https://sputnik-georgia.com/20220722/-spacex-starlink---268785072.html
საქართველოში SpaceX-ის პროექტი Starlink დაიწყებს ოპერირებას
საქართველოში SpaceX-ის პროექტი Starlink დაიწყებს ოპერირებას
Sputnik საქართველო
პროექტის მიზანია საქართველოს ყველა წერტილში მაღალხარისხიანი სწრაფი ინტერნეტი იყოს ხელმისაწვდომი. 22.07.2022-ს, Sputnik საქართველო
2022-07-22T19:18+0400
2022-07-22T19:18+0400
2022-07-22T21:38+0400
საქართველო
ახალი ამბები
საზოგადოება
თანამედროვე ტექნოლოგიები
https://cdnn1.img.sputnik-georgia.com/img/24851/67/248516747_0:0:3001:1688_1920x0_80_0_0_ae63b0e68535f454648f27b31f865b01.jpg
თბილისი, 22 ივლისი – Sputnik. საქართველოში 2023 წლიდან მსოფლიოს წამყვანი კომპანია SpaceX-ის პროექტი Starlink დაიწყებს ოპერირებას, რომელიც თანამგზავრული სისტემებით მაღალსიჩქარიან ფართოზოლოვანი ინტერნეტის მიწოდებას უზრუნველყოფს.პროექტთან დაკავშირებით დღეს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი კომპანია SpaceX-ის ბაზრებზე წვდომის რეგიონულ დირექტორს ბენ მაკ უილიამსს შეხვდა. შეხვედრისას მხარეებმა საქართველოში კომპანია SpaceX-ის პროექტ Starlink-ის ამოქმედების საკითხები და სამომავლო გეგმები განიხილეს.როგორც ლევან დავითაშვილმა აღნიშნა, პროექტის ამოქმედების შემდეგ საქართველოს ყველა წერტილში მაღალხარისხიანი სწრაფი ინტერნეტი იქნება ხელმისაწვდომი.აღსანიშნავია, რომ SpaceX-მა საქართველოში Starlink-ის პროექტით შემოსვლისა და საქმიანობის დაწყებით დაინტერესება გასულ წელს გამოთქვა, როდესაც ლოს-ანჯელესში, კომპანიის სათავო ოფისში საქართველოს ეკონომიკისა და მდგრადი განვითარების მინისტრის მოადგილეს ირაკლი ნადარეიშვილსა და ინოვაციებისა და ტექნოლოგიების სააგენტოს თავმჯდომარეს ავთანდილ კასრაძეს შეხვდნენ.ლოს-ანჯელესში გამართული შეხვედრის შემდეგ აქტიური თანამშრომლობის შედეგად ცოტა ხნის წინ საქართველოში SpaceX-ის პროექტ Starlink-ის რეგისტრაციისა და ავტორიზაციის პროცესი დასრულდა. პირველ ეტაპზე Starlink-ის ინტერნეტი საქართველოს მასშტაბით არსებულ ინოვაციებისა და ტექნოლოგიების სააგენტოს ყველა ტექნოპარკს მიეწოდება.ბოლო მონაცემებით, საქართველოში ინტერნეტით 100%-ით არის უზრუნველყოფილი თბილისი, ბათუმი და სტეფანწმინდისა და ბორჯომის რაიონები. 13 რაიონში მოსახლეობის მხოლოდ დაახლოებით 35%-ს აქვს ინტერნეტი, ხოლო დანარჩენ რაიონებში ინტერნეტიზაციის დონე 50%-დან 70%-მდე მერყეობს.2022 წლის აპრილის მონაცემებით, საქართველოში სულ 949.323 ინტერნეტ-აბონენტია დარეგისტრირებული, რომელთაგან მხოლოდ 86.195-სთვის არის Wi-Fi ტექნოლოგია ხელმისაწვდომი.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, ახალი ამბები, საზოგადოება, თანამედროვე ტექნოლოგიები
საქართველო, ახალი ამბები, საზოგადოება, თანამედროვე ტექნოლოგიები
საქართველოში SpaceX-ის პროექტი Starlink დაიწყებს ოპერირებას
19:18 22.07.2022 (განახლებულია: 21:38 22.07.2022) პროექტის მიზანია საქართველოს ყველა წერტილში მაღალხარისხიანი სწრაფი ინტერნეტი იყოს ხელმისაწვდომი.
თბილისი, 22 ივლისი – Sputnik. საქართველოში 2023 წლიდან მსოფლიოს წამყვანი კომპანია SpaceX-ის პროექტი Starlink დაიწყებს ოპერირებას, რომელიც თანამგზავრული სისტემებით მაღალსიჩქარიან ფართოზოლოვანი ინტერნეტის მიწოდებას უზრუნველყოფს.
პროექტთან დაკავშირებით დღეს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი კომპანია SpaceX-ის ბაზრებზე წვდომის რეგიონულ დირექტორს ბენ მაკ უილიამსს შეხვდა. შეხვედრისას მხარეებმა საქართველოში კომპანია SpaceX-ის პროექტ Starlink-ის ამოქმედების საკითხები და სამომავლო გეგმები განიხილეს.
როგორც ლევან დავითაშვილმა აღნიშნა, პროექტის ამოქმედების შემდეგ საქართველოს ყველა წერტილში მაღალხარისხიანი სწრაფი ინტერნეტი იქნება ხელმისაწვდომი.
„ეკონომიკის სამინისტრო რამდენიმე თვის განმავლობაში მუშაობდა კომპანია SpaceX-თან იმისთვის, რათა ეს გადაწყვეტილება მიღებულიყო დადებითად და საქართველო ყოფილიყო რეგიონში პირველი ქვეყანა, რომელშიც ოპერირებას დაიწყებს Starlink-ის მაღალი ხარისხის ინტერნეტი“, – განაცხადა ეკონომიკის მინისტრმა.
აღსანიშნავია, რომ SpaceX-მა საქართველოში Starlink-ის პროექტით შემოსვლისა და საქმიანობის დაწყებით დაინტერესება გასულ წელს გამოთქვა, როდესაც ლოს-ანჯელესში, კომპანიის სათავო ოფისში საქართველოს ეკონომიკისა და მდგრადი განვითარების მინისტრის მოადგილეს ირაკლი ნადარეიშვილსა და ინოვაციებისა და ტექნოლოგიების სააგენტოს თავმჯდომარეს ავთანდილ კასრაძეს შეხვდნენ.
ლოს-ანჯელესში გამართული შეხვედრის შემდეგ აქტიური თანამშრომლობის შედეგად ცოტა ხნის წინ საქართველოში SpaceX-ის პროექტ Starlink-ის რეგისტრაციისა და ავტორიზაციის პროცესი დასრულდა. პირველ ეტაპზე Starlink-ის ინტერნეტი საქართველოს მასშტაბით არსებულ ინოვაციებისა და ტექნოლოგიების სააგენტოს ყველა ტექნოპარკს მიეწოდება.
ბოლო მონაცემებით, საქართველოში ინტერნეტით 100%-ით არის უზრუნველყოფილი თბილისი, ბათუმი და სტეფანწმინდისა და ბორჯომის რაიონები. 13 რაიონში მოსახლეობის მხოლოდ დაახლოებით 35%-ს აქვს ინტერნეტი, ხოლო დანარჩენ რაიონებში ინტერნეტიზაციის დონე 50%-დან 70%-მდე მერყეობს.
2022 წლის აპრილის მონაცემებით, საქართველოში სულ 949.323 ინტერნეტ-აბონენტია დარეგისტრირებული, რომელთაგან მხოლოდ 86.195-სთვის არის Wi-Fi ტექნოლოგია ხელმისაწვდომი.
