https://sputnik-georgia.com/20221123/rusuli-navtobis-zrvruli-fasi-272395115.html
რუსულ ნავთობზე ზღვრული ფასი, სავარაუდოდ, დღეს გამოცხადდება
რუსულ ნავთობზე ზღვრული ფასი, სავარაუდოდ, დღეს გამოცხადდება
Sputnik საქართველო
თბილისი, 23 ნოემბერი — Sputnik. რუსეთიდან იმპორტირებულ ნავთობზე ზღვრული ფასის დაწესებაზე აშშ და მისი მოკავშირეები, სავარაუდოდ, დღეს შეთანხმდებიან, იუწყება Wall... 23.11.2022-ს, Sputnik საქართველო
2022-11-23T13:52+0400
2022-11-23T13:52+0400
2023-07-20T15:48+0400
მსოფლიო დღეს
სანქციები რუსეთის წინააღმდეგ
დიდი შვიდეული
აშშ
ევროკავშირი
ეკონომიკა
მსოფლიოს ახალი ამბები
https://cdnn1.img.sputnik-georgia.com/img/07e6/09/0a/270315357_0:212:3038:1921_1920x0_80_0_0_b86b2cb9caf181a3f06619190108e3cd.jpg
თბილისი, 23 ნოემბერი — Sputnik. რუსეთიდან იმპორტირებულ ნავთობზე ზღვრული ფასის დაწესებაზე აშშ და მისი მოკავშირეები, სავარაუდოდ, დღეს შეთანხმდებიან, იუწყება Wall Street Journal წყაროებზე დაყრდნობით.გამოცემის ინფორმაციით, ოფიციალური პირები ერთ ბარელზე დაახლოებით 60 დოლარის დაწესებაზე მსჯელობენ, თუმცა ზედა ზღვრულ ფასად შესაძლოა 70 დოლარიც დადგინდეს. „დიდი შვიდეულისა“ და ავსტრალიის ეს გადაწყვეტილება 5 დეკემბრიდან უნდა შევიდეს ძალაში.ტანკერებით იმპორტირებული რუსული ნავთობის შესყიდვაზე ზღვრული ფასის დაწესების იდეა რამდენიმე თვის წინ წამოაყენა აშშ-ის ფინანსთა მინისტრმა ჯანეტ იელენმა. მისი მიზანია შეუმციროს კრემლს ნავთობის ექსპორტიდან მიღებული შემოსავლები ისე, რომ რუსეთს ნავთობის წარმოებისა და ექსპორტის სტიმული შეუნარჩუნდეს. მოსალოდნელია, რომ ფასების დონე დროთა განმავლობაში დარეგულირდეს.დასავლეთის ქვეყნები რუსული ნავთობის ფასის გაკონტროლებას დადგენილზე მაღალ ფასში შეძენილი ნავთობის საზღვაო გადაზიდვების დაზღვევის, დაფინანსებისა და გადაზიდვის აკრძალვის მეშვეობით გეგმავენ. გემებს, რომლებიც აკრძალვის დარღვევაში იქნებიან მხილებული, სამი თვით ჩამოერთმევათ ტვირთების დაზღვევის შესაძლებლობა. როგორც აშშ-ის ფინანსთა სამინისტროს მიერ გამოქვეყნებულ განმარტებებშია ნათქვამი, სანქციებს დაექვემდებარებიან მხოლოდ ის გემთმფლობელები, რომლებიც შეგნებულად დაარღვევენ აკრძალვას.ზოგიერთი დასავლელი ექსპერტი მიიჩნევს, რომ ეს გეგმა ვერ იმუშავებს. აშშ-ის ფინანსთა ყოფილმა მინისტრმა სტივენ მნუჩინმა ახლახან მას „სასაცილო“ უწოდა.მოსკოვი, თავის მხრივ, აცხადებს, რომ ნავთობს დასავლეთის მიერ ნაკარნახევი ფასებით არ გაყიდის. თუმცა, როგორც Wall Street Journal წერს, ვაშინგტონი ამ განცხადებას კრემლის ბლეფად მიიჩნევს.იმ შემთხვევაში, თუ ევროკავშირის წევრი ქვეყნები ვერ შეთანხმდებიან რუსულ ნავთობზე ლიმიტირებული ფასის დაწესებაზე, 5 დეკემბრიდან ევროპული სანქციები ამოქმედდება, რომელიც რუსული ნავთობის ტრანსპორტირების დაფინანსებისა და დაზღვევის აკრძალვას ითვალისწინებს. თეთრი სახლი შიშობს, რომ ამან შესაძლოა ნავთობის მსოფლიო ფასების მკვეთრი ზრდა გამოიწვიოს.წყარო: Wall Street Journal
აშშ
ევროკავშირი
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სანქციები რუსეთის წინააღმდეგ, დიდი შვიდეული, აშშ , ევროკავშირი , ეკონომიკა, მსოფლიოს ახალი ამბები
სანქციები რუსეთის წინააღმდეგ, დიდი შვიდეული, აშშ , ევროკავშირი , ეკონომიკა, მსოფლიოს ახალი ამბები
თბილისი, 23 ნოემბერი — Sputnik. რუსეთიდან იმპორტირებულ ნავთობზე ზღვრული ფასის დაწესებაზე აშშ და მისი მოკავშირეები, სავარაუდოდ, დღეს შეთანხმდებიან, იუწყება Wall Street Journal წყაროებზე დაყრდნობით.
გამოცემის ინფორმაციით, ოფიციალური პირები ერთ ბარელზე დაახლოებით 60 დოლარის დაწესებაზე მსჯელობენ, თუმცა ზედა ზღვრულ ფასად შესაძლოა 70 დოლარიც დადგინდეს. „დიდი შვიდეულისა“ და ავსტრალიის ეს გადაწყვეტილება 5 დეკემბრიდან უნდა შევიდეს ძალაში.
ტანკერებით იმპორტირებული რუსული ნავთობის შესყიდვაზე ზღვრული ფასის დაწესების იდეა რამდენიმე თვის წინ წამოაყენა აშშ-ის ფინანსთა მინისტრმა ჯანეტ იელენმა. მისი მიზანია შეუმციროს კრემლს ნავთობის ექსპორტიდან მიღებული შემოსავლები ისე, რომ რუსეთს ნავთობის წარმოებისა და ექსპორტის სტიმული შეუნარჩუნდეს. მოსალოდნელია, რომ ფასების დონე დროთა განმავლობაში დარეგულირდეს.
დასავლეთის ქვეყნები რუსული ნავთობის ფასის გაკონტროლებას დადგენილზე მაღალ ფასში შეძენილი ნავთობის საზღვაო გადაზიდვების დაზღვევის, დაფინანსებისა და გადაზიდვის აკრძალვის მეშვეობით გეგმავენ. გემებს, რომლებიც აკრძალვის დარღვევაში იქნებიან მხილებული, სამი თვით ჩამოერთმევათ ტვირთების დაზღვევის შესაძლებლობა. როგორც აშშ-ის ფინანსთა სამინისტროს მიერ გამოქვეყნებულ განმარტებებშია ნათქვამი, სანქციებს დაექვემდებარებიან მხოლოდ ის გემთმფლობელები, რომლებიც შეგნებულად დაარღვევენ აკრძალვას.
ზოგიერთი დასავლელი ექსპერტი მიიჩნევს, რომ ეს გეგმა ვერ იმუშავებს. აშშ-ის ფინანსთა ყოფილმა მინისტრმა სტივენ მნუჩინმა ახლახან მას „სასაცილო“ უწოდა.
მოსკოვი, თავის მხრივ, აცხადებს, რომ ნავთობს დასავლეთის მიერ ნაკარნახევი ფასებით არ გაყიდის. თუმცა, როგორც Wall Street Journal წერს, ვაშინგტონი ამ განცხადებას კრემლის ბლეფად მიიჩნევს.
იმ შემთხვევაში, თუ ევროკავშირის წევრი ქვეყნები ვერ შეთანხმდებიან რუსულ ნავთობზე ლიმიტირებული ფასის დაწესებაზე, 5 დეკემბრიდან ევროპული სანქციები ამოქმედდება, რომელიც რუსული ნავთობის ტრანსპორტირების დაფინანსებისა და დაზღვევის აკრძალვას ითვალისწინებს. თეთრი სახლი შიშობს, რომ ამან შესაძლოა ნავთობის მსოფლიო ფასების მკვეთრი ზრდა გამოიწვიოს.
