მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„რა თქმა უნდა, დაარტყამს“: ერდოღანი საბერძნეთს Tayfun-ით დაემუქრა

  - Sputnik საქართველო, 1920, 12.12.2022
გამოწერა
НовостиTelegram
თბილისი, 12 დეკემბერი − Sputnik. თურქული რაკეტა Tayfun შესაძლოა საბერძნეთის დედაქალაქს მოხვდეს, თუ ათენი სიმშვიდეს არ შეინარჩუნებს, განაცხადა თურქეთის პრეზიდენტმა რეჯეფ ერდოღანმა ქალაქ სამსუნში სიტყვით გამოსვლისას.

„ჩვენ საკუთარი რაკეტების წარმოება დავიწყეთ. რა თქმა უნდა, ეს აშინებს ბერძნებს. როცა სიტყვა Tayfun ესმით, ბერძნებს შიში იპყრობს და ამბობენ, ის ათენს დაარტყამსო. რა თქმა უნდა, დაარტყამს... თუ არ დამშვიდდებით, თუ რაღაცის შეძენას შეეცდებით [შეიარაღებისთვის] აქედან და იქიდან, ამერიკიდან კუნძულებამდე, ისეთი ქვეყანა, როგორიც თურქეთია, შორიდან დამკვირვებელივით არ მოიქცევა“, − აღნიშნა ერდოღანმა.

როგორც გამოცემა Politico წერს, თურქეთის პრეზიდენტი ბოლო დროს საგრძნობლად ამწვავებს რიტორიკას საბერძნეთის მიმართ ეგეოსის ზღვაში თურქეთის სანაპირო ზოლის მახლობლად მდებარე კუნძულებზე „სამხედრო ყოფნის გაძლიერების“ ფონზე.
თურქული Tayfun არის მცირე სიშორის ბალისტიკური რაკეტა, რომელიც ოქტომბერში გამოსცადეს შავ ზღვაზე. მაშინ რაკეტამ 560 კმ-ით დაშორებული სამიზნე დააზიანა, რაც ორჯერ აღემატება ამჟამად თურქეთის არსენალში არსებული რაკეტების სიშორეს.
ყველა ახალი ამბავი
0