Bloomberg ადრენალინის მოყვარულებს საქართველოში სტუმრობას ურჩევს

© photo: Sputnik / Viktor Kaminskyგუდაური
გუდაური - Sputnik საქართველო, 1920, 05.12.2022
გამოწერა
НовостиTelegram
საქართველოს სამთო-სათხილამურო ტრასებზე სრიალი ბევრად უფრო იაფია, ვიდრე ალპებში, აღნიშნავს სააგენტო.
თბილისი, 5 დეკემბერი – Sputnik. ადრენალინის მოყვარულებისთვის საქართველო ერთ-ერთი საუკეთესო ადგილია მსოფლიოში, ნათქვამია საერთაშორისო მედია-პლატფორმა Bloomberg-ის სტატიაში.
საქართველოს ტურიზმის ეროვნული ადმინისტრაცია Bloomberg-ის პლატფორმაზე მარკეტინგულ კამპანიას განაგრძობს. ამ კამპანიის ფარგლებში Bloomberg-მა მოამზადა სტატია და სამწუთიანი ვიდეორგოლი სათავგადასავლო ტურიზმზე, ლაშქრობებზე და მთის კურორტებზე საქართველოში.

„ვინც საქართველოს სტუმრობდა, ან ჯერ კიდევ არ გამგზავრებულა, მაგრამ შეისწავლა, უკვე იცის ამ ქვეყნისთვის დამახასიათებელი ნიშნები: თავბრუდამხვევ მთებში მდებარე უძველესი მონასტრები, თბილისის კულტურებისა და არქიტექტურული სტილების საოცარი ნაზავი, ღვინის ფესტივალები და შავი ზღვის სანაპირო“, – ნათქვამია სტატიაში.

Bloomberg-ის სტატიაში და ვიდეორგოლში წარმოდგენილია კავკასიონის მთები, მყინვარწვერი, სტეფანწმინდა და გერგეტის სამება. Bloomberg-მა განსაკუთრებული ყურადღება დაუთმო ასევე საქართველოს მთის კურორტებს.
როგორც სტატიაშია აღნიშნული, საქართველოში სათხილამურო სპორტი სწრაფი ტემპით ვითარდება, ხოლო საქართველოს სათხილამურო ტრასებზე სრიალი ბევრად იაფია, ვიდრე ალპებში.
BLOOMBERG-ი ბათუმის შესახებ სიუჟეტს ავრცელებს>>
„სვანეთი ლაშქრობის სამოთხეა. ეს ფაქტობრივად ორი რეგიონია – ქვემო და ზემო სვანეთი. ქვემო სვანეთი საოცარ მოგზაურობას გთავაზობთ მდინარის ხეობებში, მდელოებსა და ბორცვებზე. ზემო სვანეთი კი მაღალი მწვერვალებით, მყინვარებითა და მონასტრებით გამოირჩევა“, – ნათქვამია სტატიაში.
სტატიაშია ასევე აღნიშნულია, რომ სვანეთში ტურისტული სეზონი მთელი წელი გრძელდება. რეგიონი ცნობილია შესანიშნავი სათხილამურო კურორტებით – ჰაწვალითა და თეთნულდით.
Bloomberg-მა თბილისს სტატია მიუძღვნა>>
სტატიაში საუბარია ასევე ქუთაისის ტურისტულ მიმართულებებზე, ჩანჩქერებზე. გამოცემის წყალობით ვიდეორგოლი საქართველოს შესახებ შეიძლება ნახოს 6 მილიონზე მეტმა ადამიანმა საფრანგეთში, იტალიაში, დიდ ბრიტანეთში, ესპანეთში, გერმანიაში, პოლოეთში, ესტონეთში, ლიეტუვაში, ლატვიაში, საუდის არაბეთში, არაბთა გაეთიანებულ საამიროებში, კუვეიტში, ისრაელსა და სხვა ქვეყნებში.
ეწვიეთ „Sputnik საქართველოს“ Telegram-არხს
ყველა ახალი ამბავი
0