზე სანუკვარი ოცნება უნდა იყოს;

რაც უფრო მეტი სტუმარი გეყოლებათ ახალი წლის ღამეს, მით უფრო სასიხარულო იქნება დამდეგი წელი;

წარმატების მოსაზიდად ახალი წლის დადგომისას გააღეთ შემოსასვლელი კარი ან ფანჯარა;

წარმატების მოზიდვა შეიძლება, თუ ახალი წლის ღამეს შეჭირვებულ ადამიანებს საკვებს ან ტანსაცმელს აჩუქებთ.

მორთეთ ნაძვის ხე ფულის კუპიურებით ან მონეტებით — რაც მეტი იქნება, მით უკეთესი წელი გელოდებათ;

ფინანსები ყოველთვის საკმარისი რომ გქონდეთ, კარგი იქნება, თუ ახალი წლის ღამეს ახალ ტანსაცმელს ჩაიცვამთ, ან ინტერიერის მოსართავად რაიმე ახალ ნივთს შეიძენთ;

კარგი იქნება, თუ ახალი წლის ღამეს ყველა ჯიბეში ჩაიდებთ ფულს, ხოლო საიდუმლო ჯიბეში მსხვილ კუპიურას „გადამალავთ“;

დადგით საახალწლო სუფრაზე ხორბლით სავსე ჭურჭელი, რომელშიც რამდენიმე მონეტა იქნება ჩაყრილი. ეს მთელი წლის განმავლობაში მუდმივი შემოსავლის გარანტიაა;

ახალი წლის პირველ დღეს გადაყარეთ გატეხილი ან გაბზარული ჭურჭელი;

როდესაც ახალი წლის დადგომამდე უკუთვლა დაიწყება, შამპანურის ჭიქაში მონეტა ჩააგდეთ (თქმა საჭირო არაა, მაგრამ მაინც — მონეტა სოდით კარგად გარეცხეთ). შამპანური შესვით, ხოლო მონეტა საფულეში შეინახეთ — ეს ფინანსურ სტაბილურობას მოგიტანთ.

რომ გათხოვდეს, ახალგაზრდა ქალმა უშუალოდ დღესასწაულის წინ სახლი არ უნდა დაალაგოს;

კერძები საახალწლო სუფრაზე მხოლოდ ხელით მომზადებული უნდა იყოს. თუ მომზადებისას თითს გაიჭრით — კარგის ნიშანია, ნიშნობა უფრო მალე გაიმართება;

თმის ვარცხნილობას მოწმეთა თვალწინ ნუ გაიკეთებთ;

სადღესასწაულო სუფრასთან სტუმრები რაც შეიძლება მალე დასვით — რაც უფრო მალე გააკეთებთ ამას, მით უფრო მალე გათხოვდებით.