SpaceX-მა თანამგზავრული ინტერნეტ-კავშირის გაფართოების ნებართვა მიიღო

SpaceX Dragon CRS-15  - Sputnik საქართველო, 1920, 02.12.2022
გამოწერა
НовостиTelegram
ნებართვა SpaceX-სთვის გულისხმობს სახმელეთო თანამგზავრული ოპერატორების დაცვას მავნე შეფერხებებისგან და „უსაფრთხო კოსმოსური გარემოს“ შენარჩუნებას.
თბილისი, 2 დეკემბერი – Sputnik. აშშ-ის კავშირგაბმულობის ფედერალურმა კომისიამ (FCC) დააკმაყოფილა განაცხადი, რომელიც მილიარდერ ილონ მასკის კუთვნილი კომპანია SpaceX-ის მეორე თაობის თანამგზავრების რაოდენობის 7,5 ათასამდე გაზრდას ითვალისწინებს, ნათქვამია რეგულატორის გადაწყვეტილებაში.

„ჩვენი გადაწყვეტილება SpaceX-ს მისცემს საშუალებას, დაიწყოს მეორე თაობის Starlink-ის ქსელის გაფართოება, რათა უზრუნველყოს შემდეგი თაობის ფართოზოლოვანი თანამგზავრული კავშირის ხელმისაწვდომობა ამერიკელებისთვის მთელი ქვეყნის მასშტაბით“, – ნათქვამია დოკუმენტში.

დოკუმენტში აღნიშნულია, რომ ნებართვა SpaceX-სთვის გულისხმობს, მათ შორის, სახმელეთო თანამგზავრული ოპერატორების დაცვას მავნე შეფერხებებისგან და „უსაფრთხო კოსმოსური გარემოს“ შენარჩუნებას, ასევე მისი რესურსების დაცვას მომავალში გამოყენებისთვის.
კომპანიამ სექტემბერში გაასაჩივრა FCC-ს უარყოფითი გადაწყვეტილება 885 მლნ დოლარის ოდენობის ფედერალურ სუბსიდიაზე, რის გამოყენებასაც კომპანია სოფლის დასახლებებში კლიენტებისთვის თანამგზავრული ინტერნეტის მიწოდებისთვის გეგმავდა.
საქართველოში SpaceX-ის პროექტი Starlink დაიწყებს ოპერირებას>>
რეგულატორის არგუმენტი ეყრდნობოდა იმას, რომ SpaceX-ის თანამგზავრული „თეფში“ ძალზე ძვირია ჩვეულებრივი მომხმარებლისთვის და Starlink-ს არ უჩვენებია, რომ შეუძლია დაპირებული მომსახურების წარდგენა.
ეწვიეთ „Sputnik საქართველოს“ Telegram-არხს
ყველა ახალი ამბავი
0