„ამას არ გავაკეთებთ" - პრემიერ-მინისტრი უკრაინისთვის სამხედრო დახმარების შესახებ

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 07.12.2022
გამოწერა
НовостиTelegram
ღარიბაშვილმა აღნიშნა, რომ საქართველოს ხელისუფლება უკრაინის ჰუმანიტარულ დახმარებას მომავალშიც გააგრძელებს.
თბილისი, 7 დეკემბერი – Sputnik. საქართველო უკრაინას სამხედრო დახმარებას არ გაუწევს – ეს არის ჩვენი მკაფიო პოზიცია, განაცხადა პრემიერ-მინისტრმა ირაკლი ღარიბაშვილმა.
როგორც მანამდე საქართველოში უკრაინის საქმეთა დროებითმა რწმუნებულმა ანდრეი კასიანოვმა განაცხადა, მიუხედავად მრავალრიცხოვანი თხოვნისა, უკრაინას არ მიუღია პასუხი საქართველოს მთავრობისგან იარაღის, საბრძოლო მასალის, ასევე როგორც სამხედრო, ისე ორმაგი დანიშნულების სხვა ტექნიკის მიწოდების თაობაზე.

„რაც შეეხება სამხედრო დახმარებას, ამის თაობაზე ცხადად და მკაფიოდ ვთქვით, რომ ამას არ ვაკეთებთ, ამ ომში, კონფლიქტში, როგორც სახელმწიფო, არასდროს ჩავერთვებით, ეს ჩვენი მკაფიო პოზიციაა. მე, როგორც პრემიერ-მინისტრი, და მმართველი გუნდი პასუხისმგებელი ვართ ხალხის წინაშე“, – განაცხადა პრემიერ-მინისტრმა.

ამასთან, პრემიერმა აღნიშნა, რომ საქართველოს ხელისუფლება უკრაინის ჰუმანიტარულ დახმარებას გააგრძელებს.
როგორც უფრო ადრე საქართველოს თავდაცვის მინისტრმა ჯუანშერ ბურჭულაძემ განაცხადა, საქართველო უკრაინას არ აწვდის იარაღს, რადგან არ უნდა ახალი კონფლიქტი თავის ტერიტორიაზე. ხელისუფლების წარმომადგენლების თქმით, საქართველომ არ დააწესა სანქციები რუსეთის წინააღმდეგ, რადგან ამით მხოლოდ საქართველო დაზარალდება.
საქართველომ რუსეთის წინააღმდეგ სანქციები არ დააწესა, მაგრამ იცავს საერთაშორისო სანქციებს და უკრაინას პოლიტიკურ და ჰუმანიტარულ მხარდაჭერას უწევს.
ყველა ახალი ამბავი
0