მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ხანგრძლივი აპლოდისმენტები: ბუნდესტაგმა გოლოდომორი გენოციდად აღიარა

© AP Photo / Michael Sohn
  - Sputnik საქართველო, 1920, 01.12.2022
გამოწერა
НовостиTelegram
თბილისი, 1 დეკემბერი − Sputnik. გერმანიის ბუნდესტაგმა მიიღო რეზულუცია, რომლითაც 1930-იანი წლების დასაწყისში საბჭოთა ხელისუფლების მიერ უკრაინაში განხორციელებული და განზრახ მხარდაჭერილი გოლოდომორი გენოციდად აღიარა. ამის შესახებ ნათქვამია გერმანიის პარლამენტის საიტზე.

„უკრაინაში შიმშილისგან მასობრივი სიკვდილიანობა არ ყოფილა უმოსავლიანობის შედეგი, ეს საბჭოთა კავშირის პოლიტიკური ხელმძღვანელობის პასუხისმგებლობაა იოსებ სტალინის დროს. გოლოდომორი არის დანაშაული კაცობრიობის წინაშე. დღევანდელი პოზიციებიდან მისი ისტორიულ-პოლიტიკური კლასიფიკაცია, როგორც გენოციდისა, აშკარაა“, − ნათქვამია რეზოლუციაში.

როგორც დოკუმენტშია ნათქვამი, 1931-1932 წლების ზამთარში უკრაინის სოფლებში ასობით ათასი ადამიანი დაიღუპა შიმშილით, თუმცა, „მიუხედავად ამისა, მოსავლის ძალადობრივი რეკვიზიცია კვლავ გრძელდებოდა, შიმშილი დამატებით სასჯელად გამოიყენებოდა“.
რეზოლუციას, რომელიც ბუნდესტაგში „ქრისტიან-დემოკრატებმა“, „სოციალ-დემოკრატებმა“, „მწვანეებმა“ და „თავისუფალმა დემოკრატებმა“ შეიტანეს, დეპუტატთა უმრავლესობამ დაუჭირა მხარი, თავი შეიკავეს მხოლოდ „ალტერნატივამ გერმანიისთვის“ და „მემარცხენეებმა“. კენჭისყრის შედეგების გამოცხადების შემდეგ სხდომათა დარბაზში დიდხანს ისმოდა აპლოდისმენტები.
წყარო: Deutscher Bundestag
ყველა ახალი ამბავი
0