ვახტანგ გომელაური კმაყოფილია შსს-ს თანამშრომლების მუშაობით დანაშაულის გახსნის კუთხით

© Ministry of Internal Affairs of Georgiaვახტანგ გომელაური
ვახტანგ გომელაური - Sputnik საქართველო, 1920, 19.11.2022
გამოწერა
НовостиTelegram
2022 წლის სამ კვარტალში ჩადენილი დანაშაულების რაოდენობა 4%-ით შემცირდა გასული წლის ანალოგიურ პერიოდთან შედარებით.
თბილისი, 19 ნოემბერი – Sputnik. დანაშაულის შემცირება და გახსნილი საქმეების ზრდა პოლიციის თანამშრომლების კარგ მუშაობაზე მეტყველებს, განაცხადა საქართველოს შინაგან საქმეთა მინისტრმა ვახტანგ გომელაურმა.
2022 წლის სამ კვარტალში ჩადენილი დანაშაულების რაოდენობა 4%-ით შემცირდა გასული წლის ანალოგიურ პერიოდთან შედარებით. ამასთან, წლის დასაწყისიდან გახსნილია საქმეების 57,9%.
„ბოლო წლებიდან გამომდინარე ერთ-ერთ საუკეთესო მდგომარეობაში ვართ - სტატისტიკის კუთხით დაწეულია დანაშაულის რიცხვიც, გახსნის მაჩვენებელიც გაზრდილია“, - განაცხადა გომელაურმა პოლიციის დეპარტამენტების ხელმძღვანელებთან გამართულ თათბირზე.
ამასთან დანაშაულის შემცირების მიზეზად მინისტრმა დაასახელა განხორციელებული რეფორმები, პოლიციის კარგი მუშაობა და გამოძიების დროს მიღებული სწორი გადაწყვეტილებები.
შინაგან საქმეთა სამინისტროს მასალების თანახმად, საქართველოში თვეში საშუალოდ 4,5-5 ათასი დანაშაული ხდება - დანაშაულის პიკი ზაფხულის პერიოდზე მოდის.
საქართველოში ყველაზე გავრცელებულ დანაშაულად კვლავ რჩება ქურდობა, ოჯახური ძალადობა, ნარკოდანაშაული.
წყარო - შსს
ყველა ახალი ამბავი
0