თბილისში „საახალწლო მუსიკალური შეხვედრები" გაიმართება

© photo: Sputnik / Stringerკონსერვატორიის მცირე დარბაზი
კონსერვატორიის მცირე დარბაზი - Sputnik საქართველო, 1920, 07.12.2022
გამოწერა
НовостиTelegram
„საახალწლო მუსიკალური შეხვედრები" თბილისში 1997 წლიდან იმართება.
თბილისი, 7 დეკემბერი — Sputnik. თბილისში საიუბილეო, 25-ე საერთაშორისო ფესტივალი „საახალწლო მუსიკალური შეხვედრები" სტარტს დღეს აიღებს და ის 25 დეკემბრამდე გასტანს, ნათქვამია ღონისძიების ორგანიზატორების განცხადებაში.

ფესტივალს ჯაზ-კვარტეტი Vulcanized გახსნის. კვარტეტის შემადგენლობაში შედიან ხორხე ვისტელი (კუბა), მაიკლ ვისტელი (კუბა), ფრანსუა მუთენი (საფრანგეთი) და ფლორიან არბენცი (შვეიცარია).

ქართველი პიანისტის მანანა დოიჯაშვილის 75 წლის იუბილესადმი მიძღვნილ კონცერტში მონაწილეობას მიიღებენ მუსიკოსები ირმა გიგანი, სალომე ჯიქია, დავით ალადაშვილი, ევგენი მიქელაძის სახელობის საქართველოს სახელმწიფო სიმფონიური ორკესტრი, დირიჟორი სოსო ჯუღაშვილი.
ფესტივალის ფარგლებში მსმენელის წინაშე ასევე წარდგებიან ავსტრიელი პიანისტი ლიზა ლეონსკაია, მეცო-სოპრანო ნატალია ქუთათელაძე, ბარიტონი დალიბორ იენისი და სხვები.
„საახალწლო მუსიკალური შეხვედრები" 1997 წელს დაარსდა. ფესტივალის ინიციატორი იყო საქართველოს სახალხო არტისტი, იმჟამად თბილისის კონსერვატორიის რექტორი მანანა დოიჯაშვილი. ღონისძიება ყოველ წელს დეკემბრის მეორე ნახევარში იმართება და ორი კვირა გრძელდება.
ყველა ახალი ამბავი
0