რუსთავში დასაქმების ფორუმი გაიმართა

© photo: Sputnik / Stringerრუსთავის მერიის შენობა
რუსთავის მერიის შენობა - Sputnik საქართველო, 1920, 23.11.2022
გამოწერა
НовостиTelegram
დასაქმების ფორუმები საქართველოს სხვადასხვა ქალაქებში რეგულარულად ტარდება.
თბილისი, 23 ნოემბერი – Sputnik. რუსთავში დასაქმების ფორუმი ჩატარდა, რომელშიც ბიზნეს-სექტორის 40-ზე მეტმა წარმომადგენელმა მიიღო მონაწილეობა. ამის შესახებ ინფორმაციას დასაქმების ხელშეწყობის სახელმწიფო სააგენტო ავრცელებს.
უწყების ცნობით, ფორუმზე 800-მდე ვაკანსია იყო წარმოდგენილი. სამუშაოს მაძიებლებს შესაძლებლობა ჰქონდათ შეხვედროდნენ დამსაქმებლებს, გასაუბრებოდნენ სასურველი ვაკანსიების თაობაზე და წარმოეჩინათ საკუთარი უნარები პოტენციურ დამსაქმებლებთან.
ღონისძიება ქვემო ქართლში სახელმწიფო რწმუნებულის მხარდაჭერითა და რუსთავისა და გარდაბნის მუნიციპალიტეტების მერიის ჩართულობით, ასევე პროექტის „ახალგაზრდული მეწარმეობა სოფლის განვითარებისთვის” მხარდაჭერით გაიმართა.
რა რაოდენობის ხელფასს იღებენ საქართველოს მოქალაქეები – ახალი კვლევა>>>
დასაქმების სააგენტოს ორგანიზებით ნოემბერ–დეკემბერში კიდევ ორი დასაქმების ფორუმია ჩანიშნული. კერძოდ, შემდეგი ფორუმი 29 ნოემბერს თბილისში (დასაქმების ფორუმი ზამთრის კურორტებისთვის – ყაზბეგი, გუდაური, ბორჯომი, ბაკურიანი, საირმე, მესტია, გორდერძი), 9 დეკემბერს კი გორში გაიმართება.
ღონისძიების მიზანია შრომის ბაზარზე სამუშაოს მაძიებლებსა და დამსაქმებლებს შორის პირდაპირი კომუნიკაციის ხელშეწყობა.
ყველა ახალი ამბავი
0