მსოფლიო მედიამ ბათუმს 150 სტატია მიუძღვნა

© photo: Sputnik / Stringerბათუმი
ბათუმი - Sputnik საქართველო, 1920, 24.12.2022
გამოწერა
НовостиTelegram
Bloomberg, Euronews, Wanderlust, Conde Nast Traveler, Forbes, Dailymail და New York Times იმ გავლენიან მედიაგიგანტებს შორისაა, სადაც აჭარის შესახებ სტატიები დაიბეჭდა.
თბილისი, 24 დეკემბერი — Sputnik. 2022 წელს ბათუმს სტატიები და სიუჟეტები 150-მდე უცხოურმა მედიასაშუალებამ მიუძღვნა, იუწყება აჭარის მთავრობის ტურიზმისა და კურორტების დეპარტამენტი.
Bloomberg, Euronews, Wanderlust, Conde Nast Traveler, Forbes, Dailymail და New York Times იმ გავლენიან მედიაგიგანტებს შორისაა, სადაც ბათუმის საზღვაო და სამთო ტურისტული პროდუქტების შესახებ სტატიები დაიბეჭდა.
აჭარის ტურისტული შესაძლებლობები მკითხველს ისეთი მსხვილი ტურისტული გამოფენების გამოცემებმაც გააცნო, როგორებიცაა ბერლინის ITB BERLIN NEWS, ლონდონის WTM YEARBOOK და დუბაის ATM DUBAI DAILY PUBLICATION.
© photo: Sputnikბათუმის ხედი
Город Батуми в пасмурную погоду. Башня Азбуки и крупные отели на набережной - Sputnik საქართველო, 1920, 25.12.2022
ბათუმის ხედი
2022 წელი ბათუმისთვის გამორჩეული იყო საერთაშორისო აღიარებების კუთხითაც. წელს პირველად, ევროპის ჯილდოს შემდეგ ბათუმმა World Travel Awards-ის პრესტიჟული ჯილდო, როგორც მსოფლიოს წამყვანმა ტურისტულმა მიმართულებამ მოიპოვა.
წელსვე, ბათუმი 2023 წლის World Travel Awards-ის ევროპის გალა ცერემონიის მასპინძელ ქალაქად ოფიციალურად დასახელდა.
აჭარის ავტონომიური რესპუბლიკის მთავრობის ტურიზმისა და კურორტების დეპარტამენტის ცნობით, აღნიშნულმა მიღწევებმა კიდევ ერთხელ განამტკიცა ბათუმის, როგორც მიმზიდველი და უსაფრთხო ტურისტული მიმართულების სტატუსი.
ყველა ახალი ამბავი
0