კონკურენციის სააგენტო კომპანია USA2GEORGIA-ს მხრიდან შესაძლო დარღვევას სწავლობს

© photo: Sputnik / Sergey Pyatakov / გადასვლა მედიაბანკშისაახალწლო ამანათი
საახალწლო ამანათი - Sputnik საქართველო, 1920, 19.12.2022
გამოწერა
НовостиTelegram
სააგენტომ საქმის შესწავლა უკმაყოფილო კლიენტის განცხადების საფუძველზე დაიწყო.
თბილისი, 19 დეკემბერი — Sputnik. კონკურენციის ეროვნულმა სააგენტომ დაიწყო ფაქტის შესწავლა, რომელიც ტვირთის გადამზიდავი კომპანია USA2GEORGIA-ს მხრიდან მომხმარებლის უფლებების შესაძლო დარღვევას ეხება, ნათქვამია უწყების განცხადებაში.
სააგენტომ საქმის შესწავლა მომხმარებლის განცხადების საფუძველზე დაიწყო. სააგენტოს ინფორმაციით, საკითხი ეხება დისტანციურად აშშ-ში შეძენილი საქონლის ტრანსპორტირების ღირებულების დათვლის წესების შეცვლას.

მომხმარებლის ინფორმაციით, კომპანია USA2GEORGIA-მ კლიენტის გაუფრთხილებლად შეცვალა წონის გამოთვლის წესი და ნაცვლად რეალური წონისა, მოცულობითი წონის გამოთვლის ფორმულა გამოიყენა, რამაც ღირებულება მკვეთრად გაზარდა.

გარდა ამისა, მომხმარებლის ინფორმაციით, ონლაინ-მაღაზიებიის მიერ (აშშ-ში) მიტანილი ნივთები USA2GEORGIA-მ ვებ-გვერდზე დაგვიანებით ასახა, რის შედეგადაც მომხმარებელს გადაფუთვის მომსახურებით სარგებლობის უფლება შეეზღუდა.
კონკურენციის სააგენტოში 1 ნოემბრიდან დღემდე მომხმარებლების დაახლოებით 70 განცხადებაა შესული. აქედან 23 შესწავლის პროცესშია.
კონკურენციის სააგენტომ 1 ნოემბრიდან მომხმარებელთა საჩივრების განხილვა დაიწყო>>
კანონმდებლობის თანახმად, სააგენტო საქმეს განიხილავს ერთი თვის, მაქსიმუმ სამი თვის განმავლობაში. ამის მერე გადაწყვეტს სააგენტო, ჰქონდა თუ არა ადგილი დარღვევას.
სააგენტო დარღვევის აღმოჩენის შემთხვევაში მოვაჭრეს გააფრთხილებს, მისცემს ვადას მისი აღმოფხვრისთვის, ხოლო მითითებების შეუსრულებლობის შემთხვევაში მას დაეკისრება სანქცია – წინა წლის ბრუნვის 2%-მდე ოდენობით, აღნიშნავენ უწყებაში.
ეწვიეთ „Sputnik საქართველოს“ Telegram-არხს
ყველა ახალი ამბავი
0