გაიხსნა მსოფლიოში პირველი „ოქროს ბანკომატი“
14:09 06.12.2022 (განახლებულია: 15:48 20.07.2023)
© photo: Sputnik / Dmitriy Korabeynikovოქროს მონეტები
© photo: Sputnik / Dmitriy Korabeynikov
გამოწერა
თბილისი, 6 დეკემბერი — Sputnik. ინდოეთის ქალაქ ჰაიდერაბადში მსოფლიოში პირველი ბანკომატი ამუშავდა, რომელიც საკრედიტო ან სადებეტო პლასტიკურ ბარათებზე არსებული თანხით ოქროს მონეტების შეძენის საშუალებას იძლევა, ნათქვამია კომპანია Goldsikka-ს განცხადებაში, რომელიც Twitter-ზე გამოქვეყნდა.
We proudly announce that we have successfully launched Gold ATM and, through this achievement, we unleash the unstoppable journey to make Bharat Sone ki Chidiya phir se, and contribute to the mission of Bangaru Telangana.https://t.co/a2Q25copfW#goldatm #goldatmindia #goldatmhyd pic.twitter.com/Y4QOpuhoSD
— Goldsikka Limited (@goldsikkaltd) December 5, 2022
„სიამაყით ვაცხადებთ, რომ „ოქროს ბანკომატი“ წარმატებით ამუშავდა. ვიმედოვნებთ, რომ ამ მიღწევის წყალობით ინდოეთი კვლავ გახდება ოქროს ჩიტი", – ნათქვამია ტვიტში.
გავრცელებული ინფორმაციით, ბანკომატიდან 0,5-დან 100 გრამამდე წონის მონეტების შეძენაა შესაძლებელი. კომპანიის განმარტებით, ბანკომატის თავისებურება ისაა, რომ მის ეკრანზე ოქროს ფასი რეალურ დროში ახლდება ლონდონის საფონდო ბირჟაზე ძვირფასი ლითონის კოტირების ცვლილების შესაბამისად.
„ვგეგმავთ კიდევ ოთხი ავტომატის დამონტაჟებას ჰაიდერაბადში, მათ შორის აეროპორტში. მერე ჯერ მთელ ქვეყანას, შემდეგ კი მთელ მსოფლიოს დავფარავთ“, — განაცხადა Goldikka-ს ვიცე-პრეზიდენტმა რიტიკა მიტრამ.
მისი თქმით, „ოქროს ბანკომატები“ აღჭურვილია კამერითა და ხმოვანი სიგნალიზაციის სისტემით.
კერძო ინდური კომპანია Goldsikka ინდოეთში 3000 ასეთი ბანკომატის დამონტაჟებას და თავისი პროდუქციით მსოფლიო ბაზარზე გასვლას გეგმავს.